Ạsuor 1 - Ạḍinya Iigbia

Ạḍiḅel ạḍinya ( Ạsuor 1—41 ) Ọkaraghi iboh

¹ Iboh edianaan ni oye phọ ọpo aghel bọ oroma ạsipioghom mọ, ọpo ụ́daph bọ eḍighinom ịyaar abuḍighinom ịkaraph, ḅịle uḍighan bọ ẹku ạbuphe ụ́maghami bọ Ẹnaan ịyaar.

² Kpạripe, ọdi ạwa ọḅaal ologhi esi ooko ologh Ọmoogh-we phọ, ḍughul rꞌootaany ọdi rọtuugha ghan ologh phọ ọdi.

³ Ọdi ạkigh oreeny dị ọzuph ọgbal ọphiiny dị ramuum ghan iimuma lọ mẹteeny omuum, kụ ạrinya ọdi rékeel ghan ọnam. Tọro ịyaar lọ ọdi ạḅogh rẹnighenaan ghan ni nyọdi.

⁴ Ịdipho ílhoonaan bụo ạsipioghom mọ. Ạbidi ọkigh ịpherepher dị ookuugh rapula kạsighe.

⁵ Ịduon kụ iḍighi kụ erugh bụo ạsipioghom rékeel ghan; abuḍighinom ịkaraph róḍighom ghan ookpomoghan ạbuo aruukuan.

⁶ Ọmoogh-we phọ raako ghan ni bụo aruukuan reten phọ ạbidi; kụ ọlo eten ạbuo ạsipioghom mọ ẹlo amuphe.