Kategorya
120 Mga Bersikulo sa Biblia Mahitungod sa mga Propeta
Ang mga propeta mga pinili sa Ginoo aron ipaambit ang Iyang kabubut-on sa Iyang katawhan. Kasagaran, sila gitahasan sa pagpahimangno bahin sa sangputanan sa mga sala ug sa pag-awhag sa pagsimba ug pagsunod sa usa lamang ka tinuod nga Dios.
Dili sayon ang ilang trabaho, kay sila giatubang og pagsukol ug pagsalikway gikan niadtong nagdumili sa pagpamati sa ilang mensahe. Sa Daang Tugon, atong makita sila si Isaias, Jeremias, Ezequiel, Elias, ug Eliseo, ug uban pa. Kining mga tawhana nakadawat og mga panan-awon ug balaang pagpadayag nga ilang gipaambit sa katawhan sa Israel.
Ang ilang mga pulong, puno sa kaalam ug gugma sa Ginoo, nagdapit nato sa pagpamalandong sa atong kaugalingong relasyon Kaniya. Usa sa mga importanteng leksyon nga atong makat-unan gikan sa mga istorya sa mga propeta mao ang kamahinungdanon sa pagkamatinud-anon ug paghinulsol.
Giawhag sa mga propeta ang katawhan sa pagbiya sa dautang dalan ug pagbalik sa Ginoo. Pinaagi sa ilang mga mensahe, atong makita kung giunsa sa Ginoo pagtinguha og suod ug matinud-anon nga relasyon sa Iyang katawhan, apan giunsa usab Niya pagpangayo og pagsunod ug hustisya.
Karon, sa kalibutan nga puno sa kadautan ug pagkadili matarong, importante nga ang mga Propeta sa Ginoo magpabiling suod sa Espiritu Santo. Niining paagiha, dili sila malibog, dili sila malimbongan, ug dili sila modawat og bisan unsa nga butang nga makapahimo nila sa pagsulti og wala gikan sa Ginoo.
Awhagon ko ikaw nga bantayan ang imong kasingkasing, sa pagkabalaan ug integridad, ug barugan ang mga balaod ug prinsipyo sa Ginoo.
Mga igsoon, ingon nga sumbanan sa pag-antos ug pagpailob, palandonga ang mga propeta nga nagsulti diha sa ngalan sa Ginoo.
Bisan pa niana nagpadayon ako sa pagpadala kaninyo sa tanan nakong mga alagad nga mga propeta, sa pag-ingon, ‘Ayaw buhata kining dulomtanan nga butang nga akong gidumtan!’
Magpatindog ako alang kanila ug usa ka propeta nga sama kanimo gikan sa taliwala sa ilang mga igsoon ug ibutang nako ang akong mga pulong sa iyang baba ug siya magsulti kanila sa tanan nga gisugo nako kaniya. Ug si bisan kinsa nga dili mamati sa akong mga pulong nga iyang isulti pinaagi sa akong ngalan, ako gayod maningil niini kaniya.
Ang pulong nga gisulti sa Ginoo kang Jeremias nga propeta, mahitungod sa pag-abot ni Nabucodonosor nga hari sa Babilonia aron sa pagsulong sa yuta sa Ehipto:
Sa pagkatinuod ang Ginoong Dios dili magbuhat ug bisan unsa nga dili magpadayag sa iyang tinago ngadto sa iyang mga alagad nga mga propeta.
“Sa wala pa nako ikaw buhata diha sa taguangkan nakaila na ako kanimo, ug sa wala pa ikaw mahimugso gigahin ko na ikaw; gipili ko ikaw nga propeta ngadto sa kanasoran.”
Siya miingon kanako, “Anak sa tawo, tindog, ug ako makigsulti kanimo.” ug iya kining gibukhad sa akong atubangan ug gisulatan kini sa atubangan ug sa luyo, ug didto nasulat ang mga pulong sa pagbangotan ug pagsubo ug panghimaraot. Ug sa diha nga siya misulti kanako, ang Espiritu misulod kanako ug gipatindog ako, ug ako nakadungog kaniya nga nakigsulti kanako. Ug siya miingon kanako, “Anak sa tawo, ipadala ko ikaw ngadto sa katawhan sa Israel, ngadto sa nasod sa masupilon, nga misupil batok kanako, sila ug ilang mga katigulangan nakasala batok kanako hangtod niining adlawa.
Ako nagpadala nganha kaninyo sa tanan nakong mga alagad, ang mga propeta, gipadala nako sila sa pag-ingon, ‘Biya kamo karon, ang matag usa kaninyo gikan sa iyang daotang dalan ug usba ang inyong mga binuhatan, ug ayaw pagsunod sa laing mga dios aron sa pag-alagad kanila, ug unya kamo magpuyo sa yuta nga akong gihatag kaninyo ug sa inyong mga katigulangan.’ Apan wala kamo magpakiling sa inyong mga dalunggan o mamati kanako.
Unya akong nadungog ang tingog sa Ginoo nga nag-ingon, “Kinsa man ang akong ipadala, ug kinsay moadto alang kanamo?” Unya miingon ako, “Ania ako, paadtoa ako.”
“Mao kini ang gisulti sa Ginoong Dios: Ikaw ba kadtong akong gihisgotan sa kanhing panahon pinaagi sa akong mga alagad nga mga propeta sa Israel, nga nagpropesiya niadtong mga adlawa sa daghang mga tuig, nga dad-on ikaw nako batok kanila?
Pagmaya ug paglipay kamo kay dako ang inyong ganti didto sa langit, kay sa ingon niini gilutos sa mga tawo ang mga propeta nga nag-una kaninyo.
Ug si Jonas misugod sa pagsulod sa siyudad, usa ka adlaw nga pagpanaw. Ug siya misinggit, “40 na lamang ka adlaw ug ang Ninibe magun-ob!”
Ang pulong sa Ginoo nga midangat kang Jeremias nga propeta mahitungod sa mga Filistihanon, sa wala pa sulonga sa Paraon ang Gaza.
Unya miingon siya kanila, “Kini mao ang akong mga pulong nga gisulti nako kaninyo sa kauban pa ako ninyo, nga ang tanang nasulat mahitungod kanako diha sa Balaod ni Moises ug sa mga Propeta ug sa mga Salmo kinahanglan gayod nga matuman.”
Ug dugang pa, pinaagi kang Jehu nga propeta nga anak ni Hanani, midangat ang pulong sa Ginoo batok kang Baasa ug batok sa iyang panimalay tungod sa tanang daotan nga iyang gihimo diha sa panan-aw sa Ginoo, nga nakapahagit kaniya sa pagkasuko tungod sa buhat sa iyang mga kamot, kay kini nagpakasama sa panimalay ni Jeroboam ug tungod usab kay iyang gilaglag kini.
Sa daghan ug nagkalainlaing mga pamaagi ang Dios misulti kaniadto ngadto sa atong mga katigulangan pinaagi sa mga propeta. Ug, “Ikaw, sa sinugdan, Ginoo, mao ang nagtukod sa kalibotan, ug ang kalangitan buhat sa imong mga kamot; sila mangawala, apan ikaw magpabilin; ang tanan madaan sama sa bisti, sama sa kupo sila imong lukoton, ug sama sa bisti sila ilisan. Apan ikaw mao sa gihapon, ug walay pagkatapos ang imong katuigan.” Apan kinsa ba nga anghel ang iyang giingnan, “Lingkod dapit sa akong tuo, hangtod nga ang imong mga kaaway mahimo nakong tumbanan sa imong mga tiil”? Dili ba silang tanan mga alagad nga espiritu, nga gipadala aron sa pag-alagad, tungod ug alang kanila nga makaangkon sa kaluwasan? Apan niining kaulahiang mga adlaw siya misulti kanato pinaagi sa Anak, nga iyang gitudlo nga manununod sa tanang mga butang, nga pinaagi kaniya usab gibuhat niya ang kalibotan.
Bisan pa niana siya nagpadala ug mga propeta ngadto kanila aron sa pagpabalik kanila ngadto sa Ginoo, ug kini sila nagpamatuod batok kanila, apan sila wala mamati.
Mao kini ang giingon sa Ginoo, “Tungod sa tulo ka kalapasan sa Tiro, ug tungod sa upat, dili nako bakwion ang silot; tungod kay ilang gitugyan ang tibuok nga katawhan ngadto sa Edom ug wala mahinumdom sa kasabotan sa pagkamanagsoon.
Ang mga propeta nga nagpropesiya mahitungod sa grasya nga alang kaninyo nangita ug nagpakisusi mahitungod niining maong kaluwasan. Ilang gisusi kon unsa o unsang panahona ang gipasabot sa Espiritu ni Cristo nga diha kanila sa ilang pagpropesiya sa mga pag-antos ni Cristo ug sa himaya nga mosangpot niini. Kanila gipadayag kini, nga sila wala mag-alagad alang sa ilang kaugalingon, kondili alang kaninyo diha sa mga butang nga karon gipahibalo na kaninyo pinaagi kanila nga nagsangyaw sa Maayong Balita, pinaagi sa Espiritu Santo nga gipadala gikan sa langit, ang mga butang nga ang mga anghel nangandoy sa pagsud-ong.
Busa mao kini ang giingon sa Ginoong Dios: Ako magdala ug usa ka espada batok kanimo ug puohon nako gikan kanimo ang tawo ug mananap.
Ug kay nabatonan man nato ang espirituhanong mga hiyas nga nagkalainlain sumala sa grasya nga gihatag kanato, kinahanglan nga gamiton nato kini: kon pagpropesiya, sumala sa gidak-on sa pagtuo;
Ang nagdawat sa propeta tungod kay siya usa ka propeta, modawat ug ganti nga alang sa usa ka propeta ug ang nagdawat sa tawong matarong tungod kay siya usa ka tawong matarong, modawat ug ganti nga alang sa usa ka tawong matarong.
“Kay mao kini ang giingon sa Ginoo: Sa dihang matapos ang 70 ka tuig sa Babilonia, moduaw ako kaninyo ug tumanon nako ang akong saad kaninyo ug dad-on ko kamo pagbalik niining dapita.
O Jerusalem, Jerusalem, nga nagpatay sa mga propeta ug nagbato sa mga sinugo diha kanimo! Makapila nako gipangandoy ang pagtigom sa imong mga anak sama sa himungaan nga nagtigom sa iyang mga piso ilalom sa iyang mga pako, apan nagdumili ka!
sa unang tuig sa iyang paghari, ako, si Daniel, nakasabot diha sa mga basahon mahitungod sa gidaghanon sa mga tuig, nga sumala sa pulong sa Ginoo kang Jeremias nga propeta kinahanglang molabay sa dili pa ang kataposan sa pagkalumpag sa Jerusalem, 70 ka tuig.
Apan ang gisulti nang daan sa Dios pinaagi sa baba sa tanang mga propeta, nga ang Cristo kinahanglan gayod nga mag-antos, iyang gituman.
ug didto nagpabilin sila hangtod sa pagkamatay ni Herodes. Kini nahitabo aron matuman ang giingon sa Ginoo pinaagi sa propeta, “Gikan sa Ehipto gitawag nako ang akong anak.”
Kini mao ang Moises nga miingon sa mga Israelinhon, ‘Usa ka propeta gikan sa inyong kaigsoonan patindogon sa Dios alang kaninyo, sama sa iyang pagpatindog kanako.’
Ako nagtuaw sa makusog ngadto sa Dios, sa kusog nga tingog ngadto sa Dios aron siya mamati kanako. Ug ako miingon, “Kini mao ang akong kaguol nga ang tuong kamot sa Labing Halangdon nausab.” Akong hinumdoman ang mga buhat sa Ginoo; akong hinumdoman ang imong mga kahibulongan sa kakaraanan. Pamalandongan nako ang tanan nimong mga buhat, ug magsulti ako sa imong gamhanang mga buhat. Ang imong dalan, O Dios, balaan. Kinsa ba nga dios ang dako nga sama sa atong Dios? Ikaw mao ang Dios nga nagbuhat ug mga katingalahan, nga nagpadayag sa imong gahom taliwala sa mga katawhan. Pinaagi sa imong bukton giluwas nimo ang imong katawhan, ang mga anak ni Jacob ug ni Jose. Selah Sa diha nga ang katubigan nakakita kanimo, O Dios, sa diha nga ang katubigan nakakita kanimo, nangahadlok sila, ang kahiladman usab nangurog. Ang mga dag-om nagyabo ug tubig; ang mga langit nagpadalugdog; ang imong mga udyong usab nagpangidlap sa tanang dapit. Ang dinahunog sa imong dalugdog anaa sa mga alimpulos; ang mga kilat mihayag sa kalibotan; ang yuta mikurog ug nauyog. Ang imong dalan anaa sa dagat, ang imong mga agianan anaa sa dagkong katubigan; apan ang imong mga tunob wala makita. Sa adlaw sa akong kalisdanan ako nangita sa Ginoo; sa kagabhion ang akong kamot gibayaw ug wala maluya; ang akong kalag nagdumili nga hupayon. Gimandoan nimo ang imong katawhan sama sa usa ka panon sa karnero pinaagi sa kamot ni Moises ug ni Aaron. Naghunahuna ako sa Dios, ug ako nag-agulo; namalandong ako ug ang akong espiritu naluya. Selah
Ug siya miingon, “Pamatia ninyo ang akong mga pulong: Kon adunay usa ka propeta sa taliwala ninyo, ako, ang Ginoo magpakita kaniya sa usa ka panan-awon, ako makigsulti kaniya pinaagi sa usa ka damgo.
Ug kamo akong mga karnero, ang mga karnero sa akong sibsibanan, kamo katawhan, ug ako mao ang inyong Dios, nag-ingon ang Ginoong Dios.”
Nakigsulti ako sa mga propeta; ako ang nagpadaghan sa mga panan-awon, ug pinaagi sa mga propeta naghatag ako ug mga sambingay.
Ang ilang mga kasingkasing ilang gipagahi sama sa bato, kay tingali unya ug makadungog sila sa balaod ug sa mga pulong nga gipadala sa Ginoo sa mga panon pinaagi sa iyang Espiritu pinaagi sa unang mga propeta. Busa ang dakong kaligutgot miabot gikan sa Ginoo sa mga panon.
Niadtong mga adlawa si Hesekias nasakit ug himalatyon na. Si Isaias nga propeta nga anak ni Amos miadto kaniya ug miingon, “Mao kini ang giingon sa Ginoo: Husaya ang imong balay kay ikaw mamatay, dili ikaw maulian.”
“Tan-awa, akong ipadala kaninyo si Elias nga propeta sa dili pa moabot ang dako ug makalilisang nga adlaw sa Ginoo.
Ang Ginoo miingon kang Moises, “Tan-awa, gihimo ko ikaw ingon nga Dios ngadto sa Paraon ug si Aaron nga imong igsoon mahimong propeta nimo.
Human niana, lakaw ngadto sa Gibeat-elohim diin atua didto ang kampo sa kasundalohan sa mga Filistihanon ug unya sa imong pag-abot didto sa siyudad, ikaw makatagbo ug usa ka panon sa propeta nga nanglugsong gikan sa habog nga dapit nga nagdala ug alpa, tambor, plawta ug lira diha kanila nga nagpropesiya.
Apan pasultiha ang duha o tulo ka propeta, ug ipatimbangtimbang sa uban ang gisulti.
Ug nahitabo nga sa panahon sa paghalad sa haponon nga halad, si Elias nga propeta miduol ug miingon, “O Ginoo, ang Dios ni Abraham, ni Isaac ug ni Israel, himoa nga mahibaloan niining adlawa nga ikaw ang Dios dinhi sa Israel ug nga ako imong alagad, ug nga gibuhat nako kining tanang mga butanga tungod sa imong pulong.
Kon adunay maghunahuna nga siya propeta, o espirituhanon, kinahanglan nga moila siya nga kining akong gisulat kaninyo sugo sa Ginoo.
Unya sa pagkakita kaniya sa pundok sa mga propeta nga didto sa Jerico atbang kaniya, sila miingon, “Ang espiritu ni Elias anaa kang Eliseo.” Ug sila nangadto sa pagtagbo kaniya ug miyukbo diha sa yuta sa atubangan niya.
Kamo mga tinukod ibabaw sa patukoranan nga mao ang mga apostoles ug mga propeta, nga niini si Jesu-Cristo mao ang bato nga patukoranan.
Sila mao ang mipatay sa Ginoong Jesus ug sa mga propeta, ug naghingilin kanamo, ug wala magpahimuot sa Dios ug nakigbatok sa tanang tawo
Sila mibangon pagsayo sa pagkabuntag ug miadto sa kamingawan sa Tekoa, ug sa nangadto sila, si Jehosafat mitindog ug miingon, “Pamatia ako, Juda ug mga lumulupyo sa Jerusalem! Tuo kamo sa Ginoo nga inyong Dios aron kamo malig-on; tuohi ang iyang mga propeta ug molampos kamo.”
apan sa mga adlaw sa pagpatingog sa trumpeta sa ikapitong anghel, tumanon na gayod ang misteryo sa Dios, sumala sa iyang gipahibalo ngadto sa iyang mga sulugoon nga mao ang mga propeta.
Sukad sa adlaw nga migula ang inyong mga katigulangan gikan sa yuta sa Ehipto hangtod niining adlawa, ako nagpadayon gayod sa pagpadala ngadto kanila sa tanan nakong mga sulugoon, ang mga propeta, adlaw adlaw.
Kay giula sa mga tawo ang dugo sa mga balaan ug sa mga propeta, ug gihatag nimo kanila ang dugo aron ilang imnon. Mao kini ang angay kanila!”
“Singgit ug kusog, ayaw pugngi, ipatugbaw ang imong tingog sama sa usa ka trumpeta; ipadayag ngadto sa akong katawhan ang ilang kalapasan, ngadto sa balay ni Jacob ang ilang kasal-anan.
Apan siya miingon kanako, “Ayaw kana buhata! Ako usa lamang ka kauban nimo nga sulugoon ug sa imong kaigsoonan nga mga propeta, ug sa mga nagbantay sa mga pulong niining basahona. Maoy simbaha ang Dios.”
“Anak sa tawo, gihimo ko ikaw nga tigbantay alang sa balay sa Israel. Sa dihang makadungog ikaw ug pulong gikan sa akong baba, hatagi sila sa pasidaan gikan kanako.
nga nag-ingon, “Ayaw hilabti ang akong mga dinihogan, ug ayaw buhati ug daotan ang akong mga propeta!”
“O Jerusalem, Jerusalem nga nagpatay sa mga propeta ug nagbato sa mga pinadala nganha kanimo! Sa makadaghan gipangandoy nako ang pagtigom unta sa imong mga anak, sama sa himungaan nga nagtigom sa iyang mga piso ilalom sa iyang mga pako, apan nagdumili kamo!
Ug tungod niini ang Kaalam sa Dios nag-ingon, ‘Padad-an ko sila ug mga propeta ug mga apostoles ug ang uban kanila ilang patyon ug lutoson’
Unya niadtong mga adlawa dihay mga propeta nga milugsong gikan sa Jerusalem ngadto sa Antioquia. Ug ang usa kanila nga ginganlan ug Agabos mitindog ug pinaagi sa Espiritu mitagna nga moabot ang usa ka dakong gutom sa tibuok kalibotan. Kini nahitabo sa panahon ni Claudio.
Samtang nagpabilin kami didto sulod sa pipila ka adlaw, usa ka propeta nga ginganlan ug Agabo miabot gikan sa Judea. Ug sa pagduol niya kanamo, iyang gikuha ang bakos ni Pablo ug gigapos ang iyang kaugalingong mga tiil ug mga kamot, ug miingon, “Mao kini ang giingon sa Espiritu Santo, ‘Sa ingon niini gaposon sa mga Judio sa Jerusalem ang tag-iya niining bakosa ug itugyan siya ngadto sa mga kamot sa mga Gentil.’ ”
Unya si Elias, ang Tisbihanon, sa Tisbe sa Gilead miingon kang Ahab, “Ingon nga buhi ang Ginoo, ang Dios sa Israel, nga sa atubangan ako nagtindog, walay yamog o ulan niining mga tuiga, gawas kon akong ipamulong.”
Ug sa pag-abot niya ngadto sa tawo sa Dios didto sa bungtod, iyang gikuptan ang tiil niini. Ug si Gihasi mipaduol aron sa pagtukmod kaniya palayo apan ang tawo sa Dios miingon, “Pasagdi siya, kay anaa siya sa dakong kagul-anan ug ang Ginoo nagtago niini gikan kanako ug wala magsugilon kanako.”
Apan sila nagpadayon sa pagbugalbugal sa mga sinugo sa Dios ug gitamay ang iyang mga pulong ug nagbugalbugal sa iyang mga propeta hangtod nga ang kapungot sa Ginoo misilaob batok sa iyang katawhan, hangtod nga wala nay mahimo.
Unya ang Ginoo miingon kanako, “Ang mga propeta nagpropesiya ug mga bakak sa akong ngalan. Wala ako magpadala kanila, o magsugo kanila, o magsulti kanila. Nagpropesiya sila kaninyo ug mga bakak nga panan-awon, walay pulos nga pagpanagna ug limbong sa ilang kaugalingong mga hunahuna.
Unya ang pulong sa Ginoo midangat kanako, Tungod kay ilang gilimbongan ang akong katawhan sa ilang pag-ingon, ‘Pakigdait,’ bisan ug walay pakigdait, ug sa diha nga adunay magtukod ug usa ka paril, kining mga propeta mibulit niini ug anapog, sultihi sila nga nagbulit niini ug anapog nga kini matumpag. Adunay magbaha nga ulan, dagkong ulan nga yelo mangahulog, ug ang kusog nga hangin mohuros. Sa diha nga ang paril matumpag na, dili ba nga kini isulti kaninyo, ‘Hain ba ang bulit nga inyong gibulit niini?’ Busa mao kini ang giingon sa Ginoong Dios: Pinaagi sa usa ka kusog nga hangin sa akong kapungot, ug moabot ang magbaha nga ulan sa akong kasuko, ug ang dagkong ulan nga yelo sa akong kapungot sa pagguba niini. Busa gub-on nako ang paril nga inyong gibulitan ug tumpagon nako kini ngadto sa yuta, sa pagkaagi nga ang patukoranan niini madayag. Sa diha nga kini mapukan, kamo mangalaglag taliwala niini, ug kamo makaila nga ako mao ang Ginoo. Ingon niini ang akong pagpupos sa akong kaligutgot diha sa paril, ug kanila nga nagbulit niini ug anapog, ug ako moingon kaninyo, Ang paril wala na, ingon man sila nga nagbulit niini, ang mga propeta sa Israel nga nagpropesiya mahitungod sa Jerusalem ug nga nakakita sa mga panan-awon sa pakigdait alang kaniya, bisan ug walay pakigdait, nag-ingon ang Ginoong Dios. “Ug ikaw, anak sa tawo, ipaatubang ang imong nawong batok sa mga anak nga babaye sa imong katawhan, nga nagpropesiya gikan sa ilang kaugalingon nga kasingkasing, ug pagpropesiya batok kanila ug sulti, Mao kini ang giingon sa Ginoong Dios: Alaot ang mga babaye nga nagtahi sa mga pulseras nga anting-anting ug nagbuhat sa mga pandong alang sa ulo sa mga tawo sa tanang gidak-on aron sa paglit-ag sa mga kinabuhi! Mangayam ba kamo sa kinabuhi sa akong katawhan ug magluwas aron mabuhi ang uban alang sa inyong kaugalingon? Gipasipalahan ninyo ako taliwala sa akong katawhan tungod sa mga hakop sa sebada ug tungod sa mga tipik sa pan, aron sa pagpatay sa mga kinabuhi nga dili angayng mamatay, ug aron sa pagluwas sa mga kinabuhi nga dili angayng mabuhi, pinaagi sa inyong pagbakak sa akong katawhan nga namati sa kabakakan. “Anak sa tawo, pagpropesiya batok sa mga propeta sa Israel nga nagpropesiya, ug sultihi sila nga nagpropesiya gikan sa ilang kaugalingong mga kasingkasing, ‘Pamati kamo sa pulong sa Ginoo!’ “Tungod niana mao kini ang giingon sa Ginoong Dios: Ako batok sa inyong mga pulseras nga anting-anting nga gigamit ninyo sa pagpangayam sa mga kinabuhi, ug langkaton ko kini gikan sa inyong mga bukton, ug akong buhian ang mga kinabuhi, ang mga kinabuhi nga inyong gipangayam sama sa mga langgam. Gision nako ang inyong mga pandong, ug luwason nako ang akong katawhan gikan sa inyong kamot, ug sila dili na mahianha sa inyong kamot ingon nga pinangayaman ug kamo makaila nga ako mao ang Ginoo. Tungod kay pinaagi sa bakak gipasubo ninyo ang kasingkasing sa matarong bisan ug wala ako magpasubo kaniya, ug gidasig ninyo ang daotan aron nga siya dili motalikod gikan sa daotan niyang dalan aron pagluwas sa iyang kinabuhi, busa kamo dili na makakita pag-usab sa mga panan-awon nga bakak o maghimo ug panagna nga bakak. Luwason nako ang akong katawhan gikan sa inyong kamot, ug kamo makaila nga ako mao ang Ginoo.” Mao kini ang giingon sa Ginoong Dios: Alaot ang mga buangbuang nga propeta nga nagsunod sa ilang kaugalingon nga espiritu ug walay nakita!
Busa kini mahimong kagabhion kaninyo, walay panan-awon, ug kini mahimong ngiob kaninyo, walay pagpanagna. Ang adlaw mosalop alang sa mga propeta, ug ang adlaw moitom alang kanila; ang mga tigpanagna biaybiayon, ug ang mga tigpanag-an pakaulawan; silang tanan magtabon sa ilang mga ngabil, kay walay tubag gikan sa Dios. Apan alang kanako, puno ako sa gahom, sa Espiritu sa Ginoo, ug sa hustisya ug kusog, sa pagpahayag kang Jacob sa iyang mga kasaypanan ug sa Israel sa iyang sala.
Pamatia ang pulong sa Ginoo, kamo nga mga pangulo sa Sodoma! Patalinghugi ninyo ang pagtulun-an sa atong Dios, kamo nga katawhan sa Gomorra!
nga nag-ingon sa mga tigpanagna, “Ayaw pagtan-aw”; ug ngadto sa mga propeta, “Ayaw pagpropesiya kanamo sa mga butang nga matarong, pagsulti kanamo ug malumo nga mga butang, pagpropesiya ug mga lamat,
“Anak sa tawo, ikaw nagpuyo taliwala sa usa ka balay nga masupilon, nga adunay mga mata sa pagtan-aw apan dili makakita, adunay mga dalunggan sa pagpamati apan dili makadungog, kay sila usa ka masupilon nga panimalay.
“Apan gipainom ninyo ug bino ang mga Nazareo, ug nagsugo sa mga propeta nga nag-ingon, ‘Ayaw pagpropesiya.’
Apan ang akong mga pulong ug ang akong mga lagda nga akong gisugo sa akong mga alagad nga mga propeta, wala ba kini makaabot sa inyong katigulangan? Busa sila naghinulsol ug miingon, ‘Ingon nga ang Ginoo sa mga panon naghunahuna sa pagbuhat nganhi kanato sumala sa atong mga batasan ug sumala sa atong mga binuhatan, mao kini ang gibuhat niya kanato.’ ”
“Pagbantay kamo sa mga mini nga propeta nga moanha kaninyo nga magsul-ob ug bisti sa karnero apan sa sulod sila mga lobo nga manunukob.
apan karon gipadayag na, ug pinaagi sa mga sinulat sa mga propeta gibutyag na ngadto sa tanang kanasoran, sumala sa mando sa Dios nga dayon, aron sila magmatinumanon diha sa pagtuo,
O Dios, ikaw nasayod sa akong mga kabuang; ang kasaypanan nga akong nabuhat wala matago gikan kanimo.
“Ang nagdawat kaninyo nagdawat kanako ug ang nagdawat kanako nagdawat sa nagpadala kanako. Ang nagdawat sa propeta tungod kay siya usa ka propeta, modawat ug ganti nga alang sa usa ka propeta ug ang nagdawat sa tawong matarong tungod kay siya usa ka tawong matarong, modawat ug ganti nga alang sa usa ka tawong matarong. Ug si bisan kinsa nga mohatag ug bisan usa na lang ka baso nga bugnawng tubig aron ipainom sa usa niining ubos nakong mga tinun-an tungod kay siya usa ka tinun-an, sa pagkatinuod sultihan ko kamo, dili gayod siya kawad-an sa iyang ganti.”
Ug ikaw, anak, tawgon nga propeta sa Labing Halangdon kay ikaw mao man ang mag-una sa Ginoo aron pag-andam sa iyang mga dalan,
Silang tanan nahadlok pag-ayo ug ilang gidayeg ang Dios nga nag-ingon, “Usa ka bantogang propeta ang mitungha sa atong taliwala!” ug, “Ang Dios miduaw sa iyang katawhan!”
Ug siya miingon kanila, “Unsa bang mga butanga?” Ug sila miingon kaniya, “Mahitungod kang Jesus nga Nazaretnon, nga usa ka propeta nga gamhanan sa buhat ug sa pulong sa atubangan sa Dios ug sa tanang mga tawo,
Kaniya ang tanang mga propeta nagpamatuod nga ang tanang motuo kaniya makadawat sa kapasayloan sa mga sala pinaagi sa iyang ngalan.”
Ug diha sa iglesia gipahimutang sa Dios una sa tanan ang mga apostoles, ikaduha ang mga propeta, ikatulo ang mga magtutudlo, unya ang mga tighimo ug mga milagro, unya ang mga gasa sa pag-ayo ug masakiton, pagtabang, pagdumala ug pagsulti ug nagkalainlaing pinulongan.
Si Pablo, usa ka apostol, dili gikan sa mga tawo o pinaagi sa tawo, kondili pinaagi kang Jesu-Cristo ug sa Dios nga Amahan nga nagbanhaw kaniya gikan sa mga patay,
Ug ang iyang mga gasa mao nga ang uban mahimong mga apostoles, ang uban mga propeta, ang uban mga ebanghilista, ang uban mga pastor ug mga magtutudlo,
Ug unsa pay uban nga akong isulti? Kay kulang ang akong panahon sa paghisgot mahitungod kang Gideon, kang Barak, kang Samson, kang Jepta, mahitungod kang David ug kang Samuel ug sa mga propeta, nga tungod sa pagtuo gibuntog nila ang mga gingharian, gipatuman nila ang kaangayan, gidawat nila ang mga saad, gipatak-om nila ang mga baba sa mga liyon, gipalong nila ang bangis nga kalayo, nakaikyas sila sa sulab sa espada, nalig-on gikan sa kahuyang, nangahimo sila nga kusgan diha sa panggubatan, ilang gipatibulaag ang mga kasundalohang langyaw.
Nadungog namo sa among mga dalunggan, O Dios, ang among katigulangan nagsugilon kanamo, unsa nga mga buhat ang imong gihimo sa ilang mga adlaw, niadtong karaang mga adlaw:
Timan-i ang tawong dili masaway, ug tan-awa ang matarong, kay ang sangpotanan nianang tawhana kauswagan.
Isalikway gikan kaninyo ang tanan ninyong kalapasan nga inyong gihimo batok kanako, ug bag-oha ninyo ang inyong kasingkasing ug bag-oha ang inyong espiritu! Kay ngano ba nga mamatay kamo, O balay sa Israel?
“Tan-awa, ako magpadala sa akong sinugo, aron sa pag-andam sa dalan una kanako, ug sa kalit ang Ginoo nga inyong gipangita moabot sa iyang Templo; ang sinugo sa kasabotan nga inyong gikahimut-an, siya moabot na, nag-ingon ang Ginoo sa mga panon.
“Mao kini ang giingon sa Ginoo: Tindog sa hawanan sa balay sa Ginoo, ug isulti ngadto sa tanang mga siyudad sa Juda nga nanganhi aron sa pagsimba sulod sa balay sa Ginoo ang tanang mga pulong nga gisugo nako kanimo nga isulti kanila; ayaw sayloi bisan usa ka pulong. Dihay laing tawo nga nagpropesiya pinaagi sa ngalan sa Ginoo, si Urias nga anak ni Semaias sa Kiriat-jearim. Siya nagpropesiya batok niining siyudara ug batok niining yutaa sa mga pulong nga sama sa mga pulong ni Jeremias. Sa diha nga si Hari Jehoiakim, uban ang iyang mga sundalo ug ang tanang mga pangulo nakadungog sa iyang mga pulong, ang hari nagtinguha sa pagpatay kaniya. Apan sa pagkadungog ni Urias niini, siya nahadlok ug mikagiw ug miikyas ngadto sa Ehipto. Unya si Hari Jehoiakim nagpadala ug mga tawo ngadto sa Ehipto, si Elnatan nga anak ni Akbor ug pipila uban kaniya, ug ilang gikuha si Urias gikan sa Ehipto, ug gidala ngadto kang Hari Jehoiakim, nga mipatay kaniya pinaagi sa espada, ug gitambog ang iyang patay nga lawas ngadto sa lubnganan sa mga tawong timawa. Apan ang kamot ni Ahikam nga anak ni Safan diha uban kang Jeremias, nga tungod niana siya wala itugyan ngadto sa kamot sa mga tawo nga buot mopatay kaniya. Basin ug sila mamati, ug ang matag usa mobiya sa iyang daotan nga pamaagi, aron ako magbakwi sa kadaot nga buhaton nako kanila tungod sa daotan nilang mga buhat.
Duol kamo kanako, pamatia ninyo kini; sukad sa sinugdan wala ako magsulti sa tago, sukad sa panahon nga kini nahimo, diha na ako.” Ug karon ang Ginoong Dios nagpaanhi kanako ug ang iyang Espiritu.
Ang akong katawhan nangalaglag tungod sa kakulang sa kahibalo, tungod kay imong gisalikway ang kahibalo, gisalikway ko ikaw gikan sa pagkapari nganhi kanako. Ug kay imong gikalimtan ang balaod sa imong Dios, kalimtan usab nako ang imong mga anak.
Sa diha nga kini mahitabo, ug kini mahitabo gayod, sila makaila nga adunay usa ka propeta sa ilang taliwala.”
Si Samuel mitubo ug ang Ginoo nag-uban kaniya ug walay nakawang sa tanan niyang gisulti. Niadtong panahona, si Eli, nga ang mga mata nagsugod na sa pagkahalap nga tungod niana dili na siya makakita, naghigda sa iyang lawak. Ug ang tibuok Israel gikan sa Dan ngadto sa Beer-seba nahibalo nga si Samuel napamatud-an nga propeta sa Ginoo.
Wala na namo makita ang among mga ilhanan; wala nay bisan usa ka propeta, ug walay bisan usa kanamo nga nahibalo hangtod kanus-a.
Ug siya miingon, “Sa pagkatinuod sultihan ko kamo, walay propeta nga kahimut-an sa iyang kaugalingong lungsod.
Ang tawo nga makalapas sa Balaod ni Moises patyon sa walay kukaluoy pinasikad sa pagpamatuod sa duha o tulo ka saksi.
ang mga propeta nagpropesiya ug bakak, ug ang mga pari nagmando diha sa ilang kaugalingong kagahom; ang akong katawhan nahigugma nga maingon niana, apan unsay inyong buhaton kon ang kataposan moabot?
“Busa ikaw, anak sa tawo, gibutang ko ikaw ingon nga usa ka tigbantay alang sa balay sa Israel. Sa diha nga makabati ikaw ug pulong gikan sa akong baba, ihatag kanila ang pasidaan gikan kanako.
Ang liyon mingulob na; kinsay dili mahadlok? Ang Ginoong Dios misulti, kinsay makahimo kondili magpropesiya?”
Usa ka tingog nga nagsinggit, “Andama ninyo sa kamingawan ang dalan sa Ginoo, himoang tul-id diha sa kamingawan ang usa ka lapad nga dalan alang sa atong Dios.
sumala sa iyang gisulti pinaagi sa baba sa iyang mga balaang propeta sukad sa karaang panahon,
Ug unsaon man nila pagwali kon dili sila ipadala? Ingon sa nasulat, “Katahom gayod sa mga tiil sa mga nagwali sa Maayong Balita!”
Gipakita na niya kanimo, O tawo, kon unsa ang maayo; unsa ba ang gikinahanglan sa Ginoo kanimo kondili ang pagbuhat sa hustisya ug ang gugmang walay paglubad ug ang paglakaw nga mapaubsanon uban sa imong Dios?
Ang Espiritu sa Ginoong Dios ania kanako, tungod kay gidihogan ako sa Ginoo aron sa pagdala sa maayong balita ngadto sa mga sinakit; ako gipaanhi niya aron sa pagbugkos sa mga nadugmok nga kasingkasing, aron sa pagmantala sa kagawasan sa mga binihag, ug sa pag-abli sa bilanggoan alang sa mga ginapos;
Mamati man sila o dili, kay sila usa man ka panimalay nga masupilon, sila mahibalo nga adunay usa ka propeta sa ilang taliwala.
Ang kalapasan nagsulti ngadto sa daotan sulod sa iyang kasingkasing; walay pagkahadlok sa Dios sa atubangan sa iyang mga mata.
Kinsa ba sa mga propeta ang wala lutosa sa inyong mga katigulangan? Ug ilang gipamatay ang mga nagpropesiya mahitungod sa pag-anhi sa Matarong nga inyo karong gibudhian ug gipatay,
Apan bisan pa kon kami, o usa ba ka anghel nga gikan sa langit, magsangyaw kaninyo ug maayong balita nga supak sa nasangyaw na namo, matinunglo siya.
apan ang pulong sa Ginoo magpadayon hangtod sa kahangtoran.” Kining pulonga mao ang Maayong Balita nga gisangyaw diha kaninyo.
tungod kay walay propesiya nga miabot pinaagi sa kabubut-on sa tawo apan minandoan sa Espiritu Santo, ang mga tawo nagsulti gikan sa Dios.
“Mga igsoon, kinahanglan nga matuman gayod ang kasulatan nga gisulti kaniadto sa Espiritu Santo pinaagi sa baba ni David mahitungod kang Judas nga nahimong tigtultol sa mga nagdakop kang Jesus.
Mao kini ang giingon sa Ginoo mahitungod sa mga propeta nga nagpahisalaag sa akong katawhan, nga nagsinggit, “Pakigdait” sa diha nga aduna silay makaon, apan nagpahayag ug gubat batok kaniya nga walay ikabutang sa ilang mga baba.
Mahitungod sa propeta nga nagpropesiya ug kalinaw, sa diha nga mahitabo ang pulong sa mga propeta, mahibaloan nga ang Ginoo matuod nga nagpadala sa propeta.”
Malipayon siya nga ang tabang mao ang Dios ni Jacob, nga ang paglaom anaa sa Ginoo nga iyang Dios,
Ako maglipay pag-ayo diha sa Ginoo, ang akong kalag magmalipayon diha sa akong Dios; kay ako gibistihan niya sa mga bisti sa kaluwasan, ako gisul-oban niya sa kupo sa pagkamatarong, sama sa pamanhonon nga nagdayandayan sa iyang kaugalingon sa usa ka purongpurong nga bulak, ug sama sa pangasaw-onon nga nagdayandayan sa iyang kaugalingon sa iyang mga alahas.
Apan ang Dios mao ang naglig-on kanamo uban kaninyo diha kang Cristo, ug ang nagdihog kanamo. Siya mao ang nagselyo kanamo ug naghatag sa iyang Espiritu ingon nga pasalig diha sa among mga kasingkasing.
Gimandoan nimo ang imong katawhan sama sa usa ka panon sa karnero pinaagi sa kamot ni Moises ug ni Aaron.
Ug sila nga nagpuyo sa yuta maglipay tungod kanila ug magsadya ug maghatagay ug mga gasa, tungod kay kining duha ka propeta nakahatag man ug kasakit ngadto sa mga nagpuyo sa kalibotan.