Ruth 3 - Acoli Baibul

Ruth ki Boaj i laro me dino bel

¹ Daane Naomi dok owacce ni, “Nyara, pe myero ayennyi ot, wek ibed maber?

² Boaj ma onoŋo ibedo ki anyirane-ni en aye ladoggolawa. Nen ba, en bipyeto cayirine tin otyeno i laro moyo,

³ Ber in ilwokke, iwirre ki moo, irukke ki boŋŋini mabeco-ni, ci icit kunnu wa i laro. Ento pe inyutte kekeni bo te nio ka otyeko cam ki mat-gu.

⁴ Lacen ka doŋ obuto piny, in inen ka ma obuto iye-ni, ci icit iye, iel tuŋ ka tyene, ibut iye; ci en bititti gin ma ibitiyo.”

⁵ Ruth ogamo ni, “Abitiyo gin ma iwaco ducu.”

⁶ Kit meno Ruth ocako cito wa i laro moyo, ci otiyo kit ma daane otitte-ni kikome.

⁷ Ka Boaj otyeko camo cam ki mat-gu, ma kun cwinye yom, ocito obuto Ka ŋet cayiri ma giguro kacel. Ci Ruth okwalle ocito mot, oelo tuŋ tyene, obuto piny,

⁸ Ki i cwiny dyewor laco ocako po; ka olokke, ci nen, dako mo obuto ka tyene!

⁹ Owacci, “In aŋa?” Ogamo ni, “An a Ruth, aŋecani. Yar dog boŋoni, iuma kwede, pien in aye imyero ka lako an.”

¹⁰ En owacce ni, “Rwot omiyo gum, nyara; man inyutta berri madit makato macon, pien pe icito i kor awobe matino, ma lucan nyo ma lulonyo.

¹¹ Ci tin, nyara, pe doŋ ilwor, pien abitimo piri gin ducu ma ilego-ni, pien lutuwa ma i gaŋ-ŋi giŋeyo kit berri.

¹² Me adane an aye a watwu macok, ento tye omegiwa ma dok cok makato an ma romo lako in.

¹³ Koŋ ibut i dyewor man, ci diki odiko ka ce omegiwa mukene aye bilaki, wek en olaki; ento ka omegiwa mukene-ni pe mito laki, macalo Rwot tye makwo-ni, ci an abilaki ma ka en. Doŋ ibut piny nio wa odiko.”

¹⁴ Obuto piny ka tyene nio wa odiko, ento oa woko con ma piny pud ribiribi; ci Boaj ociko ni, “Pe ŋatti mo one ni dako man obino wa i laro moyo.”

¹⁵ Ci owacci, “Kel boŋo ma iruko-ni, iyar iye.” Oyaro iye, ci Boaj opimo cayiri agwata moko abicel, ocibo i wiye, ci en ocito kwede gaŋ,

¹⁶ Ka en obino bot daane,’ daane openye ni, “Wotti obedo niŋniŋ, nyara?” Ci otitte gin ducu ma laco meno otimo i kome,

¹⁷ kun waco ni, “En omiya cayiri agwata moko abicel kun wacci, ‘Pe myero idok bot daani ki ciŋi noŋo.’ ”

¹⁸ Ci daane odok iye ni, “Nyara, koŋ ikur nio ka iniaŋ