2Samweli 15 - Amashiwi Aba Lesa

¹ Lomba panuma pali fyefyo Abisalomi waliansicile iŋgolofwana naŵakafwalo neŵantu amakumi asanu aŵakuŵutuka ukumutanjilila.

² Peŋka Abisalomi kaacelela ulucelocelo, kaemakana pansila iyakumusiko; lomba paliŵele ati, kani umuntu ali nemulandu uŋgesa kumfumu mukusololola, Abisalomi aŋgamwita aŋgewa ati, Weŵo uli wakwisa kumusi? Naye aŋgewa ati, Nemuntu wenu ndi wapafikoto fyakwe Isilaeli.

³ Naye Abisalomi aŋgalawila kuli ye ati, Ŵona, ifyeŵo fyoŵe fiweme filuŋgeme; sombi tapali-po umuntu uwikalicilwe kumfumu ati akumfwe.

⁴ Kaŵili Abisalomi aŋgalawila ati, Ŋga ndiikalicilwe musololwesi mucalo, ati aŵantu ŵonse uli neceŵo neli mulandu ese kuli neŵo, niŋgamucitila ifiluŋgemel

⁵ Lomba paliŵele ati, pakupalamina umuntu mukwinamisya kuli ye, ye nekutambika ukuŵoko kwakwe, nekumwikata, nekumufyontela-po.

⁶ Lomba Abisalomi walicitile koti nifyopele' fyo kuŵaIsilaeli ŵonse aŵaisile kumfumu mukusololola: ifyo Abisalomi kaeŵa imitima yaŵaIsilaeli.

⁷ Popele apo paliŵele ati, pakusila imyaka amakumi ane, Abisalomi walilaŵile kumfumu, ati, Ndukumukombeteleni ati ŋgandukuya kuEbiloni, ŋkacite koti cilapo canji ico nalapile kuli ŵaYawe.

⁸ Pakuti nemuntu wenu nalilapile necilapo, ili nalukwikala kuGesyuli uwakuSilya, ati, Kani ŵaYawe icine ŵakambwesesya kuJelusalemi, eli ŋkalukuŵapyunjila ŵaYawe.

⁹ Peŋka imfumu nekulaŵila kuli ye ati, Koya neŵutende. Fyopele'fyo kaema, kaaya kuEbiloni.

¹⁰ Sombi Abisalomi walitumine aŵacetesi monse mufikoto fyakwe Isilaeli, ati, Peŋka pakumfwa ukulila kwalupeŋga, eli mukalaŵile ati, Abisalomi nimfumu kuEbiloni.

¹¹ Kaŵili pamo nakwe Abisalomi paliile aŵantu imyanda iŵili aŵakufuma kuJelusalemi, aŵaitilwe, aŵaile lukoso umutima-nteka; ŵo taŵaisiŵile neli kantu.

¹² Lomba Abisalomi walimwitile Acitofeli umuGilo, impemba yakwe Dafidi, kwaŵo kumusi ekuGilo, ili aciposa imilambu iyakwipaya. Lomba ukwalika kwalikosele; pakuti aŵantu ŵalukufula ukulukuya kuli Abisalomi.

¹³ Lomba palii sile iŋkalamba kuli Dafidi nekulaŵila ati, Imitima yaŵaIsilaeli ili kuli Abisalomi.

¹⁴ Peŋka Dafidi kaalaŵila kuŵantu ŵakwe aŵo ali naŵo kuJelusalemi, ati, Imeni tufyuke; kani ifyo tefyo, fwense lukoso tekuti tupuluke kuli Abisalomi neli umo; aŋgufveni ukukumbuluka eŋgesa kukumana nafweŵo bwaŋgu nekutuletela ifyakuŵifya, nekupama umusi kumpoko.

¹⁵ Naŵo aŵantu ŵamfumu nekulaŵila kumfumu ati, Ŵoneni, fweŵantu ŵenu tulipembelele ukucita fyonse'fyo ifi ŵaŋgasalulula ŵasikulu ŵanji imfumu.

¹⁶ Popele imfumu yaliimine newamuŋanda yaiyo ŵonse panuma paiyo. Lomba imfumu yalisile aŵanakasi ŵaiyo ŵambi ikumi ati ŵalukulama iŋanda.

¹⁷ Peŋka imfumu nekwima, neŵantu ŵonse panuma paiyo; naŵo nekupembela kuBeta-melaci.

¹⁸ Lomba aŵapyunjisi ŵaiyo ŵalipitile apo yali; neŵaCeleti ŵonse, neŵaPeleti ŵonse, neŵaGiti ŵonse, aŵantu imyanda isanu naumo aŵailondele ukufuma kuGati, ŵonse ŵalipitile ukwitanjilila imfumu.

¹⁹ Peŋka imfumu kailaŵila kuli Itayi umuGiti ati, Mbanindo naweŵo ulukuya nafweŵo pamo? Bwela, wikale nemfumu; pakuti weŵo uli mwensu, uwakuleka kwenu kaŵili; bwelela lomba kwenu.

²⁰ Weŵo walificile lukoso mailo, kansi neŵo lelo ŋkuninike ŋkuselusisye pamo nafweŵo, kobwene ndukwenda lukoso konse uko niŋgenda? Bwela lomba, ubwesye neŵakwanu; Iŋkumbu naŵucine ŋgafiikale naweŵo.

²¹ Peŋka Itayi nekuyasuka imfumu ati, Koti nifyefyo ifi ŵali nemweo ŵaYawe, nafyefyo ifi ŵali nemweo ŵasikulu ŵanji imfumu, icine pantu apo apa ŵakalukuli ŵasikulu ŵanji imfumu, kani nipamfwa kani nipamweo, popele apo kaŵili epo ŋkalukuli nemuntu wenu.

²² Lomba Dafidi nekulaŵila kuli Itayi ati, Koya waŵuke. Naye Itayi umuGiti waliaŵucile pamo neŵantu ŵakwe ŵonse, naŵanini ŵonse aŵo ali naŵo.

²³ Popele icalo conse kacilila nesiwi ilikulu, neŵantu ŵonse nekwaŵuka; nemfumu nayo iyine nekwaŵuka akanika kaKedilono; naŵo aŵantu ŵonse nekwaŵuka, ukulukuya pansila iyakumpanta.

²⁴ Lomba apo kwaliisile naSadoko neŵena-Lefai pamo nakwe, ili ŵapintile ibokosi lyakulayana kwaŵaLesa; naŵo nekuteka pansi ibokosi lyaŵaLesa, naye Abayata nekunina, ili tawaŋgasila ukufuma mumusi aŵantu ŵonse.

²⁵ Popele imfumu yalilaŵile kuli Sadoko ati, Libwesesyeni ibokosi lyaŵaLesa kumusi; kani ŋkawone uluse pamenso aŵaYawe, ŵakambwesya nekumbwenesya lyo pamo nepakwikala paŵo:

²⁶ sombi kani ŵo ŵalaŵile'fi ati, Nsilukusaŋgalala muli weŵo; ŵoneni nineŵo mpano, ŋgawakacite kuli neŵo koti nifyefyo ifyelelwe pamenso aŵo.

²⁷ Imfumu yalilaŵile kaŵili kuli Sadoko umu papatilisi ati, Kansi toli wakuŵona? Bwela kumusi neŵutende, pamo neŵana ŵenu aŵalalume ŵoŵilo, Acimayasi umwana woŵe, na Ionafani umwana wakwe Abayata.

²⁸ Wona, ŋkapembela kumyaŵu iyakumpanta, ili taliŋgafika isiwi ilyakufuma kuli weŵo mukunjisiŵisya.

²⁹ Pakuti pali fyefyo Sadoko naAbayata ŵalipintile ibokosi lyaŵaLesa nekulibwesesya kuJelusalemi; naŵo nekulukwikala apo.

³⁰ Popele apo Dafidi walininine payapalupili lwamaolife, nekulukulila ili alukuya; naye wali necamufimbile kumutwi, walukwenda makasa lukoso: kaŵili aŵantu ŵonse aŵo ali naŵo ŵalifimbile ŵonse kumitwi, naŵo kaŵanina, kaŵalukuya ili ŵalila.

³¹ Lomba umbi walimuŵulile Dafidi ati, Acitofeli ali pamo neŵakwalika naAbisalomi. Naye Dafidi ati, MweŵaYawe, ndukumukombeteleni ati mukwai ule ukufunda kwakwe Acitofeli ati kuŵe kutumpa.

³² Peŋka paliŵele ati, ili aficile Dafidi peulu apalukucindikwa ŵaLesa, kuŵona Kusyayi umuYalici waliisile mukumucinsya necakufwala cakwe icipanducile neloŵa pamutwi wakwe;

³³ naye Dafidi nekulaŵila kuli ye ati, Kani weŵo upite pamo naneŵo, ukalukuli cakulema pali neŵo:

³⁴ sombi kani ubwelele kumusi nekulaŵila kuli Abisalomi ati, Nakulukuli muntu wenu, mwemfumu; fyopele'fyo ifi nali muntu waŵawisinwe pampindi iyapitile, koti nifyopele'fyo nakulukuli muntu wenu mweŵo ŵukumo: telyo uŋgafuluŋganya ukufunda kwakwe Acitofeli.

³⁵ Kaŵili toli naSadoko naAbayata aŵapapatilisi pamo naweŵo palya? Pakuti pali fyefyo pakaŵa ati fyonse'fyo ifi ukomfwa muŋanda yamfumu, ukafiŵule kuli Sadoko naAbayata aŵapapatilisi.

³⁶ Ŵona, ŵali neŵana ŵaŵo ŵoŵilo pamo naŵo palya, Acimayasi umwana wakwe Sadoko, naJonafani umwana wakwe Abayata; lomba pali ŵo ukantumine fyonse'fyo ifi ukomfwa.

³⁷ Fyopele'fyo Kusyayi, iciŵusa cakwe Dafidi, waliinjile mumusi. Naye Abisalomi waliinjile muJelusalemi.