Genesis 10 - Ang Biblia (1982)

Ang mga Kaliwatan sang mga Lalaking Anak ni Noe

¹ Amo ini sila ang mga kaliwatan sang mga anak nga lalaki ni Noe, ni Sem, ni Ham, kag ni Jafet; nangin-amay sila sang mga anak nga lalaki sa tapus ang anaw.

² Ang mga anak nga lalaki ni Jafet: si Gomer, si Magog, si Madai, si Javan, si Tubal, si Mesec, kag si Tiras.

³ Ang mga anak nga lalaki ni Gomer: si Askenaz, si Rifat, kag si Togarma.

⁴ Ang mga anak nga lalaki ni Javan: si Elisa, si Tarsis, si Kitim, kag si Dodanim.

⁵ Sa ila sini ginbahinbahin ang mga pulo sang mga pungsud sa ila mga duta, ang tagsatagsa sono sa ila hambal, sono sa ila mga panimalay, sa ila mga pungsud.

⁶ Ang mga anak nga lalaki ni Ham: si Cus, si Mizraim, si Put, kag si Canaan.

⁷ Ang mga anak nga lalaki ni Cus: si Seba, si Havila, si Sabta, si Raama, kag si Sabteca. Ang mga anak nga lalaki ni Raama: si Saba kag si Dedan.

⁸ Si Cus amay ni Nimrod; sia nahauna nga gamhanan sa duta.

⁹ Sia gamhanan nga mangangayam sa atubangan sang Ginoo; busa ginasiling, “Kaangay ni Nimrod nga gamhanan nga mangangayam sa atubangan sang Ginoo.”

¹⁰ Ang pamuno sang iya ginharian amo ang Babel, ang Erec, ang Acad, kag ang Calne, sa duta sang Sinar.

¹¹ Gikan sa sadtong duta nagkadto sia sa Asiria, kag nagpatindug sang Ninive, sang Rehobot-lr, sang Cala,

¹² kag sang Resen sa ulut sang Ninive kag Cala; nga amo ang dakung banwa.

¹³ Si Mizraim amay sang Ludim, sang Anamim, sang Lehabim, sang Naftuhim,

¹⁴ sang Patrusim, sang Casluhim (nga sa ila naggikan ang mga Filistinhon), kag sang Caftorim.

¹⁵ Si Canaan amay ni Sidon nga iya panganay, kag ni Het,

¹⁶ kag sang mga Jebusnon, sang mga Amornon, sang mga Girgasanhon,

¹⁷ sang mga Hevhanon, sang mga Araknon, sang mga Sinhanon,

¹⁸ sang mga Arvadnon, sang mga Zemarnon, kag sang mga Hamatnon. Sang olihi naglapta ang mga panimalay sang mga Canaanhon.

¹⁹ Kag ang dulunan sang mga Canaanhon kutub sa Sidon, sa nagapakadto ka nayon sa Gerar, tubtub sa Gaza, kag sa nagapakadto ka nayon sa Sodoma, Gomorra, Adma, kag Zeboim, tubtub sa Lasa.

²⁰ Ini sila amo ang mga anak nga lalaki ni Ham, sono sa ila mga panimalay, sa ila mga hambal, sa ila kadutaan, kag sa ila mga pungsud.

²¹ Sa kay Sem man, ang amay sang tanan nga mga anak ni Heber, ang magulang ni Jafet, sa iya natawo ang mga anak.

²² Ang mga anak nga lalaki ni Sem: si Elam, si Asur, si Arfaxad, si Lud, kag si Aram.

²³ Ang mga anak nga lalaki ni Aram: si Uz, si Hul, si Geter, kag si Mas.

²⁴ Si Arfaxad amay ni Sela; kag si Sela amay si Heber.

²⁵ Si Heber amay sang duha ka anak nga lalaki: ang ngalan sang isa si Peleg, kay sa iya kaadlawan ginbahinbahin ang duta, kag ang ngalan sang iya utud si Joctan.

²⁶ Si Joctan amay ni Almodad, ni Selef, ni Hazarmavet, ni Jera,

²⁷ ni Hadoram, ni Uzal, ni Dicla,

²⁸ ni Obal, ni Abimael, ni Saba,

²⁹ ni Ofir, ni Havila, kag ni Jobab; ini sila tanan mga anak nga lalaki ni Joctan.

³⁰ Ang ila puluy-an kutub sa Mesa sa nagapakadto ka nayon sa Sefar sa bakolod sang sidlangan.

³¹ Ini sila amo ang mga anak ni Sem, sono sa ila mga panimalay, sa ila mga hambal, sa ila kadutaan, kag sa ila mga pungsud.

³² Ini sila amo ang mga panimalay sang mga anak nga lalaki ni Noe, sono sa ila mga kaliwatan, sa ila mga pungsud; kag sa ila sini ginbahinbahin ang mga pungsud sa duta sa tapus ang anaw.