Yoane 17 - Amashiwi Aba Lesa

¹ Amasiwi ayo ŵaYesu ŵalialaŵile, eli waŋgenuka ukulolesya mwiulu, nekulaŵila ati: Tata, pano impindi yaisa; mumulemye Umwana wenu, ati Umwana wenu naye amulemyeni:

² koti nifyopele'fyo ifi mwamupele uŵukulu ubwapaŵamunefu ŵonse, ati ye aŵapele umweo uwamuyayaya ŵonse aŵo aŵa mwamupele.

³ Nawo umweo uwamuyayaya niwuyu, ati ŵakamwisiŵeni mweŵo emwe mweŋka mweŵaLcsa ŵacine, nawoyo uyu mwatumine, Yesu Klistu.

⁴ Nalimulemesyeni pacalo capansi, ili nakonsesye imilimo iyo mwampele ati ncite.

⁵ Pano Tata, ŋgamundemve pamo namweŵo mweŵene kuwuleme uŵo nali naŵo pamo namweŵo akale, lomba taciŋgawa-po icalo capansi.

⁶ Nalilifisulwile isina lyenu kuwantu aŵo aŵa mwampele aŵafumine paŵapacalo capansi; ŵali ŵenu, kaŵili mwaliŵapele kuli neŵo; naŵo ŵalukwalama amasiwi enu.

⁷ Ŵukumo ŵaliisi ati fyonse'fyo ifi mwampele filifumine kuli mweŵo.

⁸ Pakuti amasiwi ayo mwampele naliŵapele; naŵo ŵaliapokelele nekwisiŵe'cine ati nalifumine kuli mweŵo, nekucetekela ati mwalintumine.

⁹ Ndaŵapapatilila ŵo, nsiŵapapatilila aŵapacalo capansi, sombi aŵo aŵa mwampele eŵo mpapatilila; pakuti ŵo ŵenu.

¹⁰ Kaŵili ifintu fyanji fyonse fyenu; nefyenu fyonse nafyo fyanji; nakaŵili ndicindicilwe muli fyo.

¹¹ Lomba pano ndukuleko'kwikala muno mucalo capansi; sombi aŵa ŵacili pacalo capansi; neŵo ndukwisa kuli mweŵo. Tata, mweŴaswetelele, muŵalame mwisina lyenu aŵo mwampele, ati ŵakalukwikele ŵamo, koti nifyopele' fyo nafweŵo ifi tuli.

¹² Ili ncili naŵo, nalukuŵalama mwisina Iyenu aŵo mwampele; kaŵili ŵo nalukuŵembela; peŋka pali ŵo tapaonalwa, sombi eŋko'vo umwana wakonalwa ewaonaicile: ifyo ati amalembo apelelwe pamo.

¹³ Sombi ŵukumo ndukwisa kuli mweŵo; kaŵili ifyeŵo ifyo ndukulaŵilila mucalo capansi, ati ukusaŋgalala kwanji kukumane muli ŵo.

¹⁴ Naliŵapele isiwi Iyenu; lomba aŵapacalo capansi ŵaliŵafitilwe, pakuti taŵali pali ŵaŵo aŵapacalo capansi.

¹⁵ Nsilukutembela ati mukaŵafumye mucalo capansi; sombi ndukutembela ati mukalukuŵacicila kuli woyo uŵipile.

¹⁶ Aŵo taŵali pali ŵaŵo aŵapacalo capansi; koti nifyopele'fyo naneŵo ifi nsili wapacalo capansi.

¹⁷ Ŵaswesyeni muli ŵucine; isiwi Iyenu eŵucine.

¹⁸ Koti nifyopele'fyo ifi mwantumine mucalo capansi, efi mbatumine naŵo mucalo capansi.

¹⁹ Kaŵili pakuti pali ŵo ndukuliswesya, ati naŵo aŵene waŋgaswesiwa muli ŵucine.

²⁰ Nakaŵili nsilukuwapapatilila ŵeŋka aŵa, sombi ndukuŵapapatilila naŵaŵo aŵakalukupemamo muli neŵo pakuti pamasiwi aŵo;

²¹ ati ŵonse ŵakaŵe ŵamo; koti nifyopele'fyo namweŵo, Tata, ifi muli muli neŵo, naneŵo ifi ndi muli mweŵo, ati naŵaŵo fyopele'fyo ŵakalukuli mulifweŵo; ati aŵapacalo capansi ŵakacetekele ati mwalintumine.

²² Kaŵili uŵuleme uŵo mwampele naliŵapele, ati ŵakalukuli ŵamo koti nifyopele'fyo ifi tuli ŵamo fweŵo:

²³ neŵo muli ŵo, namweŵo muli neŵo, ati ŵakawaminine muli ŵamo, ati aŵapacalo capansi ŵonse ŵakesiŵe ati mwalintumine, nakaŵili ati muliŵatemenwe, koti nifyopele'fyo ifi muntemenwe neŵo.

²⁴ Tata, ndukufwaya ati uko uku ŋkalukuli neŵo, naŵaŵo aŵa mwampele ŵakalukwikele naneŵo, ati ŵakaŵone uŵuleme bwanji, uŵo uŵu mwampele; pakuti mwalukuntemwa, lomba taciŋgaleŋgwa icalo capansi.

²⁵ Tata, mweWaluŋgeme, aŵapacalo capansi taŵamwisiŵileni-po; sombi neŵo nalimwisiŵileni; kaŵili ŵaliisiŵile ati mwalintumine.

²⁶ Naliŵesiŵisye isina Iyenu; nakawili nakululwilisiŵisya; ati uŵutemwe uŵo uŵu mwalukuntemwa neŵo ŵukekale muli ŵo, naneŵo ŋkekale muli ŵo.