Ifyacitilwe 8 - Amashiwi Aba Lesa

¹ Saulu naye alisumine ati afwe. Akasuŵa ako kwaliŵucile ukuŵapensyo'kwakuti aŵekelesya ilyali muJelusalemi; lomba ŵonse ŵalipalaŋganine monse mufyalo fyawena-Juda, nefyaSamalya, sombi intanjisi, syesi.

² Popele aŵantu aŵatekenye ŵalimusicile Stefano, nekulukumulilo'kwakuti.

³ Sombi Saulu alilionawile ikelesya, ili enjila mumananda onse, nekwikatala aŵalalume neŵanakasi, nekuŵaposa mwikati.

⁴ Pakuti pali fyefyo awapalaŋgene ŵalukwenda-enda, ili ŵasambisya lsiwi.

⁵ Peŋka Filipo aliile kumusi waSamalya, nekutulisya ŵaKlistu kuŵantu.

⁶ Popele amaŵumba aŵantu nemutima umo ŵaliumfwilisye ifintu ifyo ifyalaŵilwe kuli Filipo, pakumfwa nekuŵona utwisiŵilo uto acitile.

⁷ Pakuti imipasi iŵipile yalifumine muŵantu aŵenji, ili iŵilicisya nesiwi'likulu; nakaŵili aŵenji aŵakonaicile neŵalukusunta ŵaliŵucile.

⁸ Popele mumusi uyo mwaliŵele nekusaŋgalalo' kwakuti.

⁹ Sombi mwali umuntu umbi, isi na lyakwe niSimoni, uwalukupando'bwaŋga akale mumusi uyo, nekuwakaŋkamika aŵantu aŵakuSamalya, ati ndi mukulu.

¹⁰ Ŵonse aŵo ŵalukumilsuminisya neŵacete nefileme, nekulaŵila ati: Uyumuntu makosa aŵaLesa ailicilwe ati akulu.

¹¹ Naŵo ŵalukumumfwisya, pakuti impindi ikulu alukuwakaŋkamika kubwaŋga bwakwe.

¹² Sombi pakucetekela Filipo, ili atulisye leeŵo Iciweme icaŴufumu bwaŵaLesa neceSina lyaŵa-Yesu Klistu, ŵaliŵatisiwe neŵalalume neŵanakasi.

¹³ NaSimoni naye umwine alicetekele; popele, pakuŵatisiwa, aciikele nakwe Filipo; lomba pakuŵona utwisiŵilo nefimpelampela ifikulu ifyalukucitwa, alikaŋkamene lukoso.

¹⁴ Peŋka'po intanjisi, isyali ku lelusalemi, pakumfwa ati aŵakuSamalya ŵalisumine lsiwi lyaŵaLesa, syalitumine kuli ŵo Petilo naYoane.

¹⁵ Aŵo, pakufiko' ko, ŵaliŵatembelele kuli ŵaLesa, ati ŵapoke Umupasi Uswetelele.

¹⁶ Pakuti impindi iyo lomba tauŋgaselucila pali ŵo ŵonse neli umo: ŵalukuŵatisiwa lukoso mwisina lyaŵaSikulu Yesu.

¹⁷ Peŋka' po ŵalitintile-po neminwe pali ŵo, naŵo nekupoko' Mupasi Uswetelele.

¹⁸ Popele Simoni, pakuŵona ati intanjisi pakuŵatintila lukoso iminwe, ŵalukupelwa Umupasi Uswetelele, alisitambicile indalama,

¹⁹ ati: Mpeleni-po naneŵo amakosa aya, ati aŵantu ŵonse uŋkatintila-po iminwe yanji, akapoke Umupasi Uswetelele.

²⁰ Sombi Petilo alilaŵile kuli ye ati: Indalama syoŵe syonaike pamo naweŵo, pakuti walaŋguluka ati indalama yakuula impese yaŵaLesa!

²¹ Weŵo tokumine-ko neli nikuceŵo ici, pakuti umutima woŵe toluŋgeme pamenso aŵaLesa.

²² Pakuti pali fyefyo lapila kiukuŵifya koŵe uku, utembele kuli ŵaSikulu, ati kusimaŋgane cipale ukulaŋguluka ukwamumutima woŵe.

²³ Pakuti ndukuŵona ati uli mundulwe yaŵululu, uli mukukakwa kwakuŵifya.

²⁴ Kumfwa Simoni nekumwasuka ati: Muntembelele kuli ŵaSikulu ati ifyo ifi mwalaŵila tekwisa kuli neŵo neli cimo.

²⁵ Popele apo ŵo, ili ŵasimicile nekulaŵila Isiwi lyaŵaSikulu, ŵalibwelele kuJelusalemi, nekulukutulisya leeŵo Iciweme mumisi iinji iyaŵaSamalya.

²⁶ Sombi iŋkalamba yaŵaSikulu yalilaŵile kuli Filipo ati: Ima, uye kusaufu kunsila ifumine kujelusalemi iyakuya kuGasa, yopele iyamumpaŋga lukoso!

²⁷ Naye aliimine nekuya. Kusaŋga niku muntu umbi umuEtiopia, intuŋgu, umuntu uwali neŵukulu bwakwe Kandake, imfumu yanakasi yaŵaEtiopia, wopele ewalukulama amaŵoni aiyo onse; aliile kuJelusalemi mukucindika;

²⁸ lomba alukubwela, nekwikala muŋgolofwana yakwe; alukupenda amasiwi awakusimika Yisaya.

²⁹ Peŋka Umupasi walilaŵile kuli Filipo ati: Palamina, ukakumane neŋgolofwana iyo.

³⁰ Naye Filipo aliŵutucile kuli ye, nekumumfwa alukupenda ifyakwe Yisaya uwakusimika, nekulaŵila ati: Uliisiŵisye ifyo ifi ulukupenda?

³¹ Naye ati: Njisiŵe syani newakuŵulo'muntu wakumbulisisya-ko? Naye alikombetele Filipo ati, Munine mwikale naneŵo.

³² Kansi pamalembo, apo apa alukupenda nipapa ati: Alikulicilwe koti nimbelele mukumwipaya; Nakaŵili koti mwana wambelele atutumene pamenso aŵaŵeyesi ŵakwe, Naye fyopele'fyo taasamwine-po pakanwa.

³³ Pakumupufya ŵalimukenye ukusololola kwakwe. Mbaninani ukaŵulisisya ifyacikoto cakwe? Pakuti ŵalifumisye umweo wakwe pacalo capansi.

³⁴ Popele intuŋgu yalimwasucile Filipo ati: Ndukumwipusyeni ati: Mboyuwakusimika, fyakwe nani alaŵilile'fi? Kani fyakwe umwine, kani fyamuntu umbi?

³⁵ Naye Filipo aliasamwine pakanwa, nekutatika kumalembo ayo, nekwiŵulisisya ŵaYesu.

³⁶ Peŋka kaŵacenda, ŵalificile kumenda ambi; popele kumfwa intuŋgu ati: Ŵoneni, amenda ŋga! Cindo icakuŋkanya ŋga naŵatisiwa?

³⁷ Kumfwa Filipo ati: Kani ulukucetekela nemutima woŵe wonse, uliisi. Nayo nekwasuka ati: Ndukucetekela ati ŵaYesu Klistu Ŵana ŵaŵaLesa.

³⁸ Popele yaliiminicile Iŋgolofwana; naŵo ŵoŵilo nekukuŋkulucila pamenda, naFilipo nentuŋgu: naye aliiŵatisye.

³⁹ Popele apo, ili ŵaaŵucile mumenda, Umupasi waŵaSikulu walimusompwele Filipo; nayo intuŋgu tayamubwene-po liŵili, pakuti ulwendo lwaiyo ulo yaliile ili isaŋgalala.

⁴⁰ Sombi Filipo ye alibwenekele kuAsoto; popele alipitilile nekutulisya Iceŵo Iciweme mumisi yonse ukufika nakuKaisalia.