Kocea 3 - Acoli Baibul

Kocea ki dako ma latim abor

¹ Rwot owacca ni, “Dok icimar dako ma meye maro, ma latim abor; macalo Rwot maro jo Icrael, kadi bed gulokke gudok bot jogi kun gimaro poki olok mutwo.”

² Ka doŋ awile pi cekel apar wiye abic me ryal, ki cayiri ma romo guniya aŋwen ki nucu,

³ Ci awacce ni, “Myero ibed macalo dakona pi kare malac, kun pe ibedo lakwele, pe ibed ki laco mo; an bene abibedo kwedi kit meno.”

⁴ Pien jo Icrael biri pi kare malac laboŋo kabaka mo nyo laker mo, laboŋo gitum nyo wir me aworagi, laboŋo cal lubaŋa mo me tyet.

⁵ Lacen jo Icrael bilokke, gibicako yenyo Rwot Lubaŋagi, ki kabakagi Daudi; pi meno ber pa Rwot bimiyo gidwogo bote ki woro i kare ma tye anyim.