Genesis 5 - Ang Biblia (1982)

Ang mga Kaliwatan ni Adam

¹ Ini amo ang tolon-an sang mga kaliwatan ni Adam. Sa adlaw nga gintuga sang Dios ang tawo, ginhimo niya sia sa kaangay sang Dios.

² Lalaki kag babayi gintuga niya sila, kag ginpakamaayo sila, kag ginhingalanan sila Tawo sa adlaw nga gintuga sila.

³ Sang si Adam nagkabuhi sing isa ka gatus kag katloan ka tuig, nangin-amay sang isa ka anak nga lalaki sa kaangay niya, sono sa iya dagway, kag ginhingalanan sia Set.

⁴ Ang kaadlawan ni Adam sa tapus nga natawo si Set walo ka gatus ka tuig; kag nangin-amay sia sang mga anak nga lalaki kag mga anak nga babayi.

⁵ Busa ang bug-os nga mga adlaw nga ginkabuhi ni Adam, siam ka gatus kag katloan ka tuig; kag napatay sia.

⁶ Sang si Set nagkabuhi sing isa ka gatus kag lima ka tuig, sia nangin-amay ni Enos.

⁷ Si Set nagkabuhi sing walo ka gatus kag pito ka tuig sa tapus nga natawo si Enos, kag nangin-amay sang mga anak nga lalaki kag mga anak nga babayi.

⁸ Busa ang bug-os nga kaadlawan ni Set siam ka gatus kag napulo kag duha ka tuig; kag napatay sia.

⁹ Sang nagkabuhi si Enos sing kasiaman ka tuig, nangin-amay ni Cainan.

¹⁰ Si Enos nagkabuhi sing walo ka gatus kag napulo kag lima ka tuig sa tapus nga natawo si Cainan, kag nangin-amay sang mga anak nga lalaki kag mga anak nga babayi.

¹¹ Busa ang bug-os nga kaadlawan ni Enos siam ka gatus kag lima ka tuig; kag napatay sia.

¹² Sang si Cainan nagkabuhi sing kapitoan ka tuig, nangin-amay ni Mahalalel.

¹³ Si Cainan nagkabuhi sing walo ka gatus kag kap-atan ka tuig sa tapus nga natawo si Mahalalel, kag nangin-amay sang mga anak nga lalaki kag mga anak nga babayi.

¹⁴ Busa ang bug-os nga kaadlawan ni Cainan siam ka gatus kag napulo ka tuig; kag napatay sia.

¹⁵ Sang si Mahalalel nagkabuhi sing kan-uman kag lima ka tuig, nangin-amay ni Jared.

¹⁶ Si Mahalalel nagkabuhi sing walo ka gatus kag katloan ka tuig sa tapus nga natawo si Jared, kag nangin-amay sang mga anak nga lalaki kag mga anak nga babayi.

¹⁷ Busa ang bug-os nga kaadlawan ni Mahalalel walo ka gatus kag kasiaman kag lima ka tuig; kag napatay sia.

¹⁸ Sang si Jared nagkabuhi sing isa ka gatus kag kan-uman kag duha ka tuig nangin-amay ni Enoc.

¹⁹ Si Jared nagkabuhi sing walo ka gatus ka tuig sa tapus nga natawo si Enoc, kag nangin-amay sang mga anak nga lalaki kag mga anak nga babayi.

²⁰ Busa ang bug-os nga kaadlawan ni Jared siam ka gatus kag kan-uman kag duha ka tuig; kag napatay sia.

²¹ Sang si Enoc nagkabuhi sing kan-uman kag lima ka tuig, nangin-amay ni Metusela.

²² Si Enoc naglakat upud sa Dios sing tatlo ka gatus ka tuig sa tapus nga natawo si Metusela, kag nangin-amay sang mga anak nga lalaki kag mga anak nga babayi.

²³ Busa ang bug-os nga kaadlawan ni Enoc tatlo ka gatus kag kan-uman kag lima ka tuig.

²⁴ Si Enoc naglakat upud sa Dios; kag wala na sia, kay ginkuha sia sang Dios.

²⁵ Sang si Metusela nagkabuhi sing pito ka gatus kag kawaloan kag pito ka tuig, nangin-amay ni Lamec.

²⁶ Si Metusela nagkabuhi sing pito ka gatus kag kawaloan kag duha ka tuig sa tapus natawo si Lamec, kag nangin-amay sang mga anak nga lalaki kag mga anak nga babayi.

²⁷ Busa ang bug-os nga kaadlawan ni Metusela siam ka gatus kag kan-uman kag siam ka tuig; kag napatay sia.

²⁸ Sang si Lamec nagkabuhi sing isa ka gatus kag kawaloan kag duha ka tuig, nangin-amay sang isa ka anak nga lalaki,

²⁹ kag ginhingalanan niya sia Noe, nga nagasiling, “Ini sia magalipay sa aton sa buluhaton ta kag sa pagpangabudlay sang aton mga kamut bangud sang duta nga ginpakamalaut sang Ginoo.”

³⁰ Si Lamec nagkabuhi sing lima ka gatus kag kasiaman kag lima ka tuig sa tapus natawo si Noe, kag nangin-amay sang mga anak nga lalaki kag mga anak nga babayi.

³¹ Busa ang bug-os nga kaadlawan ni Lamec pito ka gatus kag kapitoan kag pito ka tuig; kag napatay sia.

³² Sang si Noe lima ka gatus ka tuig, si Noe nangin-amay ni Sem, ni Ham, kag ni Jafet.