2Samweli 23 - Amashiwi Aba Lesa

¹ Lomba aya emasiwi akwe Dafidi akupela-ko: Dafidi umwana wakwe Jese walilaŵile, Uyo-muntu uwasuntwilwe peulu walilaŵile, Usufisiwe kuli ŵaLesa ŵakwe Yakobi, Umwimbisi uweme uwakwe Isilaeli, ati:

² Umupasi waŵaYawe walilawile pali neŵo, Isiwi lyaŵo lyali palumini lwanji.

³ ŴaLesa ŵakwe Isilaeli kaŵeŵa, Ibwe lyakwe Isilaeli kalilaŵila kuli neŵo ati: Uyo uŵekalika aŵantu ukwakuluŋgama, Uwikalika ukulukuŵatina ŵaLesa,

⁴ Akalukuli koti kutuŵa kwalucelo, paku tula akasuŵa, Ulucelo ulwakuŵula'makumbi; Pakumena mumusili ica ni icinacile, Pakuti pakutula ukuswetele ili yaloka.

⁵ Icinenene iŋanda yanji taili ifyo kuli ŵaLesa; Naŋgawe'fyo ŵalicitile naneŵo ukulayana ukwamuyayaya, Ukwansicilwe pafintu fyonse, ukukosele: Pakuti ko kupulusya kwanji konse, kufuŋga kwanji konse, Naŋgawa ati taŵakukusya-po.

⁶ Sombi awapufya ŵaLesa ŵonse ŵakalukuli koti myuŋga iŋgatesiwa, Pakuti teti iikatwe kuminwe.

⁷ Sombi umuntu uyo ukuma-ko kuli yo Alielelwe ukulifuna-ko kucela nekasako kefumo; Nayo ikapililila mumulilo pamupunda waiyo.

⁸ Aya emasina aŵantu ŵamakosa aŵo ali naŵo Dafidi: Yasyobi-basyebeti umuTakamoni, umukulu wafilolo; wopele eAdino umuYesini uwalwile neŵantu imyanda isanu naitatu aŵaipailwe pantu pamo.

⁹ Lomba panuma yawoyo pali Eliasa, umwana wakwe Dodo, umwana wamwina-Akoka, umbi waŵantu ŵamakosa aŵo ŵatatu aŵali nakwe Dafidi, ili ŵapinjile aŵaFilisiti awawuŋgene mukulwa, lomba aŵaIsilaeli kale ŵafumine:

¹⁰ uyo waliimine nekuŵapama aŵaFilisiti ili takuŋgakatala ukuŵoko kwakwe, nako nekwikatilila lukoso kumpoko: lomba ŵaYawe ŵalicitile ukucila ukukulu ako-kasuŵa; naŵo aŵantu ŵalibwelele panuma yakwe, mukulukutapa lukoso.

¹¹ Lomba panuma yawoyo pali Syama, umwana wakwe Age umuKalali. Peŋka aŵaFilisiti waliwuŋgene iŵumba apali iŵala lyamalentile; naŵo aŵantu nekuŵutuka ukufuma kuŵaFilisiti.

¹² Sombi ye waliimakene pakati peŵala, nekulilwila, nekuŵepaya aŵaFilisiti: naŵo ŵaYawe walicitile ukucila ukukulu.

¹³ Lomba ŵatatu paŵakulu aŵo amakumi atatu ŵaliselucile nekufika kuli Dafidi pampindi yakuteŵula kwiceŋgo lyaAdulami; lomba iŵumba lyaŵaFilisiti ŵalikomene mumukolo waŵaLefa.

¹⁴ Kansi iyo-mpindi Dafidi waliikele umukosele, nefita fyaŵaFilisiti nafyo fyali muBetelemi.

¹⁵ Popele Dafidi walukufuŋga nekulaŵila ati, Ŋga pali umuntu uŋgampela mukunwa amenda akumukalo wakuBetelemi, uli pamusiko!

¹⁶ Peŋka aŵo-ŵantu ŵamakosa ŵotatu ŵalipulile mwiŵumba lyaŵaFilisiti, nekutapa amenda mumukalo uwakuBetelemi, uwali pamusiko, nekwapinta nekwafisya kuli Dafidi: sombi taasumine ukunwa-ko, alictulwile pamenso aŵaYawe.

¹⁷ Naye ati, Ŋgafiŵe apatali pali neŵo, mweŵaYawe, ati ncite'fyo; kansi aya temilopa yaŵantu aŵalitakete nemyeo yaŵo? Pakuti pali fyefyo taasumine ukwanwa. Ifyo-fintu kaŵaficita aŵo-ŵantu ŵamakosa ŵotatu.

¹⁸ Lomba Abisyai, umukwaŵo Yoabi, umwana wakwe Syeluya, wali mukulu waŵo ŵotatu. Naye walisuntwile ifumo lyakwe mukulwa neŵantu imyanda itatu nekuŵepaya, nekuŵa nesina pakati pali ŵo ŵotatu.

¹⁹ Kansi ye taali wacilile lukoso uŵuleme pali ŵo ŵotatu? Pakuti pali fyefyo waliŵele cilolo caŵo: naŋgawa nifyefyo taaficile kuli ŵo ŵotatu awakutaŋga.

²⁰ Kaŵili Benaya umwana wakwe Yeoyada umwana wamuntu wa lu pata uwakuKabasyeli, uwacitile ifyamakosa, ye waliŵepeye aŵana ŵoŵilo aŵakwe Alyeli uwakuMoabi: ye kaŵili waliselucile nekwipaya iŋkalamu mukati mwikanda pampindi yakuloka icandwa tuu;

²¹ naye walimwipeye umuIjipiti umuntu uweme ukumutamba; lomba umuIjipiti wali nefumo muminwe yakwe; sombi waliselucile kuli ye neŋkoli, nekusompola ifumo muminwe yamuIjipiti, nekumwipaya kwi fumo lyakwe umwine.

²² Ifyo-fintu eficitile Benaya, umwana wakwe Yeoyada, nekuŵa nesina pakati paŵantu ŵamakosa ŵotatu.

²³ Waliŵacilile aŵo amakumi atatu, sombi taaficile kuli ŵo ŵotatu awakutaŋga. Lomba Dafidi walimwikalicile peulu pali ŵakalama ŵakwe.

²⁴ Asayeli, umukwaŵo Yoabi naye wali wapaŵantu aŵo amakumi atatu; naElikanani umwana wakwe Dodo uwakuBetelemi;

²⁵ naSyama umuKalodi, naElika umuKalodi;

²⁶ naKelesi umwina-Pali ti, naIla umwana wakwe lkesi umuTekoa;

²⁷ naAbiyesyeli umuAnatoti, naMebunayi umuKusyati;

²⁸ naSalamoni umwina-Akoka, naMakalayi umuNetopa;

²⁹ naKelebi umwana wakwe Bayana umuNetopa, naYitai umwana wakwe Libayi uwakuGibea uwapaŵana ŵakwe Benjamini;

³⁰ naBenaya umuPilatoni, naCidayi uwakutunika utwakuGayasi;

³¹ naAbi-aliboni umuYalaba, naAsimafeti umuBalakumi;

³² naElyaba umuSyalabini, na Ionafani uwapaŵana ŵakwe Yasyeni;

³³ naSyama umuKalali, naAciyami umwana wakwe Syalali umuKalali;

³⁴ naElifeleti umwana wakwe Akasibai, umwana wamwina-Mayaka, naElyamu umwana wakwe Acitofeli umuGilo;

³⁵ naKesilo umuKameli, naPayalai umuAlaba;

³⁶ naIgali umwana wakwe Natani uwakusoba, naBani umwina-Gadi;

³⁷ naSeleci umuAmono, naNakaJayi umuBeyeloti, aŵalukumupintila amata Yoabi umwana wakwe Syeluya;

³⁸ naIla umuYeteli, naGalebi umuYeteli;

³⁹ naUliya umuYeti: ŵonse ŵalikumene amakumi atatu naŵasanu muli ŵasanu naŵaŵili.