1Ifyeŵo 2 - Amashiwi Aba Lesa

¹ Aŵana ŵakwe Isilaeli aŵalalume niŵaŵa: Lubeni, naSimyoni, naLefai, naJuda, nalsaka, naSebuluni,

² naDani, na Iosefi, naBenjamini, naNafitali, naGadi, naAsyali.

³ Kaŵili aŵana ŵakwe Juda aŵalalume niŵaŵa: Elu naOnani naSyela; aŵo ŵotatu ŵalimufyalilwe kumwana umwanakasi wakwe Syuwa umuKanani. Lomba Elu, umwana wakwe Juda umuŵele, wali muntu wakuŵifya pamenso aŵaYawe; naŵo ŵalimwipeye.

⁴ Kaŵili Tama umulokasi wakwe walimufyalile Pelesi naSyala. Aŵana ŵakwe Juda ŵonse ŵalikumene ŵasanu.

⁵ Awana ŵakwe Pelesi aŵalalume niŵaŵa: Esiloni naKamuli.

⁶ Neŵana ŵakwe Syala aŵalalume nawo niŵaŵa: Simili naEtani naKemani naKalakolo naDala; ŵonse pamo ŵali ŵasanu.

⁷ Aŵana ŵakwe Kami aŵalalume niŵaŵa: Akali, uwakukatasya Isilaeli, uwasilulwile ifyacintu icilekanisiwe.

⁸ Neŵana ŵakwe Etani aŵalalume naŵo niŵaŵa: Asaliya.

⁹ Kaŵili aŵana ŵakwe Esiloni aŵalalume aŵamufyalilwe niŵaŵa: Yelacimeli naLama naCalubai.

¹⁰ Lomba Lama walifyele Aminadabi; naAminadabi naye walifyele Nakasyoni, icileme capaŵana ŵakwe Juda;

¹¹ naNakasyoni naye walifyele Salima; naye Salima nekufyala Boasi;

¹² naye Boasi nekufyala Obedi; naye Obedi nekufyala Jese:

¹³ popele Jese walifyele umwana wakwe umuŵele Elyabi, newaŵuŵaŵili Abinadabi, newaŵuŵatatu Sima,

¹⁴ newaŵuŵane Netanyeli, newaŵuŵasanu Ladayi,

¹⁵ newakukoŵeka-mo Osemi, newaŵuŵasanu naŵaŵili Dafidi;

¹⁶ kaŵili iŋkasi syaŵo syali niSyeluya naAbigayili. Aŵana ŵakwe Syeluya aŵalalume niŵaŵa: Abisyai naYoabi naAsayeli, ŵotatu.

¹⁷ Kaŵili Abigayili walifyele Amasa; lomba wisi-Amasa niYeteli umulsimeli.

¹⁸ Popele Kalebi, umwana wakwe Esiloni umwalalume, walifyele aŵana muli Asuba umukasi wakwe namuli Jelioti; lomba aŵana ŵakwe aŵalalume niŵaŵa: Jesyeli naSyobabi naAlidoni.

¹⁹ Popele Asuba walifwile, peŋka Kalebi walipokele Efilati, uwamufyalile Ulu.

²⁰ Popele Ulu walifyele Uli, naye Uli nekufyala Besaleli.

²¹ Popele pantanjile Esiloni waliinjile nakumwana umwanakasi wakwe Macili, wisi-Gilyadi; walimupokele ye ili aficile imyaka amakumi asanu nalimo, naye walimufyalile Segubi.

²² Lomba Segubi walifyele Jaili, uwali nemisi amakumi aŵili naitatu mucalo caGilyadi.

²³ Sombi Gesyuli naAlama ŵalipokolwele kuli ŵo Kafoti-jaili naKenati pamo natumisi twakuko, emisi amakumi asanu nalimo. Ŵonse aŵo eŵana aŵalalume ŵakwe Macili, wisi-Gilyadi.

²⁴ Popele pakweŵa ati Esiloni wafwa muKalebiefilata, lomba Abija, muka-Esiloni, walimufyalile Asikuli, wisi-Tekoa.

²⁵ Lomba aŵana aŵalalume ŵakwe Yelacimeli, umwana umuŵele uwakwe Esiloni, niLama uwatanjile ukufyalwa, naBuna, naOleni, naOsemi, naAyija.

²⁶ Lomba Yelacimeli wali naumbi umukasi, isina lyakwe niAtala; ye ninyinaOnami.

²⁷ Kaŵili aŵana aŵalalume ŵakwe Lama, umwana umuŵele uwakwe Yelacimeli, niMayasi naYamini naEkeli.

²⁸ Kaŵili aŵana aŵalalume ŵakwe Onami niSyamai naYada; neŵana ŵakwe Syamai aŵalalume naŵo niNadabi naAbisyuli.

²⁹ Lomba isina lyamukasi wakwe Abisyuli niAbikayili; naye nekumufyalila Acibani naMolidi.

³⁰ Kaŵili aŵana ŵakwe Nadabi aŵalalume niŵaŵa: Seledi naApayimi; sombi Seledi ye walifwile uwakuŵula'ŵana.

³¹ Aŵana ŵakwe Apayimi aŵalalume niŵaŵa: Isi; neŵana ŵakwe Isi aŵalalume niŵaŵa: Syesyani; neŵana ŵakwe Syesyani niŵaŵa: Acilai.

³² Aŵana aŵalalume ŵakwe Yada, umukwaŵo Syamai niŵaŵa: Yeteli naJonafani; kaŵili Yeteli ye walifwile uwakuŵula' ŵana.

³³ Aŵana ŵakwe Jonafani aŵalalume niŵaŵa: Peleti naSasa. Aŵo eŵana ŵakwe Yelacimeli aŵalalume.

³⁴ Lomba Syesyani taali naŵana aŵalalume, ali neŵana aŵanakasi weŋka. Kaŵili Syesyani wali nemupyunjisi, umuIjipiti, isina lyakwe nilaleya.

³⁵ Popele Syesyani walimuufisye Jaleya umupyunjisi wakwe umwana wakwe umwanakasi; naye walimufyalile Atai.

³⁶ Popele Atai walifyele Natani; naNatani naye nekufyala Sabadi;

³⁷ naye Sabadi nekufyala Efilali; naye Efilali nekufyala Obedi;

³⁸ naye Obedi nekufyala Jiyu; naye Jiyu nekufyala Asaliya;

³⁹ naye Asaliya nekufyala Kelesi; naye Kelesi nekufyala Elyasa;

⁴⁰ naye Elyasa nekufyala Sisamai; naye Sisamai nekufyala Syalumu;

⁴¹ naye Syalumu nekufyala Jekamiya; naye Jekamiya nekufyala Elisyama.

⁴² Lomba aŵana aŵalalume ŵakwe Kalebi, umukwaŵo Yelacimeli, niMesya umwana wakwe umuŵele, uwali niwisiSifi; pamo neŵana aŵalalume ŵakwe Malesya wisi-Ebiloni.

⁴³ Lomba aŵana ŵakwe Ebiloni aŵalalume niŵaŵa: Kola naTapwaci naLekemi naSyema.

⁴⁴ Naye Syema walifyele Lakami, wisiJolokeamu; nave Lekemi nekufyala Syamai.

⁴⁵ Lomba umwana umwalalume wakwe Syamai niMayono; kaŵili Mayono niwisi-Beta-suli.

⁴⁶ Kaŵili Yefa, umwanakasi wakwe Kalebi, walifyele Kalani naMosa naGasesi; naKalani naye nekufyala Gasesi.

⁴⁷ Aŵana ŵakwe Yadai aŵalalume niŵaŵa: Legemi naJotami naGesyani nePelete naYefa naSyayafi.

⁴⁸ Mayaka, umwanakasi wakwe Kalebi, walifyele Syebeli naTiliyana.

⁴⁹ Walifyele kaŵili Syayafi wisi-Madimana, naSyefa wisi-Macibena, nawisi-Gibeya; lomba umwana umwanakasi wakwe Kalebi niAcisa.

⁵⁰ Aŵo eŵana ŵakwe Kalebi aŵalalume. Aŵana ŵakwe Ulu, umwana umuŵele wakwe Efilata, niŵaŵa; Syobali wisiCilyati-jalimi,

⁵¹ naSalima wisi-Betelemi, naKalefi wisi-Beta-gadeli.

⁵² Lomba Syobali wisi-Cilyati-jalimi wali neŵana aŵalalume ŵambi: Kaloe, iyafu lyaŵena-Manakati.

⁵³ Lomba ifikoto fyakwe Cilyati-jalimi nififi: aŵena-Yeteli, neŵena-Puti, neŵena-Syumati, neŵena-Misilayi; kaŵili kuli ŵo ekwatulile aŵena-Saleya, neŵena-Esitaoli.

⁵⁴ Aŵana ŵakwe Salima aŵalalume niŵaŵa: Betelemi, neŵaNetopa, naAtaloti uwananda yakwe Yoabi, neyafu lyaŵena-Manakati, aŵena-Soli.

⁵⁵ Ifisolo fyaŵalembesi aŵalukwikala kujabesi nififi: aŵena-Tilati, neŵena-Simeyati, neŵena-Sucati. Aŵo eŵaKeni aŵatulile kuli Kamati, wisi iŋanda yakwe Lekabi.