पहिला इतिहास 3 - पवित्तर बाइबिल

दाऊद क पूतन

¹ दाऊद क कछू पूत हेब्रोन नगर मँ पइदा भए रहेन। दाऊद क पूतन क इ सूची अहइ: दाऊद क पहिला पूत अम्मोन रहा। अम्मोन क महतारी अहीनोअम रही। उ यिज्रेली नगर क रही। दूसर पूत दानिय्येल रहा। ओकर महतारी अबीगैल-कर्मेल (यहूदा)क रही

² तीसर पूत अबसालोम रहा। ओकर महतारी तल्मै क बिटिया माका रही तल्मै गसूर क राजा रहा। चउथा पूत ओदानिय्याह रहा। ओकर महतारी हग्गीत रही।

³ पाँचवा पूत सपत्याह रहा। ओकर महतारी अबीतल रही। छठा पूत यित्राम रहा। ओकर महतारी दाऊद क मेहरारु एग्ला रही।

⁴ हेब्रोन मँ दाऊद क इ सबइ छ: पूत पइदा भए रहेन। दाऊद हुवाँ सात बरिस छ: महीने सासन किहस। दाऊद, यरुसलेम मँ तैंतीस बरिस राजा रहा।

⁵ दाऊद क यरुसलेम मँ पइदा भए पूत इ सबइ रहेन: चार बच्चे बतसेबा स पइदा भएन। बतसेबा अम्मीएल क बिटिया रही, सिमा, सोबाब, नातान अउ सुलैमान।

^6-8 दूसर नौ बच्चन इ सबइ रहेन: यिभार, एलीसामा, एलीपेलेत, नेगाह, नेपेग, यापी, एलीसामा, एल्यादा अउर एलीपेलेत।

⁹ उ सबइ सबहिं दाऊद क पूत रहेन। दाऊद क दूसर पूत रखैलन स रहेन। तामार दाऊद क बिटिया रही।

दाऊद क समइ क पाछे क यहूदा क राजा

¹⁰ सुलैमान क पूत रहबाम रहा अउर रहाबाम क पूत अबिय्याह रहा। अबिय्याह क पूत आसा रहा। आसा क पूत यहोसापात रहा।

¹¹ यहोसापात क पूत योराम रहा। योराम क पूत अहजयाह रहा। अहजयाह क पूत योआस रहा।

¹² योआस क पूत अमस्याह रहा। अमस्याह क पूत अर्ज्याह रहा। अर्ज्याह क पूत योताम रहा।

¹³ योताम क पूत आहाज़ रहा। आहाज़ क पूत हिजकिय्याह रहा हिजकिय्याह क पूत मनस्से रहा।

¹⁴ मनस्से क पूत आमोन रहा। आमोन क पूत योसिय्याह रहा।

¹⁵ योसिय्याह क पूतन क सूची इ अहइ: पहिला पूत योहानान रहा। दूसर पूत यहोयाकीम रहा। तीसर पूत सिदकिय्याह रहा। चउथा पूत सल्लूम रहा।

¹⁶ यहोयाकीम क पूत यकोन्याह, अउर ओकर पूत सिदकिय्याह रहेन।

बाबुल क जरिये यहूदा क हराइ दिहे क पाछे क दाऊद क बंसवली

¹⁷ यकोन्याह क बाबुल मँ बन्दी होइ क पाछे यकोन्याह क पूतन क इ सूची अहइ। ओकर सन्तानन इ सबइ रहिन: सालतीएल,

¹⁸ मल्कीराम, पदायाह, सेनास्सर, यकम्याह, होरामा अउर नदब्याह।

¹⁹ पदायाह क पूत जरुब्बावेल अउ सिमी रहेन। जरुब्बावेल क पूत मसुल्लाम अउ हन्नयाह रहेन। सलोमीत ओनकर बहिन रही।

²⁰ जरुब्बाबेल क दूसर पाँच पूत भी रहेन। ओनकर नाउँ हसूबा, ओहेल, बेरेक्याह, हसघाह, अउर यूसमेसेद रहा।

²¹ हनन्याह क सन्तानन: हनन्याह क पूत पलत्याह, पलत्याह क पूत यसायाह, यसायाह क पूत रपायाह, रपायाह क पूत अर्नान, अर्नान क पूत ओबद्याह अउर ओबद्याह क पूत सकन्याह रहा।

²² इ सूची तकन्याह क सन्तान समायाह क अहइ: समायाह क छ: पूत रहेन: समायाह, हत्तूस अउर यिगाल, बारीह, नार्याह अउर सपात।

²³ नार्याह क तीन पूत रहेन। उ पचे एल्योएनै, हिजकिय्याह अउ अजीकाम रहेन।

²⁴ एल्योएनै क सात पूत रहेन। होदब्याह, एल्यासीब, पलायाह, अकवूब, योहानान, दलायाह अउ अनानी रहेन