Yoane 12 - Amashiwi Aba Lesa

¹ Peŋka pakusyala-ko lukoso insiku sisanu nakamo ukufika kumpindi yamuciluko, lomba ŵaYesu ŵaliisile kuBetania, ukwali Lasalo, uyo ŵaŵusisye ŵaYesu muŵafwile.

² Naŵo ŵaliŵateyele ifyakulya ifyamulalilo kopele uko; naye Malita alukutaŵa-taŵa; sombi Lasalo epwali pali ŵaŵo aŵasamine ukulukulya pamo naŵo.

³ Lomba Maliya aliŵulile impondo imo yamafuta anado aenenene, amakweŵo akosele, nekuŵasufya ŵaYesu kumakasa, nekwasumala' makasa aŵo kumisisi yakwe umwine; nao amafuta ayo nekupimbana muŋanda monse.

⁴ Sombi Juda lsikaliote, umbi umusambile waŵo, uyo uŋgawalowela, alilaŵile ati:

⁵ Aya-mafuta mbanindo taolilwe lukoso indalama imyanda itatu, nekupela awapeŋgele.

⁶ Sombi ifyo taafilaŵilile ukutemwa awapeŋgele, koku; sombi nipakuti ye muno, ali nemukopa, nekulukufumya-mo ifyo ifyaŵicilwe-mo.

⁷ Pakuti pali fyefyo ŵaYesu ati: Mulekeni! Alukukalamina akasuŵa akakusikwa kwanji.

⁸ Pakuti awapeŋgele mulinawo insiku syonse: sombi tamukalukuli naneŵo insiku syonse, koku.

⁹ Peŋka aŵantu lukoso pakati paŵaJuda ŵaliumfwile ati ŵali uko; popele ŵaliile-ko; sombi tawakoŋkele-po ŵaYesu weŋka, sombi ŵalukufwayo'kuŵona naLasalo, uyo ŵaŵusisye paŵafwile.

¹⁰ Sombi aŵapapatilisi aŵakulu ŵalialicile ati naLasalo naye ŋgatumwipave:

¹¹ pakuti aŵaJuda aŵenji ŵalikumbulucile pakuti pali ye, nekuŵacetekela ŵaYesu.

¹² Ŋgamailo iŵumba lyaŵantu aŵenji aŵaisile kucitenje, ili ŵaumfwile ati ŵaYesu ŵalukwisa kuJelusalemi,

¹³ ŵaliŵulile ifisako fyafincindu, nekuya mukuŵacinsya, nekulukuŵilicisya ati: Osana! Ŵalicindeme aŵa aŵalukwisa mwisina lyaŵaSikulu, eMfumu yaŵaIsilaeli!

¹⁴ Peŋka'po ŵaYesu ŵalisanjile imboŋgolo iyanice, lomba nekwikala-po; koti nifyopele'fyo ifyalembelwe ati:

¹⁵ Witina, wemwana umwanakasi uwakuSayoni: ŵona-ko, lmfumu yoŵe ilukwisa, ili iikele pamutule wamboŋgolo!

¹⁶ Sombi ifintu ifyo aŵasambile ŵaŵo taŵafiisiŵile-po pakutaŋga: sombi pakuŵa neŵuleme ŵaYesu, naŵo eli waŋgalaŋguluka ati ifintu ifyo fyalilembelwe ifyakuli ŵo; kaŵili ati ŵalificitile'fyo kuli ŵo.

¹⁷ Pakuti pali fyefyo iŵumbe'lyo ili ŵali nalyo ŵaYesu pakumwita Lasalo mucilende, nekumuŵusya paŵafwile, lyalukusimike'fyo.

¹⁸ Kaŵili pakuti pali fifi amaŵumba aŵantu aliŵacinsisye, pakuti waliumfwile ati ŵalicitile akesiŵilo ako.

¹⁹ Pakuti pali fyefyo aŵaFalisi ŵalukuŵulansyanya ati: Tamubwene-po ati tamwisi ukucita neli kantu; pakuti ŵoneni, aŵantu ŵonse ŵalukumulonda.

²⁰ Peŋka pali ŵaŵo aŵaile mukutembela kucitenje, pali neŵaEla ŵambi.

²¹ Lomba ŵo ŵaliile kuli Filipo uwakuBesaida uwakuGalili, nekumulomba ati: Sikulu tulukufwayo'kuŵaŵona ŵaYesu.

²² Filipo naye nekuya nekumuŵula Andaleya; peŋka Andaleya naFilipo ŵoŵilo ŵaliŵaŵulile ŵa Yesu.

²³ Sombi ŵaYesu ŵaliŵaasucile ati: Pano impindi yafika ati Umwana waMuntunsi aŵe neŵuleme.

²⁴ Cine cine, ndukumuŵuleni ati—Kani ulupeke lwatiligu taluponene peloŵa nekufwa, lulekala lweŋka; sombi kani lufwe, lulafyala imbuto isinji.

²⁵ Uyo uwakulukutemwa umweo wakwe akaulufya; sombi uwakufitilwa umweo wakwe uwamucalo cino icapansi, eukaulama mumweo uwamuyayaya.

²⁶ Umuntu uwakulukumpyunjila neŵo, ŋgaandonde; peŋka uko uku ŋkekala, uko kopele eko akekala nemupyunjisi wanji. Kani umuntu alukumpyunjila neŵo, uyo ŵaTata naŵo ŵakamulemya.

²⁷ Pano umutima wanji walemuka; peŋka ndaŵile syani? ati Tata mumpulusye kumpindi ino? A! sombi nipakuti paceŵo ici epo mficile kumpindi ino!

²⁸ Tata ŋgamulemye isina Iyenu! Pakuti pali fyefyo isiwi lyalifumine kwiulu ati: Ndililemesye akale, kaŵili ŋkalilemya liŵili.

²⁹ Peŋka iŵumba lyawantu aŵaiminine apepi nekufiumfwa lyalilaŵile ati: Cilulumo! sombi ŵambi ati: Niŋkalamba yalaŵila nakwe,

³⁰ Kumfwa ŵaYesu kaŵaasuka ati: Isiwi ili taliisile pakuti pali neŵo, sombi nipakuti pali mweŵo epo liisile.

³¹ Lomba ŵukumo epo kuli ukusololola kwacalo capansi; epano imfumu yacalo capansi ikaposwa kwisonde;

³² naneŵo kani ŋkasuntulwa peulu pacalo ŋkawaloŵa ŵonse neŵo nemwine.

³³ Sombi ŵalilaŵilile'fyo mukulanjisya amekalilo amfwa iyo ŵakafwa.

³⁴ Pakuti pali fyefyo iŵumba lyaŵantu lyaliŵaasucile ati: Twaliumfwile kumafunde ati ŵaKlistu eŵakwikalilila. Mbefyo fyasyani mulukweŵa ati Umwana waMuntunsi aŋgasuntulwa? Mboyo-Mwana waMuntunsi ninani?

³⁵ Pakuti pali fyefyo ŵa Yesu ŵalilaŵile kuli ŵo ati: Yasyala-ko impindi ice iyakwikala nenu ukutuŵa. Ŋgamwende ili mucili nekutuŵa, iŋgela imfinsi kuli mweŵo; nawoyo ulukwenda pamfinsi tesi-ko nakoko ukwalukuya.

³⁶ Ili mucili nekutuŵa, mupeme-mo mukutuŵa, ati mukaŵe ŵana ŵakutuŵa. Ifintu ifyo ŵaYesu ŵalifilaŵile; lomba ŵalikumbulucile, nekuŵafisamina.

³⁷ Sombi naŋgawa ati ŵalicitile utwisiŵilo utwinji utwakuŵe'fyo pamenso aŵo, taŵacetekele muli ŵo;

³⁸ ati fikapelelwe pamo nemasiwi aalaŵile Yisaya uwakusimika ati: MweŵaSikulu, mbaniŵani aŵalukucetekela ifyo ifi twasimicile? Nikuli ŵani kubwenekele ukuŵoko kwa ŵaSikulu?

³⁹ Sombi pakuti pali fifi taŵaisiŵile ŵo ukucetekela, pakuti Yisaya alilaŵile kaŵili ati:

⁴⁰ Aŵapofwesya amenso aŵo, nekuumya nemitima yaŵo; Ŵeŋgaŵona nemenso, neli kwisiŵisya nemitima, Neli kwaluluka, Naneŵo niŋgawawusya.

⁴¹ Yisaya alilaŵile ifintu ifyo, pakuti alibwene uŵuleme bwaŵo, nekufisimike' fyaŵo.

⁴² Sombi naŋgawa nifyefyo, nempemba isinji syalicetekele muli ŵo; sombi tasyaŵasuminine apaswetele pakuti paŵaFalisi, siŋgesa-kutamfiwa-mo mwisunagoge.

⁴³ Pakuti syo syalukutemwa ukutotwa kuŵantu, ukucila napakutotwa kuli ŵaLesa.

⁴⁴ Naŵo ŵaYesu ŵaliŵilicisye ati: Ulukucetekela muli neŵo, taalukucetekela muli neŵo neŋka, sombi alukucetekela namuli ŵaŵo aŵantumine;

⁴⁵ nawoyo ulukumbona, alukuŵona naŵaŵo aŵantumine.

⁴⁶ Ndiisile ndi kutuŵa mucalo capansi, ati awantu ŵonse uwakucetekela muli neŵo tekulukwikele mumfinsi.

⁴⁷ Kani umuntu omfwe amasiwi anji nekuŵulo'kwacetekela, nsilukumusinina neŵo; pakuti nsiisile mukusinina icalo capansi, sombi nimukucipulusya, emo njiisile.

⁴⁸ Uwakuŋkaninina neŵo, nekuŵulo'kwapokelela amasiwi anji, kuli ye ekuli ukumusinina: isiwi ilyo nalaŵile, lyopele'lyo elikamusinina pakasuŵa ako akakupela-ko.

⁴⁹ Pakuti nsinalaŵile ifyakufuma kuli neŵo neŋka; sombi ŵaTata aŵantumine ŵalimfundile'fyo ifi niŋgewa, nafvefyo ifi niŋgalawila fyonse.

⁵⁰ Kaŵili ndiisi ati amafunde aŵo Mweo uwamuyayaya. Pakuti pali fyefyo, ifintu ifyo ifi ndukulaŵila, efyefyo ifi ŵambulile Ŵatata, efi ndukulaŵila.