पहिला इतिहास 24 - पवित्तर बाइबिल

याजकन क समूह

¹ हारून क पूतन क इ सबइ समूह रहेन: हारून क पूत नादाब, अबीहू, एलीआजर अउ ईतामार रहेन।

² मुला नादाब अउ अबीहू अपने बाप क मउत क पहिले ही मर गएन अउर नादाब अउ अबीहै क कउनो पूत नाहीं रहा एह बरे एलीआजर अउ ईतामार याजक क रूप मँ कार्य किहन।

³ दाऊद एलीआजर अउ ईतामार क परिवार समूह क दुइ भिन्न समूहन मँ बाँटेस। दाऊद इ एह बरे किहस कि इ सबइ समूह ओनका दीन्ह गए कर्त्तव्यन क पूरा कइ सकइ। दाऊद इ सब सादोक अउर अहीमेलेक क मदद स किहेस। सादोक एलीआजर क सन्तान रहा अउर अहीमेलेक ईतामार क सन्तान रहा।

⁴ एलीआजर क परिवार समूह क प्रमुख ईतामार क परिवार समूह क प्रमुखन स जियादा रहेन। एलीआजर क परिवार समूह क सोलह प्रमुख रहेन अउर ईतामार क परिवार समूह स आठ प्रमुख रहेन।

⁵ हर एक परिवारे स मनईयन चुने गए रहेन। उ पचे गोट डाइके चुने गए रहेन। कछू मनईयन पवित्तर जगह क अधिकारी चुने गए रहेन अउर दूसर मनई याजक क रूप मँ सेवा बरे चुने गए रहेन। इ सबइ मनई एलिआजर अउर ईतामार क परिवार समूहन स चुने गए रहेन।

⁶ समायाह लिपिकार रहा। उ नतनेल क पूत रहा। समायाह लेवी परिवार समूह स रहा। समायाह ओन सन्तानन क नाउँ लिखेस। उ ओन नामन क राजा दाऊद अउर एन प्रमुखन क समन्वा लिखेस: याजक सादोक, अहीमेलेक अउ याजक अउ लेवीबंसियन क परिवारन क प्रमुख। अहीमेलेक एब्यातार क पूत रहा। हर एक दाईं उ पचे गोट डाइके एक मनई चुनत रहेन अउर समायाह उ मनई क नाउँ लिख लेत रहा। इ तरह उ पचे एलीआजर अउर ईतामार क परिवारन मँ काम क बाँटेस।

⁷ पहला समूह यहोयारीब क रहा। दूसरा समूह यदायाह क रहा।

⁸ तीसरा समूह हारीम क रहा। चउथा समूह सोरीम क रहा।

⁹ पाँचवा समूह मल्किय्याह क रहा। छठा समूह मिय्यामीन क रहा

¹⁰ सातवाँ समूह हक्कोस क रहा। आठवाँ समूह अबिय्याह क रहा।

¹¹ नवाँ समूह येसू क रहा। दसवाँ समूह सकन्याह क रहा।

¹² गियारहवा समूह एल्यासीब क रहा। बारहवाँ समूह याकीम क रहा।

¹³ तेरहवाँ समूह हुप्पा क रहा। चौदहवाँ समूह येसेबाब क रहा।

¹⁴ पन्द्रहवाँ समूह बिल्गा क रहा। सोलहवाँ समूह इम्मेर क रहा।

¹⁵ सत्रहवाँ समूह हेजीर क रहा। अट्ठरहवाँ समूह हप्पित्सेस क रहा।

¹⁶ उन्नीसवाँ समूह पतह्याह क रहा। बीसवाँ समूह यहेजकेल क रहा।

¹⁷ इक्कीसवाँ समूह याकीन क रहा। बाईसवाँ समूह गामूल क रहा।

¹⁸ तेईसवाँ समूह दलायाह क रहा। चौबीसवाँ समूह माज्याह क रहा।

¹⁹ यहोवा क मन्दिर मँ सेवा करइ क बरे इ सबइ समूह चुने गए रहेन। उ पचे मन्दिर मँ सेवा करइ बरे हारून क नेमन क मानत रहेन। इस्राएल क यहोवा परमेस्सर एन नेमन क हारून क दिहे रहा।

दूसर लेवीबंसी

²⁰ इ सबइ नाम सेस लेवी सन्तान क अहइँ: अम्राम क सन्तानन स सूबाएल। सूबाएल क सन्तानन स येहदयाह।

²¹ रहब्याह स: यिस्सिय्याह (यिस्सिय्याह सब स बड़का पूत रहा)

²² इसहारी परिवार समूह स: सलोमोत। सलोमोत क परिवार स: यहत।

²³ हेब्रोन क सब स बड़का पूत यरिय्याह रहा। अमर्याह हेब्रोन क दूसर पूत रहा। यहजीएल तीसर पूत रहा। अउर यकमान चउथा पूत

²⁴ उज्जीएल क पूत मीका रहा। मीका क पूत सामीर रहा।

²⁵ यिस्सिय्याह मीका क भाई रहा। यिस्सिय्याह क पूत जकर्याह रहा।

²⁶ मरारी क सन्तान महली, मूसी अउर ओकर पूत याजिय्याह रहेन।

²⁷ मरारी क पूत याजिय्याह क पूतन नाउँ: सोहम, जक्कू अउर इब्री रहेन।

²⁸ महली क पूत एलीआजर रहा किन्तु एलीआजर क कउनो पूत नाहीं रहा।

²⁹ कीस क पूत यरह्मेल रहा।

³⁰ मूसी क पूत महली, एदेर अउर यरीमोत रहेन। उ पचे लेवीबंसी परिवारन क प्रमुख अहइ। उ पचे अपने परिवारन क सूची मँ अहइ।

³¹ उ पचे बिसेस कामन बरे चुने गए रहेन। उ पचे अपने सम्बन्धी याजकन क तरह गोट डावत रहेन। याजक हारून क सन्तान रहेन। उ पचे राजा दाऊद, सादोक, अहीमेलेक अउर याजकन अउ लेवी क परिवारन क प्रमुखन क समन्वा गोटन डाएन। जब ओनके काम दिए गएन तउ पुराने अउ नवा परिवारन क एक सा बेउहार भवा।