Malaki 4 - Acoli Baibul

Nino pa Rwot ma bibino

¹ “Pien nen, nino bibino ma waŋ calo keno ma mac tye iye; jo ma wakke, ki lutim maraco ducu gidoko macalo ren kal; nino ma bino-ni biwaŋogi woko, pe dok biwekogi lwite kadi jaŋe, man lok ma Rwot me mony owaco.

² Ento pi wun jo ma wulworo nyiŋa cen me Lar mera bituc ma tye ki gin me caŋo dano i bwome. Wun wubikato woko kun wupye macalo roci ma gua ki i dwol.

³ Wubinyono jo maraco piny, gibidoko macalo butu i te tyenwu, i nino ma abitic iye.

⁴ “Wupo pi cik pa laticca Moses, cik ki gin ma yam acike kwede i Koreb pi jo Icrael ducu.

⁵ “Nen, abicwalo lanebi Elia botwu” ma peya nino pa Rwot oo, nino madit ki ma kelo lworo.

⁶ En biloko cwiny wegi litino i kom litinogi ki cwiny litino i kom wegigi, wek pe abin abal lobogi woko macalo gin ma giceno.” Man lok ma Rwot me mony owaco.