Kategorya
104 Mga Bersikulo sa Bibliya Mahitungod sa Bulawan
Nahisama ta sa bulawan nga kinahanglan tunawon sa init nga kalayo aron makuha ang mga hugaw ug kahugaw. Importante nga dili sobra ra pud ang kainit kay basin madaot. Human ana, latuson ta, sama sa bulawan nga gihulma. Ug sa matag proseso, mas mohayag ug mosidlak ang atong tinuod nga katahum, sama sa bulawan nga giila nga labing bililhon.
Ang Biblia nag-ingon, "Apan siya nasayod sa akong dalan; kon ako iyang sulayan, mogula ako ingon sa bulawan." (Job 23:10). Lisod tuohan usahay, pero mao gyud ni ang nahitabo sa atong kinabuhi. Naa tay mga batasan ug kinaiya nga kinahanglan tunawon sa kalayo sa pagsulay aron masunog ang dili maayo. Aron mohayag ang kahayag nga gibutang sa Ginoo diha kanato.
Dili unta ni magpasabot nga maghambog ta. Hinumduman nato nga ang katuyoan sa pagputli mao ang pagpakita sa kaayo sa Ginoo, dili ang atong kaugalingon. Sama sa bulawan nga gipasinaw, mas mohayag ang atong bili kon limpyo ang atong kasingkasing.
Tungod niana gihigugma nako ang imong kasugoan labaw kay sa bulawan, labaw kay sa inulay nga bulawan.
Ang duha usab ka pultahan gikan sa kahoy nga olibo ug iya kining gilukop sa kinulit nga mga kerubin, ug mga babag, ug bukhad nga bulak, ug gisapawan kini ug bulawan, ug iyang gilukop sa bulawan ang ibabaw sa mga kerubin ug ang ibabaw sa mga kahoy nga palmera.
Kini labaw nga tinguhaon kay sa bulawan, Oo, bisan sa daghang bulawan nga lunsay; tam-is usab kay sa dugos ug sa mga tinulo sa dugos sa udlan.
Himoon nako nga ang mga tawo nihit pa kay sa lunsay nga bulawan ug ang katawhan kay sa bulawan sa Ofir.
Ug sapawan nimo kini ug lunsay nga bulawan ug ribitihi ug bulawan ang mga kilid libot niini.
Ang ngalan sa usa Pison. Kini mao ang naglibot sa tibuok nga yuta sa Habila diin adunay bulawan, ug ang bulawan niadtong yutaa maayo; didto usab may bedelio ug bato nga onyx.
Ang ulo niini nga larawan gikan sa maayong bulawan, ang dughan niini ug ang mga bukton niini gikan sa plata, ang tiyan niini ug ang mga paa niini gikan sa bronsi,
Ang tunawanan alang sa plata, ug ang hudno alang sa bulawan, ug ang Ginoo magsulay sa mga kasingkasing.
Sa diha nga nakahuman na ug pag-inom ang mga kamilyo, ang sulugoon mikuha ug usa ka ariyos nga bulawan nga nagtimbang ug tunga sa siklo ug duha ka pulseras alang sa iyang mga bukton nga nagtimbang ug napulo ka siklo nga bulawan.
Busa tambagan ko ikaw nga gikan kanako magpalit ikaw ug bulawan nga gilunsay sa kalayo aron madato ikaw, ug mga puting bisti nga imong ikasul-ob aron dili madayag ang pagkamakauulaw sa imong pagkahubo, ug tambal nga idapat sa imong mga mata aron ikaw makakita.
Ug ang napulo ug duha ka ganghaan hinimo gikan sa napulo ug duha ka perlas, ang matag ganghaan hinimo sa usa lamang ka buok perlas, ug ang kadalanan sa siyudad lunsayng bulawan, tin-aw daw bildo.
Naunsa nga milubad man ang bulawan, ang lunsayng bulawan nausab! Ang balaan nga mga bato nangakatag sa ulohan sa matag dalan.
Ug ang sulogoon mipagawas sa mga alahas nga plata ug mga alahas nga bulawan ug mga bisti ug kini gihatag kang Rebecca. Mihatag usab siya ug mga mahalong butang ngadto sa igsoon nga lalaki ug sa inahan ni Rebecca.
Apan ang matag babaye mangayo ug mga alahas nga plata, mga alahas nga bulawan ug mga bisti gikan sa iyang silingan ug sa babaye nga nag-abot sa iyang balay, ug ipanul-ob ninyo kini sa inyong mga anak nga lalaki ug sa inyong mga anak nga babaye. Niining paagiha makuhaan ninyo ug bahandi ang mga Ehiptohanon.”
Sultihi ang katawhan nga ang tanang lalaki ug babaye mangayo sa ilang silingan ug mga alahas nga plata ug mga alahas nga bulawan.”
Ang katawhan sa Israel nagbuhat usab sumala sa gisulti ni Moises kanila. Nangayo sila sa mga Ehiptohanon ug mga alahas nga plata ug mga alahas nga bulawan ug mga bisti. Ug ang Ginoo naghimo sa katawhan sa Israel nga kahimut-an sa atubangan sa mga Ehiptohanon nga sa ingon gihatagan sila kutob sa ilang gipangayo kanila. Niniing paagiha ilang gikuhaan ang mga Ehiptohanon.
Sapawi ninyo kini ug lunsay nga bulawan, sa sulod ug sa gawas ug ribitihi ug bulawan ang palibot niini.
Pagbuhat ug usa ka tabon gikan sa lunsay nga bulawan, ang gitas-on niini duha ka maniko ug tunga, ug ang gilapdon niini usa ka maniko ug tunga. Pagbuhat ug duha ka kerubin nga bulawan nga sinalsal diha sa duha ka tumoy sa tabon.
“Kinahanglan nga magbuhat ikaw ug usa ka adorno nga lunsayng bulawan ug kuliti kini sama sa pagkulit sa usa ka silyo, ‘Balaan ngadto sa Ginoo.’
Si Aaron miingon kanila, “Tangtanga ninyo ang mga ariyos nga bulawan nga anaa sa mga dalunggan sa inyong mga asawa, sa inyong mga anak nga lalaki ug sa inyong mga anak nga babaye ug dad-a kana ninyo ngari kanako.” Ug gikuha niya ang nating baka nga ilang gibuhat ug gisunog niya kini sa kalayo. Ug gigaling kini niya hangtod nga napulbos ug gisabwag kini ngadto sa tubig ug gipainom niya kini sa katawhan sa Israel. Unya si Moises miingon kang Aaron, “Unsa bay gibuhat niining katawhan kanimo nga nagdala man ikaw ug usa ka dakong sala nganha kanila?” Ug si Aaron miingon, “Dili unta mosilaob ang kasuko sa akong agalon. Ikaw nakaila sa katawhan, nga sila hilig gayod sa daotan. Kay sila miingon kanako, ‘Buhati kami ug mga dios nga mag-una kanamo, kay mahitungod niining Moises, ang tawo nga mikuha kanamo gikan sa yuta sa Ehipto, wala kami mahibalo sa nahitabo kaniya.’ Ug ako miingon kanila, ‘Si bisan kinsa nga adunay bulawan, tangtanga ninyo kana.’ Ug ila kining gihatag kanako ug giitsa nako kini sa kalayo ug migula kining nating baka.” Sa pagkakita ni Moises nga ang katawhan nagpatuyang, kay gitugotan man sila ni Aaron sa pagpatuyang hangtod sa ilang kaulawan sa taliwala sa ilang mga kaaway, si Moises mitindog sa ganghaan sa kampo ug miingon, “Kinsa ang dapig sa Ginoo? Duol kanako.” Ug ang tanan nga kaliwat ni Levi nagtigom sa ilang kaugalingon ug nagtingob pagduol ngadto kaniya. Ug si Moises miingon kanila, “Mao kini ang giingon sa Ginoo, ang Dios sa Israel, ‘Ipatakin sa matag tawo ang iyang espada diha sa iyang hawak ug pagbalikbalik kamo gikan sa usa ka ganghaan ngadto sa usa ka ganghaan sa tibuok kampo ug patyon ang tanan niyang igsoon, ug ang tanan niyang kauban, ug ang tanan niyang silingan.’ ” Ug gibuhat kini sa mga kaliwat ni Levi sumala sa pulong ni Moises ug tulo ka libo ka tawo ang nangapukan sa katawhan niadtong adlawa. Ug si Moises miingon, “Karong adlawa gigahin ninyo ang inyong kaugalingon alang sa pagpangalagad sa Ginoo, ang matag usa sa bili sa iyang anak nga lalaki ug sa iyang igsoong lalaki aron siya maghatag kaninyo ug panalangin niining adlawa.” Busa ang tanang katawhan nanangtang sa mga ariyos nga bulawan nga diha sa ilang mga dalunggan ug gidala kini ngadto kang Aaron. Sa pagkasunod adlaw, si Moises miingon sa katawhan, “Nakasala kamo ug usa ka dakong sala ug karon motungas ako ngadto sa Ginoo; basin ug makahimo ako ug pagtabon sa sala alang sa inyong mga sala.” Busa si Moises mibalik ngadto sa Ginoo ug miingon, “Kining katawhan nakasala ug usa ka dakong sala ug nagbuhat sila ug mga dios nga bulawan. Apan karon, kon imo untang pasayloon ang ilang sala, ug kon dili, papasa ako gikan sa imong basahon nga imong gisulat.” Apan ang Ginoo miingon kang Moises, “Si bisan kinsa nga nakasala batok kanako, siya papason nako gikan sa akong basahon. Karon lakaw, dad-a kining katawhan ngadto sa dapit nga akong giingon kanimo. Ang akong anghel mag-una kanimo apan sa adlaw sa akong pagduaw, duawon nako ang ilang sala diha kanila.” Ug ang Ginoo nagpadala ug katalagman diha ang katawhan kay nagbuhat man sila ug nating baka, ang gibuhat ni Aaron. Ug iyang gidawat ang bulawan sa ilang mga kamot, ug gikulit niya kini pinaagi sa usa ka kahimanan sa pagkulit ug naghimo ug usa ka nating baka nga tinunaw. Ug sila miingon, “Kini mao ang imong mga dios, O Israel, nga nagkuha kanimo gikan sa yuta sa Ehipto!”
Ug gisapawan niya kini ug lunsay nga bulawan sa sulod ug sa gawas ug gibuhatan niya kini ug ribiti nga bulawan sa palibot niini.
Ug siya nagbuhat ug usa ka tabon nga lunsayng bulawan, duha ka maniko ug tunga ang gitas-on niini ug usa ka maniko ug tunga ang gilapdon.
Ug iyang gibuhat gikan sa lunsay nga bulawan ang mga kasangkapan nga alang sa ibabaw sa lamisa, ang mga pinggan ug ang mga sudlanan sa insenso niini, mga panaksan ug mga tibod nga gamiton alang sa halad nga ilimnon.
Naghimo siya ug pito ka lampara ug mga kimpit ug mga sangga niini gikan sa lunsayng bulawan. Gihimo niya kini ug ang tanang kasangkapan niini gikan sa usa ka talanton nga lunsayng bulawan.
Ug gisul-ob niya ang purong diha sa ulo ni Aaron ug sa ibabaw sa purong, sa atubangan, gibutang niya ang dayandayan nga bulawan, ang balaan nga korona sumala sa gisugo sa Ginoo kang Moises.
Ug nagdala kami ug halad alang sa Ginoo, halad sa bisan unsa nga nakuha sa matag usa, mga alahas nga bulawan, mga baklaw sa kamot, mga pulseras, mga singsing, mga ariyos, ug mga kuwentas, aron sa paghimo sa pagtabon sa sala alang sa among kaugalingon sa atubangan sa Ginoo.” Ug si Moises ug si Eleasar nga pari midawat sa bulawan gikan kanila, ang tanang alahas nga hinimo.
Sunoga sa kalayo ang kinulit nga larawan sa ilang mga diosdios. Ayaw kaibgi ang plata o ang bulawan nga anaa kanila o kuhaon ninyo kini alang sa inyong kaugalingon, aron nga dili kamo malit-ag niini kay kini dulumtanan alang sa Ginoo nga inyong Dios.
ug sa diha nga ang inyong mga panon sa hayop ug mga panon sa karnero modaghan, ug ang inyong plata ug bulawan modaghan, ug ang tanan nga anaa kaninyo modaghan,
Ug kinahanglang dili siya magpadaghan ug mga asawa alang sa iyang kaugalingon aron ang iyang kasingkasing dili mahisalaag ug kinahanglang dili usab siya magpadaghan pag-ayo ug plata ug bulawan alang sa iyang kaugalingon.
Apan ang tanang plata ug bulawan ug ang tanang sudlanan nga bronsi ug puthaw, balaan alang sa Ginoo. Iadto kini sa panudlanan sa Ginoo.”
Sa akong pagkakita, uban sa mga nangaguba, sa usa ka matahom nga kupo gikan sa Sinar ug duha ka gatos ka siklo nga plata ug usa ka barita nga bulawan nga 50 ka siklo ang gibug-aton, naibog ako niini ug akong gikuha. Ug ania, akong gilubong sa yuta sulod sa akong tolda uban sa plata nga anaa sa ilalom.”
Ug si Gideon miingon kanila, “Aduna akoy usa ka hangyo kaninyo, ang matag usa kaninyo maghatag kanako ug mga ariyos nga iyang inilog.” (Kay sila may bulawan nga ariyos tungod kay sila mga Ismaelinhon.) Ug sila mitubag, “Kami sa kinabubut-on mohatag niini.” Ug nagbukhad sila ug panapton ug giitsa didto sa matag usa ang mga ariyos nga iyang inilog. Ang gibug-aton sa bulawan nga mga ariyos nga iyang gipangayo usa ka libo ug pito ka gatos ka siklo sa bulawan gawas sa mga dayandayan ug mga kuwentas ug sa mga panapton nga tapol nga gisul-ob sa mga hari sa Midian ug gawas sa mga kadena nga gibugkos sa mga liog sa ilang mga kamilyo.
Kuhaa ang sudlanan sa kasabotan sa Ginoo ug ibutang kini sa karomata, ug ibutang sa kahon diha sa kilid niini ang mga hulagway nga bulawan nga inyong iuli kaniya, ingon nga usa ka halad tungod sa paglapas. Palakta kini ug pasubaya sa dalan.
Ug gikuha ni David ang mga taming nga bulawan nga gidala sa mga sulugoon ni Hadadeser, ug gidala kini ngadto sa Jerusalem.
Ang kinasulorang lawak may gitas-on nga 20 ka maniko ug 20 ka maniko ang gilapdon ug 20 ka maniko ang gihabogon ug gitabonan niya kini ug lunsay nga bulawan. Ug ang halaran iya usab nga gitabonan ug cedro. Busa ang sulod sa balay gisapawan ni Solomon ug lunsay nga bulawan, ug iyang gikutayan ug kadena nga bulawan latas sa atubangan sa kinsulorang lawak ug iya kining gisapawan ug bulawan. Ug iyang gisapawan ug bulawan ang tibuok balay hangtod nga ang tibuok balay nahuman. Ang tibuok halaran usab nga atua sa kinasulorang lawak, iyang gisapawan ug bulawan.
Gipahimo usab ni Solomon ang tanang mga galamiton nga diha sa balay sa Ginoo: ang bulawang halaran, ang lamisang bulawan alang sa pan nga gihalad sa atubangan sa Dios, ang mga lamparahan nga lunsayng bulawan, lima dapit sa habagatan ug lima usab dapit sa amihanan atubangan sa kinasulorang lawak; ang mga bulak, mga lampara ug ang mga kimpit bulawan. Ug ang tanang mga pultahan ug mga bintana gihimong eskinado uban ang mga sagbayan, ug ang bintana nag-atbang sa tulo ka laray. Ang mga kupa, mga igpapalong sa suga, mga panaksan, mga sudlanan sa insenso ug ang mga sudlanan sa kalayo, kining tanan hinimo sa lunsay nga bulawan lakip ang bisagra sa mga pultahan sa balay, sa kinasulorang bahin sa balay, ang labing balaang dapit ug alang sa mga pultahan sa hawanan sa balay.
Ug sila miadto sa Ofir ug nagdala gikan didto ug bulawan nga 420 ka talanton ug gidala nila kini ngadto kang Haring Solomon.
Siya miadto sa Jerusalem uban ang dakong panon sa mga sakop, uban ang mga kamilyo nga gikargahan sa mga panakot ug daghan kaayong bulawan ug mga mahalon nga bato. Ug sa pag-abot niya kang Solomon, siya misugilon kaniya mahitungod sa tanan nga diha sa iyang kasingkasing.
Unya iyang gihatagan ang hari ug 120 ka talanton nga bulawan ug daghan kaayong mga panakot ug mga mahalon nga bato; wala gayoy sama sa gidaghanon sa mga panakot nga gihatag sa rayna sa Seba ngadto kang Hari Solomon. Dugang pa, ang panon sa mga barko ni Hiram, nga nagdala sa bulawan gikan sa Ofir, nagdala gikan sa Ofir ug daghan kaayong mga kahoy nga almug ug mga mahalon nga bato.
Ug ang gibug-aton sa bulawan nga miabot kang Solomon sa usa ka tuig, 666 ka talanton nga bulawan, gawas niadtong gidala sa tigbaligya ug sa mga patigayon sa mga tigpatigayon ug sa tanang mga hari sa Arabia ug sa mga gobernador sa nasod. Si Hari Solomon naghimo ug duha ka gatos ka taming gikan sa pinikpik nga bulawan, unom ka gatos ka siklo nga bulawan ang diha sa matag taming. Ug siya naghimo ug tulo ka gatos ka taming gikan sa pinikpik nga bulawan, tulo ka mina nga bulawan ang diha sa matag taming, ug gibutang kini sa hari diha sa Balay sa Lasang sa Lebanon. Ug ang hari naghimo usab ug usa ka dakong trono nga hinimo gikan sa tango sa elepante ug gisapawan kini sa labing lunsay nga bulawan.
Ang tanang imnanan ni Hari Solomon bulawan ug ang tanang galamiton sa Balay sa Lasang sa Lebanon lunsay nga bulawan. Walay hinimo gikan sa plata kay kini walay bili sa panahon ni Solomon. Kay ang hari adunay panon sa mga barko sa Tarsis diha sa dagat, uban sa panon sa mga barko ni Hiram. Makausa sa matag tulo ka tuig, ang panon sa mga barko sa Tarsis namauli nga nagdala ug bulawan, plata marmol ug mga onggoy ug mga pabo-real.
Tungod niini ang hari nagpakitambag ug naghimo ug duha ka nating baka nga bulawan ug siya miingon ngadto sa mga tawo, “Igo na ang inyong pagtungas ngadto sa Jerusalem, tan-awa, ang inyong mga dios, O Israel, nga nagdala kaninyo gikan sa yuta sa Ehipto.”
Busa nagtagana ako alang sa balay sa akong Dios kutob sa akong mahimo, ang bulawan alang sa mga butang nga bulawan, ang plata alang sa mga butang nga plata, ug ang bronsi alang sa mga butang nga bronsi, ang puthaw alang sa mga butang nga puthaw, ug ang kahoy alang sa mga butang nga kahoy, dugang sa daghan kaayong mga bato nga onyx, mga sinaw nga bato, mga bato nga ibutang sa enggaste, mga bato nga may mga bulok, tanang matang sa bililhong mga bato ug mga marmol. Unya si David miingon sa tibuok nga katilingban, “Dayega ninyo ang Ginoo nga inyong Dios.” Ug ang tibuok nga katilingban nagdayeg sa Ginoo, ang Dios sa ilang katigulangan ug nagduko sa ilang mga ulo ug nagsimba sa Ginoo, ug miyukbo sa hari. Sa pagkasunod adlaw, sila naghalad ug mga halad nga inihaw ngadto sa Ginoo ug naghalad ug mga halad nga sunogon ngadto sa Ginoo, usa ka libo ka torong baka, usa ka libo ka laking karnero ug usa ka libo ka nating karnero uban sa ilang mga halad nga ilimnon ug mga halad nga daghan alang sa tibuok Israel. Ug sila nangaon ug nanginom sa atubangan sa Ginoo niadtong adlawa uban sa dakong kalipay. Si Solomon nga anak ni David ilang gihimo nga hari sa ikaduha nga higayon, ug gidihogan nila siya ingon nga pangulo alang sa Ginoo, ug si Zadok ingon nga pari. Unya si Solomon milingkod sa trono sa Ginoo ingon nga hari puli ni David nga iyang amahan ug siya miuswag ug ang tibuok Israel nagtuman kaniya. Ug ang tanang mga pangulo, mga tawong bantogan ug usab ang tanang mga anak nga lalaki ni Hari David, misaad sa ilang pagpaluyo kang Hari Solomon. Ang Ginoo naghatag kang Solomon ug dakong dungog diha sa panan-aw sa tibuok Israel, ug mihatag kaniya sa maong kaharianong pagkahalangdon nga walay sama ni bisan kinsang hari nga una kaniya sa Israel. Busa si David nga anak ni Jesse naghari sa tibuok Israel. Ang kadugayon sa paghari niya sa Israel 40 ka tuig. Pito ka tuig siya nga naghari didto sa Hebron ug 33 ka tuig didto sa Jerusalem. Unya siya namatay nga tigulang kaayo, puno sa mga adlaw, kadato ug dungog. Ug si Solomon nga iyang anak naghari puli kaniya. Karon ang mga buhat ni David nga hari, gikan sa sinugdan ngadto sa kataposan, gisulat diha sa kasaysayan ni Samuel nga propeta, ug diha sa kasaysayan ni Natan nga propeta, ug diha sa kasaysayan ni Gad nga propeta, Dugang pa niini, dugang sa tanan nakong gitagana alang sa balaang balay, ako adunay bahandi nga akong kaugalingon, bulawan ug plata, ug tungod sa akong gugma sa balay sa akong Dios, gihatag nako kini sa balay sa akong Dios, lakip ang kasaysayan sa iyang paghari ug ang iyang gahom, ug ang mga hitabo nga miabot kaniya ug sa Israel ug sa tanang gingharian sa kayutaan. tulo ka libo ka talanton nga bulawan, sa bulawan sa Ofir, ug pito ka libo ka talanton nga lunsayng plata, alang sa pagsapaw sa mga bungbong sa balay, ug bulawan alang sa mga butang nga bulawan ug plata alang sa mga butang nga plata, alang sa tanang buluhaton nga buhaton sa mga tawo nga batid sa pagpamuhat. Busa kinsa ang maghalad nga kinabubut-on, nga magbalaan sa iyang kaugalingon niining adlawa ngadto sa Ginoo?” Unya ang mga pangulo sa mga balay sa mga katigulangan, ug ang mga pangulo sa mga banay sa Israel, ug ang mga tigmando sa mga linibo ug sa mga ginatos uban sa mga tinugyanan nga nag-alagad sa hari, naghalad sa kinabubut-on nga paghalad. Sila mihatag alang sa pag-alagad sa balay sa Dios, lima ka libo ka talanton nga bulawan ug napulo ka libo ka daric, napulo ka libo ka talanton nga plata ug napulo ug walo ka libo ka talanton nga bronsi ug usa ka gatos ka libo ka talanton nga plata.
Ug gihimo sa hari ang plata ug bulawan nga daw sama ka yano sa mga bato diha sa Jerusalem ug ang mga cedro iyang gihimo nga sama ka daghan sa mga kahoy nga sikomoro nga anaa sa Sefela.
Ang agianan nga diha sa atubangan sa balay 20 ka maniko, ang gitas-on sama sa gilapdon sa balay ug ang gihabogon niini 120 ka maniko. Gisapawan niya kini sa sulod ug lunsay nga bulawan. Ug ang kinadak-ang bahin iyang gipalinyahan ug sipres ug gisapawan kini ug lunsay nga bulawan ug nagbuhat siya ug mga palmera ug mga kadena diha niini. Iyang gidayandayanan ang dapit ug bililhon nga mga bato, ug ang bulawan nga gigamit bulawan sa Parvaim.
ang mga lamparahan uban ang mga lampara niini mga lunsayng bulawan aron pasigaon sa atubangan sa labing balaang dapit sumala sa gisugo; ang mga bulak, ang mga lampara, ang mga kumpit mga lunsayng bulawan; ang mga igpapalong, ang mga planggana, ang mga sangga sa insenso, ug ang mga sangga sa kalayo lunsay nga bulawan. Ug ang mga pultahan sa Templo, ang mga pultahan sa sulod paingon sa labing balaan nga dapit, ug ang mga pultahan sa dakong hawanan sa Templo binuhat sa bulawan.
Unya siya mihatag sa hari ug 120 kawhaan ka talanton nga bulawan ug daghan kaayong pahumot ug mga bililhon nga bato; walay laing pahumot nga sama sa gihatag sa rayna sa Seba kang Hari Solomon.
Ang gibug-aton sa bulawan nga moabot kang Solomon sa usa ka tuig, 666 ka talanton nga bulawan, walay labot niadtong gidala sa mga tigpatigayon ug sa mga tigbaligya. Ug ang tanang hari sa Arabia ug ang mga gobernador sa yuta nagdala ug bulawan ug plata ngadto kang Solomon. Unya si Hari Solomon naghimo ug duha ka gatos ka dagkong taming gikan sa sinalsal nga bulawan, unom ka gatos ka siklo gikan sa sinalsal nga bulawan ang nagamit sa matag taming. Ug siya naghimo ug tulo ka gatos ka taming nga sinalsal nga bulawan, tulo ka gatos ka siklo nga bulawan ang nagamit sa usa ka taming ug gibutang kini sa hari diha sa Balay sa Kalasangan sa Lebanon. Ang hari naghimo usab ug usa ka dakong trono nga tango sa elepante ug gisapawan kini ug lunsay nga bulawan.
Sa diha nga natapos na kini nila, ilang gidala ang nahibilin sa salapi ngadto sa hari ug ni Jehoiada, ug pinaagi niini gibuhat ang kagamitan alang sa balay sa Ginoo, alang sa pagpangalagad ug sa halad nga sunogon ug mga kagamitan alang sa insenso ug mga sudlanan nga bulawan ug plata. Ug sila kanunayng naghalad ug mga halad nga sunogon sa balay sa Ginoo sa tanang mga adlaw ni Jehoiada.
Ang matag usa sa mga nahibilin, bisan diin man siya magpuyo, kinahanglang tabangan siya sa mga tawo sa iyang dapit pinaagi sa plata ug bulawan, sa mga kabtangan ug sa mga mananap, dugang sa mga halad nga kinabubut-on alang sa balay sa Dios nga anaa sa Jerusalem.”
Ug gitimbang nako alang kanila ang plata ug ang bulawan ug ang mga kagamitan, ang halad alang sa balay sa among Dios, nga gihalad sa hari ug sa iyang mga magtatambag, ug sa iyang mga kadagkoan ug sa tibuok Israel nga mitambong didto. Akong gitimbang ngadto sa ilang kamot ang 650 ka talanton nga plata ug mga plata nga kagamitan nga balig usa ka gatos ka talanton ug usa ka gatos ka talanton nga bulawan, 20 ka panaksan nga bulawan nga mobili ug sa usa ka libo ka daric ug duha ka sudlanan nga sinaw kaayo nga bronsi nga sama ka bililhon sa bulawan.
Unya ang uban sa mga pangulo sa mga panimalay sa mga katigulangan naghatag alang sa buluhaton. Ang gobernador mihatag ngadto sa tipiganan sa bahandi, 1,000 ka daric nga bulawan, 50 ka planggana, 530 ka bisti sa mga pari. Ug ang uban sa mga pangulo sa mga panimalay sa mga katigulangan naghatag ngadto sa tipiganan sa bahandi alang sa buluhaton, 20,000 ka daric nga bulawan ug 2,200 ka mina nga plata.
Didtoy mga tabil nga puting panapton nga gapas ug asul nga gihigot ug mga linubid nga pinong lino ug mahalong panapton nga tapol ngadto sa mga argulya nga plata ug sa mga haligi nga marmol ug mga higdaanan usab nga bulawan ug plata, ibabaw sa usa ka salog nga dibuho ginamit ang batong porperyo, marmol, takubo ug mga mahalong bato.
kon ibutang nimo ang bulawan diha sa abog, ug ang bulawan sa Ofir taliwala sa mga bato sa kasapaan, ug kon ang Labing Gamhanan mao ang imong bulawan, ug ang imong bililhon nga plata,
Kini dili mabatonan tungod sa bulawan, ug ang plata dili matimbang ingon nga bili niini. Kini dili kahatagan ug bili diha sa bulawan sa Ofir, sa mahalon nga onyx o sapiro. Ang bulawan ug bildo dili makatumbas niini, o kabayloan kini ug mga alahas sa maayo nga bulawan. Dili na hisgotan ang bato sa dagat o ang kristal; ang bili sa kaalam labaw pa kay sa mga perlas. Ang topasyo sa Etiopia dili ikatandi niini, o kahatagan kini ug bili diha sa lunsay nga bulawan.
ang mga anak nga babaye sa mga hari uban sa pinasidunggang kababayen-an; sa imong tuo nagtindog ang rayna nga gidayandayanan ug bulawan sa Ofir.
bisan ug nagpabilin sila sa mga toril sa karnero, ang mga pako sa salampati nga gisapawan ug plata ang mga dagang niini sa dalag nga bulawan.
kay ang makuha gikan niini maayo pa kay sa makuha gikan sa plata ug ang kaayohan niini maayo pa kay sa bulawan. Siya bililhon pa kay sa mga alahas, ug walay butang nga imong gitinguha nga ikatandi kaniya.
Dawata ang akong pahimangno kay sa plata, ug ang kahibalo kay sa piniling bulawan;
Ang akong bunga maayo pa kay sa bulawan, bisan sa maayong bulawan, ug ang akong abot labaw kay sa piniling plata.
Ang pagbaton ug kaalam maayo pa kay sa bulawan; ang pagbaton ug salabotan maayo pa nga pilion kay sa plata.
Sama sa usa ka ariyos nga bulawan o sa usa ka dayandayan nga bulawan ang usa ka maalamon nga tigbadlong ngadto sa namati nga dalunggan.
Nagtigom usab ako alang sa akong kaugalingon ug plata ug bulawan, ug bahandi sa mga hari ug sa mga lalawigan. Aduna akoy mag-aawit nga mga lalaki ug mga babaye, ug daghang mga puyopuyo, katagbawan sa tawo.
Ug ang ilang yuta napuno sa plata ug bulawan, ug walay kataposan ang ilang mga bahandi; ang ilang yuta napuno sa mga kabayo, ug walay kataposan ang ilang mga karwahi.
Nianang adlawa isalibay sa mga tawo ang ilang mga diosdios nga plata ug ang mga diosdios nga bulawan, nga gibuhat nila aron simbahon, ngadto sa mga ilaga ug sa mga kabog,
Kay ang mga pulo maghulat kanako, ug ang mga barko sa Tarsis mag-una, aron sa pagdala sa imong mga anak nga lalaki gikan sa layo, dala ang ilang plata ug ang ilang bulawan, alang sa ngalan sa Ginoo nga imong Dios, ug alang sa Balaan sa Israel, tungod kay siya naghimaya kanimo.
Inay bronsi ako magdala ug bulawan, ug inay puthaw ako magdala ug plata; inay kahoy, bronsi inay mga bato, puthaw. Himoon nako nga imong mga tinugyanan ang pakigdait, ug imong mga kapatas ang pagkamatarong.
Sinalsal nga plata gidala gikan sa Tarsis ug bulawan gikan sa Ufas. Kini buhat sa mga kamot sa hanas nga tigbuhat ug sa mga kamot sa tigsalsal ug bulawan; ang ilang bisti ubihon ug tapol; kining tanan binuhat sa mga tawong batid sa pagpamuhat.
Ang Babilonia usa ka kupa nga bulawan diha sa kamot sa Ginoo, nga nakapahubog sa tibuok nga yuta; ang mga nasod nakainom sa iyang bino, busa ang mga nasod nangabuang.
Naunsa nga milubad man ang bulawan, ang lunsayng bulawan nausab! Ang balaan nga mga bato nangakatag sa ulohan sa matag dalan. Ang mga kamot sa maluluy-on nga mga babaye miluto sa kaugalingon nilang mga anak; sila nahimong pagkaon nila sa pagkalaglag sa anak nga babaye sa akong katawhan. Ang Ginoo hingpit nga mipahungaw sa iyang kaligutgot; iyang gibubo ang iyang bangis nga kasuko; ug siya naghaling ug kalayo didto sa Zion, nga naglamoy sa mga patukoranan niini. Ang mga hari sa yuta wala motuo, o si bisan kinsa nga nagpuyo sa kalibotan, nga ang kabatok o ang kaaway makasulod sa mga ganghaan sa Jerusalem. Kini tungod sa mga sala sa iyang mga propeta ug sa mga kalapasan sa iyang mga pari, nga nagpaagas sa dugo sa mga matarong diha sa iyang taliwala. Sila nagsuroysuroy nga daw mga buta diha sa kadalanan, nagkahugaw pag-ayo sa dugo nga walay makahikap sa ilang mga bisti. “Pamahawa kamo, mga hugaw!” ang mga tawo misinggit kanila; “Pahawa! Pahawa! Ayaw paghikap!” Busa nahimo silang mga layas ug libod-suroy; ang mga tawo miingon taliwala sa kanasoran, “Dili na sila makapuyo uban kanato.” Ang Ginoo gayod mao ang nagptibulaag kanila, siya dili na magtagad kanila; wala nay pagtahod nga gipakita ngadto sa mga pari, wala nay pagtagad ngadto sa mga kadagkoan. Ang among mga mata naluya, nagpaabot ug tabang nga walay paglaom; sa among pagtukaw kami nagbantay sa usa ka nasod nga dili makaluwas. Ang mga tawo nangita sa among mga lakang aron dili kami makalakaw sa among kadalanan; ang among kataposan nagkaduol na; ang among mga adlaw maihap na lamang; kay ang among kataposan miabot na. Ang mga naggukod kanamo tulin pa kay sa mga agila sa kalangitan; sila migukod kanamo ibabaw sa kabukiran, sila nag-atang kanamo sa kamingawan. Ang bililhong mga anak nga lalaki sa Zion ikatandi sa inulay nga bulawan, giisip sila nga sama sa yuta nga kulonon, ang buhat sa mga kamot sa magkukolon!
Ilang ilabay ang ilang plata diha sa kadalanan ang ilang bulawan mahisama sa butang nga hugaw. Ang ilang plata ug ang ilang bulawan dili makaluwas kanila sa adlaw sa kaligutgot sa Ginoo. Kini dili makatagbaw sa ilang kagutom o makabusog sa ilang mga tiyan, tungod kay kini mao ang kapangdolan sa ilang pagkadaotan.
Sa ingon niana, ikaw gidayandayanan ug bulawan ug plata, ug ang imong bisti pino nga lino ug sida ug binurdahan nga panapton. Nagkaon ikaw sa pinong harina ug dugos ug lana. Ikaw matahom kaayo ug ikaw nakakab-ot sa harianong kahimtang.
Ikaw mikuha usab sa imong mga matahom nga alahas gikan sa akong bulawan ug sa akong plata, nga akong gihatag kanimo, ug gikan niini nagbuhat ikaw ug mga larawan sa mga lalaki, ug nakighilawas ikaw kanila.
Si Hari Nabucodonosor nagbuhat ug usa ka larawan nga bulawan nga ang gitas-on 60 ka maniko ug ang gilapdon niini unom ka maniko. Iya kining gipahiluna sa kapatagan sa Dura, sa lalawigan sa Babilonia.
Siya wala mahibalo nga ako ang naghatag kaniya sa trigo, sa bino ug sa lana, ug nagsangkap kaniya sa plata ug bulawan nga ilang gigamit alang sa Baal.
Kay inyong gikuha ang akong plata ug ang akong bulawan ug gidala ang akong daghang mga bahandi ngadto sa inyong mga templo.
aron ang mga kabos mapalit nato alang sa plata, ug ang mga nanginahanglan sa usa ka paris nga sandalyas, ug ikabaligya ang mga biya sa trigo?”
Kuhaa ang plata, kuhaa ang bulawan! Walay kataposan sa mga bahandi, o katigayonan sa tanang bililhon nga butang.
Ug itambog nako kining ikatulong bahin ngadto sa kalayo, ug lunsayon kini sama sa usa ka tawo nga maglunsay ug plata, ug magsulay kanila sama sa pagsulay sa bulawan. Sila magsangpit sa akong ngalan ug ako motubag kanila. Ako moingon, ‘Sila akong katawhan,’ ug sila moingon, ‘Ang Ginoo mao ang akong Dios.’ ”
Siya molingkod sama sa tigtunaw ug tig-ulay sa plata ug iyang putlion ang mga anak ni Levi, ug ulayon sila sama sa bulawan ug sa plata hangtod nga sila maghalad ug angay nga mga halad ngadto sa Ginoo.
Sa pagsulod na nila sa balay, ilang nakita ang bata uban kang Maria nga iyang inahan, ug sila miluhod ug misimba sa bata. Ug sa naukban na nila ang ilang mga bahandi, ilang gihalaran siya ug mga gasa: bulawan ug insenso ug mira.
“Ayaw kamo pagtigom ug mga bahandi alang kaninyo dinhi sa yuta diin ang mga mananap ug ang taya mangutkot ug diin ang mga kawatan manglungkab ug mangawat. “Busa sa dihang maghatag ikaw ug limos, ayaw pagpatingog ug trumpeta sa imong atubangan sama sa gihimo sa mga tigpakaaron-ingnon diha sa mga sinagoga ug diha sa kadalanan aron sila dayegon sa mga tawo. Sa pagkatinuod, sultihan ko kamo nga sila nakadawat na sa ilang ganti. Apan pagtigom kamo ug mga bahandi alang kaninyo didto sa langit diin walay mga mananap o taya nga mangutkot ug diin walay mga kawatan nga manglungkab ug mangawat. Kay hain gani ang imong bahandi, anaa usab diha ang imong kasingkasing.
“Alaot kamo, mga giya nga buta nga nag-ingon, ‘Kon adunay manumpa tungod sa Templo, wala kanay bili apan kon may manumpa tungod sa bulawan sa Templo, nahigot siya sa iyang panumpa.’ Kamong mga buangbuang nga mga buta! Kay hain bay labaw, ang bulawan o ang Templo ba nga maoy nagbalaan sa bulawan?
Kamong mga buta! Kay hain bay labaw, ang halad o ang halaran nga maoy nagbalaan sa halad?
Apan si Pedro miingon, “Wala akoy plata o bulawan, apan hatagan ko ikaw sa ania kanako. Sa ngalan ni Jesu-Cristo nga Nazaretnon, tindog ug lakaw.”
Busa kay mga anak man kita sa Dios, dili nato hunahunaon nga ang pagka-Dios sama sa bulawan o plata, o bato nga kinulit pinaagi sa kabatid ug sa hunahuna sa tawo.
Karon kon may magtukod sa ibabaw niining maong patukoranan ginamit ang bulawan, plata, mga mahalong bato, kahoy, sagbot o dagami,
Ang mga babaye usab magmaligdong ug magtarong sa ilang kaugalingon dili pinaagi sa buhok nga sinapid, o sa bulawan o sa mga mutya o sa mga mahalon nga bisti,
Diha sa dakong balay adunay mga sudlanan nga dili lamang hinimo ug bulawan ug plata kondili mga hinimo usab ug kahoy ug yuta, ug ang uban alang sa dungganan ug ang uban alang sa dili dungganan.
diin didto gibutang ang bulawan nga halaran sa insenso ug ang sudlanan sa kasabotan, nga gisapawan ug bulawan sa tanang bahin niini diin gibutang ang tibod nga bulawan nga gisudlan sa mana ug ang sungkod ni Aaron nga nanalingsing ug ang mga papan nga gisulatan sa kasabotan.
Apan sa dihang miabot na si Cristo ingon nga labawng pari sa maayong mga butang nga nangabot na, agi sa labaw ka dako ug labaw ka hingpit nga tolda, nga dili hinimo ug kamot, sa ato pa, dili iya sa yutan-ong kabuhatan, siya sa makausa ug sa wala nay pagsubli misulod sa Balaang Dapit, nga nagdala dili sa dugo sa mga kanding ug sa mga nating baka kondili sa iyang kaugalingong dugo ug sa ingon niana nahimo niya ang pagtubos nga dayon.
aron nga ang pagkatinuod sa inyong pagtuo, nga labaw pa ka bililhon kay sa bulawan nga madugta nga sulayan pinaagi ug kalayo, mosangpot ngadto sa pagdayeg ug paghimaya ug pagpasidungog inigpadayag unya kang Jesu-Cristo.
Kamo nasayod nga kamo gilukat gikan sa walay hinungdan nga paggawi nga inyong napanunod gikan sa inyong mga ginikanan, dili pinaagi sa mga butang nga madugta sama sa plata o bulawan, kondili pinaagi sa bililhong dugo ni Cristo, sama sa dugo sa nating karnero nga walay buling o mansa.
Himoa nga ang inyong pagpaanyag dili pinaagi sa dayag nga pagpanindot sa buhok, sa pagsul-ob ug bulawan ug mga mahalon kaayong bisti, kondili diha hinuon sa pagkatawo nga natago sulod sa kasingkasing pinaagi nianang dili madunot nga mao ang kaaghop ug malinawon nga espiritu nga bililhon kaayo sa atubangan sa Dios.
Unya miliso ako aron sa pagtan-aw sa nakigsulti kanako, ug sa akong pagliso nakita nako ang pito ka lamparahan nga bulawan, ug sa taliwala sa mga lamparahan nakita nako ang daw anak sa tawo nga nagsul-ob ug taas nga bisti ug may bakos nga bulawan sa iyang dughan.
Ug ang babaye nagbisti ug mahalon nga panaptong tapol ug pula ug may mga dayandayan nga bulawan ug mga mahalong bato ug mga perlas, nagkupot ug usa ka kopa nga bulawan nga napuno sa kangil-aran ug kahugawan sa iyang pagkamakihilawason,
Ang paril hinimo ug batong haspe, samtang ang siyudad lunsayng bulawan, tin-aw daw bildo. Ang mga patukoranan sa paril sa siyudad gidayandayanan sa tanang matang sa mga batong mahalon, ang una haspe, ang ikaduha sapiro, ang ikatulo kalsidonya, ang ikaupat esmiralda, Ug nakita nako ang balaang siyudad, ang bag-ong Jerusalem, nga nanaog gikan sa langit gikan sa Dios, inandam sama sa usa ka pangasaw-onon nga gidayandayanan alang sa iyang pamanhonon. ang ikalima sardonika, ang ikaunom kornalina, ang ikapito krisolito, ang ikawalo birilo, ang ikasiyam topasyo, ang ikanapulo krisopraso, ang ikanapulo ug usa hasinto, ang ikanapulo ug duha amatista. Ug ang napulo ug duha ka ganghaan hinimo gikan sa napulo ug duha ka perlas, ang matag ganghaan hinimo sa usa lamang ka buok perlas, ug ang kadalanan sa siyudad lunsayng bulawan, tin-aw daw bildo.