Joeli 3 - Amashiwi Aba Lesa

¹ Pakuti ŵoneni, pansiku isyo napampindi iyo, ili ŋkabwesya liŵili ŵukaili bwakuJuda na Jelusalemi,

² eli ŋkawuŋganya imikoka yonse yaŵantu, nekwiselusisya mumukolo wakwe Jeosafati; popele ŋkalukukombetela kuli yo umo, pakuti paŵantu ŵanji neŵupyani bwanji, eŵaIsilaeli, aŵo yapalaŋganisisye pakati paŵenafyalo pakwaŵanya icalo canji.

³ Kaŵili yaliŵacitile aŵantu ŵanji ifipa; nekuposo'mwanice umwalalume mukupoka umwanakasi umucencemesi, nekuulisya umwanice umwanakasi mukuula imfaina ati inwe.

⁴ Inya, mbamweŵo muli syani kuli neŵo, mweTulo naSidono, nemitala yonse iyakucalo caFilisiti? Kani mwakumbwesesya ilambulo? Lomba, kani mwakundambula, ŋkamubwesesyeni ilambulo Iyenu pamutwi wenu mweŵene bwaŋgu uluŵilo.

⁵ Pakuti fyopele'fyo ifi mwapoka isilifa lyanji negolide lyanji, nekutwalila-mo mumatempuli enu ifintu fyanji ifiweme ifyaŵune;

⁶ nafyefyo ifi mwaulisya kuŵana ŵaŵaEla aŵana ŵakwe Juda naŵo pamo neŵana wakujelusalemi, ati muŵafumye ukutali nakumupaka waŵo;

⁷ ŵoneni, ŋkaŵaŵusya ukuŵafumya apo-pantu apo mwaŵaulisye, nekumubwesesyeni ilambulo Iyenu pamutwi wenu mweŵene;

⁸ kaŵili ŋkawolisya aŵana ŵenu aŵalalume neŵanakasi muminwe yaŵana ŵakwe Juda; naŵo kaŵili ŵakaŵolisya kuŵantu ŵakuSyeba, kumukoka waŵantu uli ukutali; pakuti niŵaYawe eŵafilaŵila.

⁹ Kamutulisye'fi pakati pamikoka yaŵantu; mwansike iŋkondo; muŵasuŋgwile aŵalalume ŵaŋkosa; aŵalalume waŋkondo ŵonse ŋgawapalamine, ŵanine,

¹⁰ Kamukanda amase enu ati aaluke nimpoko, nefiŵesi fyenu ifyamwiŵala ati fyaluke mafumo; aŵanacile ŋgaŵalaŵile ati, Ndi nemakosa.

¹¹ Kamwaŋgufya, mwise, mwemikoka yaŵantu isiŋgulucile, muwuŋganine pamo; mweŵaYawe, ŵaselusisyeni uko aŵamakosa ŵenu!

¹² Imikeka yaŵantu ŋgawawuke, ŵaninine kumukolo wakwe Jeosafati; pakuti uko kopele ŋkekala mukusololola nemikoka yaŵantu yonse isiŋgulucile.

¹³ Tekeni-mo icikwakwa, pakuti ifyakuleŋgela fyapya; mwise, munyante, pakuti ulusanso lwaisula paa, nematala nao nekupokomoka-mo; pakuti ukuŵifya kwaiyo kukulu.

¹⁴ Nikumaŵumba mpaŋgana mpaŋgana mumukolo wakupiniko'mulandu! Pakuti akasuŵa kaŵaYawe kali apepi mumukolo wakupiniko'mulandu.

¹⁵ Akasuŵa nemwensi fyaŵa bwii, netuwaŋgawaŋga nato nekuleka ukutuŵa kwatuko.

¹⁶ Peŋka ŵaYawe ŵakaŵuluma muSayoni, nekulaŵila nesiwi lyaŵo muJelusalemi; lomba amaulu necalo capansi nekuteŋkana: sombi ŵaYawe ŵakaŵa cakupulucila-mo aŵantu ŵaŵo, maliŋga akosele akuŵana ŵakwe Isilaeli.

¹⁷ Fyopele'fyo mukesiŵa ati neŵo nineŵaYawe Lesa wenu, nendukwikala muSayoni, ulupili lwanji uluswetelele. Apo Jelusalemi ukalukuswetelela; lomba aŵensu tekuti ŵakapite-mo muli wo liŵili.

¹⁸ Popele pali kako-kasuŵa pakaŵa ati amapili akaswa imfaina syanse, netupili nato nekukuŋka nemandili, netunika tonse utwakuJuda nato nekukuŋka nemenda; kaŵili akantupuntupu kakafuma muŋanda yaŵaYawe, nekwitila amenda mumukolo waSitimi.

¹⁹ Icalo caIjipiti cikonalwa, necalo caEdomi naco nekuŵa nimpanta yakonaika, pakuti paŵuŋgwa uŵucitilwe kuŵana ŵakwe Juda, pakuti aŵantu ŵapokomosya mucalo caŵo imilopa iyakuŵule'ceŵo.

²⁰ Sombi Juda akalukwikala insiku syamuyayaya, nawo Jelusalemi ukalukwikala ifitentekwa nafitentekwa.

²¹ Popele ŋkaswesya imilopa yaŵo, iyo nsinaswesesye akale; pakuti ŵaYawe alekala muSayoni.