Ifyacitilwe 6 - Amashiwi Aba Lesa

¹ Peŋka'po pansiku isyo, pakufula aŵasambile, aŵaEla aŵaalucile ŵaJuda ŵalitaticile ukulinwinwisisya aŵaEbeya, pakuti ŵamukakusyala ŵaŵo ŵalukuŵaluŵa-ko pakupyuŋga kwansiku syonse.

² Popele aŵo ikumi naŵaŵili ŵaliliitile iŵumba lyaŵasambile, nekulaŵila ati: Tekwelelwa fweŵo ukuleka lsiwi lyaŵaLesa, nekucite'milimo yakuteŵeta.

³ Pakuti pali fyefyo, mweŵakwasu, salululeni peŵumba lyenu aŵantu ŵasanu naŵaŵili aŵampupo isiweme, aŵeswile Umupasi nemano, ati tuŵatume imilimo iyi.

⁴ Sombi fweŵo twakulukukosa ukutembela, nekucite'milimo yeSiwi.

⁵ Peŋka amasiwi ayo alitemwesye iŵumba lyonse; naŵo ŵalisalulwile Stefano, umuntu uwaiswile ukucetekela neMupasi Uswetelele, pamo naFilipo, naPolokolo, naNikano, naTimoni naPamena, naNikola, umuntu wakuAntioke uwaalucile muJuda;

⁶ nekuŵekalika pamenso antanjisi. Lomba, ili syatembele, syaliŵatintile i minwe.

⁷ Popele apo Isiwi lyaŵaLesa lyalifulile, neŵasambile naŵo nekufulo'kwakuti muJelusalemi; nakaŵili neŵapapatilisi iŵumba ilikulu ŵalisumine ukucetekela.

⁸ Lomba Stefano, uwaiswile uluse nemakosa, walukucite'fimpelampela netwisiŵilo utukulu pakati paŵantu.

⁹ Sombi ŵaliimine ŵambi aŵamwisunagoge ilyailicilwe ati lyaŵafumine muli ŵukalume, pamo neŵaKulene, neŵakuAlecisandala, neŵakufyalo fyaCilica naAsya, ili ŵapicisya nakwe Stefano.

¹⁰ Sombi taŵaisiŵile ukwacicila amano neMupasi uyu alukulaŵila nawo.

¹¹ Peŋka ŵalitekenesye aŵantu ŵambi; aŵo nekulaŵila ati: Twalimumfwile alukucoŵola Mose naŵaLesa.

¹² Naŵo ŵalimusuŋgwilile aŵantu neŵakulu neŵalembesi; nekumuficila ukumwikata, nekumwinjisya mwiwuŋgano.

¹³ Peŋka ŵalisiikalicile imboni syakuŵepa; isyo nekulaŵila ati: Uyu-muntu insiku syonse taaleka-po ukupufya Inanda iyi iswetelele nemafunde.

¹⁴ Pakuti twalimumfwile alukulaŵila ati: Uyu-Yesu wakuNasaleti akonala iŋanda ino, nekwalula ukwisiŵila uko atuŵulile Mose.

¹⁵ Peŋka ŵonse aŵaikele mwiwuŋgano, ŵalimutontomekele, nekuŵona pamenso akwe koti nipamenso aŋkalamba yaŵaLesa.