Biblia Todo Logo
Mga Bersikulo sa Bibliya
- Mga paanunsiyo -


104 Mga Bersikulo sa Bibliya Bahin sa Paglibak

104 Mga Bersikulo sa Bibliya Bahin sa Paglibak

Higala, ang sulat sa mga Taga-Efeso nagtudlo nato nga dili ta mogamit og mga pulong nga makadaot. Hinuon, ang atong mga pulong kinahanglan nga makapabayaw sa atong isigkatawo, aron mapanalanginan nato sila sa ilang mga panginahanglan. Hinumdumi nga ang imong dila gihimo aron mahimong instrumento sa panalangin. Gusto sa Ginoo nga gamiton kini aron mohatag og mensahe ug molig-on sa uban.

Busa, importante kaayo nga isalikway nato ang tanan nga dili gikan sa Ginoo ug dili makatabang sa pagpalig-on sa atong pagtuo. Pagbantay gyud sa imong mga pulong kay hukman ka base sa imong gisulti. Paningkamuti nga manalangin imbes nga manaway o mochismis, kay ang tsismis dili makapahimuot sa Ginoo.

Himoa nga ang imong dila mahimong instrumento sa pulong sa Ginoo, aron ang Iyang grasya ug kalooy kanunay nimong madawat. Ayaw gamita ang imong dila sa pagsulti og dautan ug ang imong mga ngabil sa pagpamakak. Kay ang tawong dautan maoy hinungdan sa panag-away, samtang ang nagapanalipod sa iyang isigkatawo makaluwas og kinabuhi.


Mga Panultihon 11:13

Siya nga nagsuroysuroy sa pagpanabi nagbutyag sa mga tinago, apan siya nga kasaligan diha sa espiritu nag-amping sa butang nga tinago.

Kapitulo    |  Mga bersiyon Kopyaha
Mga Panultihon 16:28

Ang tawo nga masukihon nagsabwag ug panagbingkil, ug ang usa ka tighunghong nagpabulag sa suod nga managhigala.

Kapitulo    |  Mga bersiyon Kopyaha
Mga Taga-Efeso 4:29

Kinahanglang walay sulting daotan nga manggula gikan sa inyong baba, kondili kanang maayo lamang nga makapalig-on ug angay sa higayon, aron makahatag kini ug kaayohan ngadto sa mga naminaw.

Kapitulo    |  Mga bersiyon Kopyaha
Levitico 19:16

Ayaw pagsuroysuroy aron manglibak taliwala sa imong katawhan, o manghimaraot batok sa dugo sa imong isigkatawo. Ako mao ang Ginoo.

Kapitulo    |  Mga bersiyon Kopyaha
Mga Panultihon 11:9

Pinaagi sa iyang baba ang tawo nga walay dios maglaglag sa iyang isigkatawo, apan pinaagi sa kahibalo ang matarong gipalingkawas.

Kapitulo    |  Mga bersiyon Kopyaha
Mateo 5:11

“Bulahan kamo sa diha nga panamastamasan kamo sa mga tawo, lutoson ug butangbutangan sa tanang matang sa kadaotan tungod kanako.

Kapitulo    |  Mga bersiyon Kopyaha
Mga Panultihon 20:19

Siya nga maglibotlibot sa pagpanglibak nagbutyag sa mga tinagoan; busa ayaw pagpakigkauban niadtong magsulti ug binuang.

Kapitulo    |  Mga bersiyon Kopyaha
Salmo 34:13

Bantayi ang imong dila gikan sa daotan, ug ang imong ngabil gikan sa pagsulti ug limbong.

Kapitulo    |  Mga bersiyon Kopyaha
1 Pedro 2:1

Busa, biniyaan ang tanang pagkadaotan ug ang tanang panglimbong ug pagpakaaron-ingnon ug kasina ug ang tanang pagpangdaot sa dungog,

Kapitulo    |  Mga bersiyon Kopyaha
Salmo 15:2-3

Siya nga naglakaw nga dili masaway ug nagbuhat sa matarong, ug nagsulti sa kamatuoran gikan sa iyang kasingkasing; siya nga wala magbutangbutang pinaagi sa iyang dila, ug wala magbuhat ug daotan ngadto sa iyang higala, wala usab magpasipala batok sa iyang isigkatawo;

Kapitulo    |  Mga bersiyon Kopyaha
Mga Panultihon 26:20

Tungod sa kakulang sa kahoy ang kalayo mapalong; diin gani nga walay tabian, ang panag-away mahunong.

Kapitulo    |  Mga bersiyon Kopyaha
Mga Panultihon 18:8

Ang mga pulong sa usa ka tabian sama sa usa ka lamian nga pagkaon; kini manaog ngadto sa kinasulorang bahin sa lawas.

Kapitulo    |  Mga bersiyon Kopyaha
Salmo 141:3

Butangi ug bantay ang akong baba, O Ginoo, bantayi ang pultahan sa akong mga ngabil!

Kapitulo    |  Mga bersiyon Kopyaha
Tito 3:2

dili magsulti ug daotan mahitungod kang bisan kinsa, magmakigdaiton, magmalumo, ug magpakita sa hingpit nga pagkamatinahuron ngadto sa tanang tawo.

Kapitulo    |  Mga bersiyon Kopyaha
Mateo 12:36

Sultihan ko kamo, nga sa adlaw sa paghukom ang mga tawo maghatag unya ug husay alang sa matag pulong nga walay pulos nga ilang gilitok,

Kapitulo    |  Mga bersiyon Kopyaha
Exodo 23:1

“Ayaw pagsulti ug tinumotumo nga taho. Ayaw pagpakig-abin sa tawong daotan aron mahimong saksi nga bakakon.

Kapitulo    |  Mga bersiyon Kopyaha
Santiago 3:5-6

Busa ang dila usab usa ka gamayng bahin sa lawas, ug nagpasigarbo sa mga dagkong butang. Unsa ka dako sa lasang nga masunog sa usa ka gamayng kalayo! Ug ang dila usa ka kalayo. Sa mga bahin sa atong lawas, ang dila maoy usa ka kalibotan sa pagkadaotan nga naghugaw sa tibuok lawas ug nagduslit sa tibuok kinaiyahan, ug dinuslitan ug kalayo sa imperno.

Kapitulo    |  Mga bersiyon Kopyaha
Santiago 4:11

Mga igsoon, ayaw kamo pagdinaotay batok sa usa ug usa. Siya nga nagdaot sa usa ka igsoon o naghukom sa iyang igsoon, nagdaot sa balaod ug naghukom sa balaod. Apan kon ikaw maghukom sa balaod, dili ikaw tigbuhat sa balaod kondili maghuhukom.

Kapitulo    |  Mga bersiyon Kopyaha
Mga Taga-Efeso 5:4

bisan ang binastos o sulting binuang o sulting law-ay, mga butang nga dili angay; apan mga pasalamat hinuon.

Kapitulo    |  Mga bersiyon Kopyaha
Santiago 1:26

Kon adunay naghunahuna nga siya matinuohon apan wala magpugong sa iyang dila hinuon naglimbong sa iyang kaugalingong kasingkasing, ang iyang tinuohan kawang.

Kapitulo    |  Mga bersiyon Kopyaha
Roma 1:29-30

Sila napuno sa tanang matang sa pagkadili matarong, pagkadaotan, kahakog, kangil-ad. Puno sila sa kasina, pagpatay, pakig-away, pagpangilad, daotang tinguha, pagpanglibak, pagdaot sa dungog; mahitungod sa iyang Anak nga gikan sa kaliwat ni David sumala sa unod madumtanon sila sa Dios, mayubiton, mapahitas-on, tigpanghambog, tigmugna ug daotan, masupilon sa mga ginikanan,

Kapitulo    |  Mga bersiyon Kopyaha
Mga Panultihon 6:16-19

Adunay unom ka butang nga gidumtan sa Ginoo, pito ang dulumtanan niya: mapahitas-ong mga mata, bakakon nga dila, ug mga kamot nga nag-ula ug dugo nga walay sala, kasingkasing nga naglaraw ug daotan, mga tiil nga tulin nga modagan ngadto sa daotan, usa ka bakakon nga saksi nga nagsulti ug mga bakak, ug usa ka tawo nga nagpugas ug kasamok diha sa mga kaigsoonan.

Kapitulo    |  Mga bersiyon Kopyaha
Mga Panultihon 21:23

Siya nga magbantay sa iyang baba ug sa iyang dila mahikay sa iyang kaugaligon gikan sa kasamok.

Kapitulo    |  Mga bersiyon Kopyaha
1 Timoteo 5:13

Gawas pa niana, sila usab nakat-on sa pagkatapolan, sa pagpanumbalay ug dili lamang sa pagkatapolan kondili sa pagpanglibak ug sa pagpanghilabot sa uban, sa pagpanulti sa dili nila angay nga isulti.

Kapitulo    |  Mga bersiyon Kopyaha
Salmo 15:1-3

O Ginoo, kinsa man ang magpabilin sa imong Tolda? Kinsa man ang magpuyo sa imong bungtod nga balaan? Siya nga naglakaw nga dili masaway ug nagbuhat sa matarong, ug nagsulti sa kamatuoran gikan sa iyang kasingkasing; siya nga wala magbutangbutang pinaagi sa iyang dila, ug wala magbuhat ug daotan ngadto sa iyang higala, wala usab magpasipala batok sa iyang isigkatawo;

Kapitulo    |  Mga bersiyon Kopyaha
Exodo 20:16

“Ayaw pagsaksi ug bakak batok sa imong isigkatawo.

Kapitulo    |  Mga bersiyon Kopyaha
Mga Panultihon 10:19

Kon daghan ang mga pulong, dili mawala ang kalapasan, apan siya nga nagpugong sa iyang mga ngabil maalamon.

Kapitulo    |  Mga bersiyon Kopyaha
Salmo 41:6

Ug sa dihang adunay moanhi aron sa pagpakigkita kanako, siya magsulti ug walay pulos nga mga pulong, samtang ang iyang kasingkasing nagtigom ug kadaotan; sa diha nga mopanaw siya, magsulti siya niini.

Kapitulo    |  Mga bersiyon Kopyaha
Mga Panultihon 16:27

Ang tawo nga walay kapuslanan naglaraw ug daotan, ug ang iyang mga pulong sama sa kalayo nga makasunog.

Kapitulo    |  Mga bersiyon Kopyaha
Mga Taga-Colosas 3:8

Apan karon isalikway usab ninyo kining tanan: kasuko, kapungot, pagpangdaot, pagpasipala ug ang law-ay nga sinultian sa inyong baba.

Kapitulo    |  Mga bersiyon Kopyaha
Mateo 18:15

“Kon ang imong igsoon makasala batok kanimo, lakaw, sultihi siya sa iyang sayop tali kanimo ug kaniya lamang. Kon maminaw siya kanimo, nadani nimo siya.

Kapitulo    |  Mga bersiyon Kopyaha
Lucas 6:31

Ug sumala sa inyong buot nga buhaton sa mga tawo nganha kaninyo, buhata kini ngadto kanila.

Kapitulo    |  Mga bersiyon Kopyaha
Mga Panultihon 10:18

Siya nga nagtago sa pagdumot adunay bakakon nga mga ngabil, ug siya nga nagsulti ug usa ka butangbutang usa ka buangbuang.

Kapitulo    |  Mga bersiyon Kopyaha
Roma 2:1

Busa wala ka gayoy ikapasangil, O tawo, si kinsa ka man nga naghukom, kay sa imong paghukom sa uban, naghukom ikaw sa imong kaugalingon, kay ikaw nga naghukom nagbuhat man usab sa samang mga butang.

Kapitulo    |  Mga bersiyon Kopyaha
1 Mga Taga-Tesalonica 4:11

sa pagtinguha sa pagpuyo nga malinawon, sa pagbuhat sa inyong kaugalingong mga buluhaton ug sa pagbudlay ginamit ang inyong mga kamot, sumala sa among pahimangno kaninyo,

Kapitulo    |  Mga bersiyon Kopyaha
Mga Taga-Filipos 4:8

Sa kataposan, mga igsoon, bisan unsang butang nga matuod, bisan unsang butang nga dungganan, bisan unsang butang nga matarong, bisan unsang butang nga putli, bisan unsang butang nga matahom, bisan unsang butang nga maayo ug dungog, kon aduna may labing maayo, kon aduna may pagdayeg, hunahunaa ninyo kining mga butanga.

Kapitulo    |  Mga bersiyon Kopyaha
Mga Panultihon 17:9

Kadtong magpasaylo sa usa ka kalapasan nangita ug gugma, apan kadtong magbalikbalik sa maong butang nagpabulag sa usa ka higala.

Kapitulo    |  Mga bersiyon Kopyaha
Mga Panultihon 26:22

Ang mga pulong sa usa ka tabian sama sa lamian nga pagkaon; manganaog sila ngadto sa kinasulorang bahin sa lawas.

Kapitulo    |  Mga bersiyon Kopyaha
Roma 14:19

Busa tinguhaon nato ang pakigdait ug paglig-on sa usa ug usa.

Kapitulo    |  Mga bersiyon Kopyaha
Mga Panultihon 12:18

Adunay tawo nga ang mga hinanali nga pulong sama sa pagduslak sa usa ka espada, apan ang dila sa maalamon magdala ug kaayohan.

Kapitulo    |  Mga bersiyon Kopyaha
Mga Taga-Efeso 4:31-32

Isalikway ninyo ang tanang kayugot ug kasuko ug kapungot ug mga pagsingka ug pagpasipala lakip ang tanang kadaotan, apan pagmaluluy-on kamo sa usa ug usa, ug lumo ug kasingkasing, mapinasayloon sa usa ug usa, ingon nga kamo gipasaylo sa Dios tungod kang Cristo.

Kapitulo    |  Mga bersiyon Kopyaha
Salmo 101:5

Ang magbutangbutang sa iyang silingan diha sa tago laglagon nako. Ang mapahitas-on nga tinan-awan ug ang mapalabilabihon nga kasingkasing dili nako maantos.

Kapitulo    |  Mga bersiyon Kopyaha
2 Mga Taga-Corinto 12:20

Kay ako nahadlok nga inig-abot nako diha tingali ug makaplagan ko kamo sa kahimtang nga dili nako buot, ug nga makaplagan ako ninyo sa kahimtang nga dili ninyo buot. Tingalig makaplagan ko kamo nga may panaglalis, kasina, kapungot, pag-iya-iya, mga pagdinaotay sa dungog, linibakay, pagpanghambog ug kagubot.

Kapitulo    |  Mga bersiyon Kopyaha
1 Pedro 3:10

Kay “Siya nga buot mahigugma sa kinabuhi ug motan-aw sa maayong mga adlaw, papugngi niya ang iyang dila gikan sa daotan ug ang iyang mga ngabil gikan sa pagsulti ug limbong.

Kapitulo    |  Mga bersiyon Kopyaha
Mga Panultihon 16:24

Ang makalipay nga mga pulong sama sa dugos, tam-is alang sa kalag ug makapalig-on sa mga bukog.

Kapitulo    |  Mga bersiyon Kopyaha
Mga Taga-Colosas 4:6

Himoa kanunay nga madanihon ang inyong pagpamulong, tinimplahan ug asin, aron inyong mahibaloan kon unsaon ninyo pagtubag kang bisan kinsa.

Kapitulo    |  Mga bersiyon Kopyaha
Mga Panultihon 26:28

Ang usa ka bakakon nga dila nagdumot sa nasakitan niini, ug ang usa ka ulog-ulogan nga baba nagbuhat ug kalaglagan.

Kapitulo    |  Mga bersiyon Kopyaha
Mateo 5:9

“Bulahan ang mga naninguha nga adunay pakigdait, kay sila tawgon nga mga anak sa Dios.

Kapitulo    |  Mga bersiyon Kopyaha
1 Juan 4:20

Kon adunay moingon, “Ako nahigugma sa Dios,” apan nagdumot sa iyang igsoon, bakakon siya. Kay siya nga wala mahigugma sa iyang igsoon nga iyang nakita, dili gayod makahimo sa paghigugma sa Dios nga wala niya makita.

Kapitulo    |  Mga bersiyon Kopyaha
Lucas 12:3

Busa bisan unsay inyong gisulti diha sa ngitngit madungog ra unya diha sa hayag; ug ang inyong gihunghong sulod sa mga tinagong lawak, ibutyag ra unya diha sa ibabaw sa mga atop.

Kapitulo    |  Mga bersiyon Kopyaha
Mga Panultihon 25:23

Ang hangin sa amihan magdala ug ulan; ug ang tiglibak nga dila, masuk-anon nga panagway.

Kapitulo    |  Mga bersiyon Kopyaha
Salmo 52:2-4

ikaw naglaraw ug daotan. Ang imong dila sama sa hait nga labaha, ikaw nga nagbuhat nga malimbongon. Gihigugma nimo ang daotan labaw sa maayo, ug ang pagbakak labaw sa pagsulti sa kamatuoran. Selah Gihigugma nimo ang tanang mga pulong nga makadaot, O dila nga malimbongon.

Kapitulo    |  Mga bersiyon Kopyaha
1 Mga Taga-Corinto 13:4-7

Ang gugma mapailobon ug maluluy-on. Ang gugma dili masinahon, dili manghambog. Ang gugma dili tigpasigarbo, dili magbinastos, dili mamugas alang sa iyang kaugalingon, dili masuk-anon o madinumtanon. Ang gugma dili malipay sa daotan, apan malipay kini sa kamatuoran, moantos sa tanang butang, motuo sa tanang butang, molaom sa tanang butang, molahutay sa tanang butang.

Kapitulo    |  Mga bersiyon Kopyaha
Mga Taga-Galacia 5:14-15

Kay ang tibuok nga Balaod natingob diha sa usa ka sugo, “Higugmaa ang imong isigkatawo sama sa imong kaugalingon.” Apan kon kamo magpinahitay ug magtinukbanay sa usa ug usa, pagbantay kamo nga dili kamo mahurot pinaagi sa usa ug usa.

Kapitulo    |  Mga bersiyon Kopyaha
Mga Panultihon 15:1

Ang tubag nga malumo makapahupay sa kasuko, apan ang pulong nga hait makapahagit sa kasuko.

Kapitulo    |  Mga bersiyon Kopyaha
Roma 12:18

Kon mahimo, sumala sa inyong maarangan, pagpuyo nga makidaiton uban sa tanang tawo.

Kapitulo    |  Mga bersiyon Kopyaha
Mga Panultihon 18:21

Ang kamatayon ug ang kinabuhi anaa sa gahom sa dila, ug kadtong mahigugma niini magkaon sa mga bunga niini.

Kapitulo    |  Mga bersiyon Kopyaha
Roma 14:13

Busa dili na kita maghukom sa usa ug usa, apan tinguhaa hinuon ang dili gayod pagbutang ug kapandolan o babag diha sa dalan sa inyong igsoon.

Kapitulo    |  Mga bersiyon Kopyaha
1 Mga Taga-Corinto 4:5

Busa ayaw pagpanghukom sa dili pa ang panahon, hangtod nga moabot ang Ginoo nga mao ang magdala ngadto sa kahayag sa mga butang nga karon natago diha sa kangitngit ug magpadayag sa mga katuyoan sa mga kasingkasing. Unya ang pagdayeg gikan sa Dios maangkon sa matag usa.

Kapitulo    |  Mga bersiyon Kopyaha
Mga Panultihon 14:23

Diha sa tanang paghago adunay bunga, apan ang sulti lamang mohatod ngadto sa kawalad-on.

Kapitulo    |  Mga bersiyon Kopyaha
Mateo 7:1-2

“Ayaw kamo panghukom aron dili kamo hukman. O kon kini mangayo ug isda, hatagan hinuon niya ug bitin? Busa, kon kamo, bisan sa inyong pagkadaotan, mahibalo man ganing mohatag ug mga maayong gasa ngadto sa inyong mga anak, unsa pa kaha ang inyong Amahan nga anaa sa langit nga mohatag ug mga maayong butang ngadto sa mga nangayo kaniya! Busa bisan unsa nga buot ninyo nga buhaton sa mga tawo kaninyo, buhata ngadto kanila, kay mao kini ang Balaod ug ang mga Propeta. “Sulod kamo agi sa sigpit nga ganghaan kay lapad ang ganghaan ug sayon ang dalan nga padulong sa kalaglagan, ug daghan ang nanulod agi niini. Apan sigpit ang ganghaan ug lisod ang dalan nga padulong sa kinabuhi ug diyotay ra ang mga nakatultol niini. “Pagbantay kamo sa mga mini nga propeta nga moanha kaninyo nga magsul-ob ug bisti sa karnero apan sa sulod sila mga lobo nga manunukob. Maila ninyo sila pinaagi sa ilang mga bunga. Pupoon ba ang paras gikan sa kasampinitan o ang mga igos gikan sa kasagbotan? Busa ang matag kahoy nga maayo mobunga ug mga maayong bunga apan ang walay pulos nga kahoy mobunga ug mga daotang bunga. Ang maayong kahoy dili makabunga ug mga daotang bunga ug usab ang kahoyng walay pulos dili makabunga ug mga maayong bunga. Ang matag kahoy nga wala mamunga ug mga maayong bunga putlon ug itambog ngadto sa kalayo. Kay ang hukom nga inyong ipakanaog mao usab ang ihukom kaninyo, ug ang takos nga inyong ihatag mao usab ang takos nga inyong madawat.

Kapitulo    |  Mga bersiyon Kopyaha
Mga Taga-Galacia 5:19-21

Ug dayag kaayo ang mga buhat sa unod nga mao kini: salawayong pakighilawas, kahugaw, kaulag, Karon, ako, si Pablo, magsulti kaninyo nga kon magpatuli gani kamo, si Cristo dili magpulos kaninyo. pagsimba ug mga diosdios, pagsalamangka, pagdinumtanay, panagbingkil, pangabubho, kapungot, kahakog, pagkabahinbahin, pagpundokpundok, kasina, paghuboghubog, mapatuyangong hudyaka ug mga butang nga sama niini. Pasidan-an ko kamo sama sa akong pagpasidaan kaninyo kaniadto, nga ang mga nagbuhat sa maong mga butang dili makapanunod sa gingharian sa Dios.

Kapitulo    |  Mga bersiyon Kopyaha
Mga Panultihon 29:20

Nakakita ba ikaw ug usa ka tawo nga madalidalion sa iyang mga pulong? Aduna pay paglaom alang sa usa ka buangbuang kay kaniya.

Kapitulo    |  Mga bersiyon Kopyaha
1 Mga Taga-Tesalonica 5:11

Busa pagdinasigay kamo ug lig-ona ninyo ang usa ug usa, sama sa inyong gibuhat karon.

Kapitulo    |  Mga bersiyon Kopyaha
Roma 12:10

Paghigugmaay kamo nga mainiton sa usa ug usa ingon nga mga igsoon, pagpalabwanay kamo sa pagtahod sa usa ug usa.

Kapitulo    |  Mga bersiyon Kopyaha
Lucas 6:37

“Ayaw kamo panghukom ug dili kamo hukman. Ayaw pakasad-a ang uban, ug kamo dili pakasad-on. Pagpasaylo kamo ug kamo pasayloon.

Kapitulo    |  Mga bersiyon Kopyaha
Santiago 3:2

Kay kitang tanan mangasayop man sa daghang paagi, ug kon aduna may tawo nga dili masayop sa iyang pagpanulti, hamtong siya nga tawo, makapugong sa tibuok lawas usab.

Kapitulo    |  Mga bersiyon Kopyaha
Mga Panultihon 13:3

Siya nga nagbantay sa iyang baba nag-amping sa iyang kinabuhi; siya nga nagbuka ug dako sa iyang mga ngabil modangat sa kalaglagan.

Kapitulo    |  Mga bersiyon Kopyaha
Mga Taga-Efeso 4:2-3

uban ang tanang pagpaubos ug kaaghop, uban sa pailob, mag-inantosay sa usa ug usa diha sa gugma, Apan si Cristo wala ninyo makat-oni sa ingon niana, kon tinuod man nga kamo nakadungog mahitungod kaniya ug gitudloan diha kaniya, ingon nga ang kamatuoran anaa kang Jesus. Gitudloan kamo sa paghukas sa inyong daang pagkatawo nga iya pa sa inyong karaang pamatasan nga nadunot tungod sa mga malimbongong kaibog, sa pagbag-o diha sa espiritu sa inyong mga salabotan, ug sa pagsul-ob sa bag-ong pagkatawo nga gibuhat sumala sa dagway sa Dios diha sa matuod nga pagmakatarong ug pagkabalaan. Tungod niini, sa mahukas na ninyo ang bakak, ang matag usa kaninyo kinahanglang magsulti sa kamatuoran ngadto sa iyang isigkatawo, kay kita mga bahin man sa usa ug usa. Kasuko kamo apan ayaw pagpakasala tungod niini, ayaw pasalopi sa adlaw ang inyong kasuko, ug ayaw ninyo hatagi ug higayon ang yawa. Ang kawatan kinahanglang dili na mangawat, kondili maghago hinuon, magbuhat sa mga maayong butang pinaagi sa iyang mga kamot aron may ikahatag siya ngadto sa mga nagkinahanglan. Kinahanglang walay sulting daotan nga manggula gikan sa inyong baba, kondili kanang maayo lamang nga makapalig-on ug angay sa higayon, aron makahatag kini ug kaayohan ngadto sa mga naminaw. matinguhaon sa pagpatunhay sa espirituhanong panaghiusa pinaagi sa bugkos sa panagdait.

Kapitulo    |  Mga bersiyon Kopyaha
Salmo 50:20

Naglingkod ikaw ug nagsulti batok sa imong igsoon; nagbutangbutang ikaw batok sa anak nga lalaki sa imong inahan.

Kapitulo    |  Mga bersiyon Kopyaha
Roma 13:10

Ang gugma dili maghimo ug daotan ngadto sa isigkatawo, busa ang gugma mao ang katumanan sa Balaod.

Kapitulo    |  Mga bersiyon Kopyaha
Mga Panultihon 26:18-19

Sama sa usa ka buang nga tawo nga naglabay ug mga agipo, mga udyong ug kamatayon, ang tawo nga naglimbong sa iyang silingan ug miingon, “Nagtiaw lamang ako!”

Kapitulo    |  Mga bersiyon Kopyaha
Mga Panultihon 27:2

Padayega ang laing tawo kanimo ug dili ang imong kaugalingong baba; usa ka langyaw, ug dili ang imong kaugalingong mga ngabil.

Kapitulo    |  Mga bersiyon Kopyaha
Mga Panultihon 18:13

Kon ang usa ka tawo motubag sa wala pa siya makadungog, kini iyang kabuang ug kaulawan.

Kapitulo    |  Mga bersiyon Kopyaha
Santiago 5:9

Mga igsoon, ayaw kamo pagbagulbol sa usa ug usa aron dili kamo hukman sa silot. Tan-awa, ang Maghuhukom nagtindog sa mga ganghaan.

Kapitulo    |  Mga bersiyon Kopyaha
Mga Panultihon 15:28

Ang kasingkasing sa matarong naghunahuna kon unsay angay nga itubag, apan ang baba sa daotan nagbubo sa mga daotang butang.

Kapitulo    |  Mga bersiyon Kopyaha
Mateo 12:34

Kamong mga kaliwat sa bitin! Unsaon man ninyo pagsultig maayo nga mga daotan man kamo? Kay gikan sa kapuno sa kasingkasing mosulti ang baba.

Kapitulo    |  Mga bersiyon Kopyaha
Mga Panultihon 12:22

Ang bakakon nga mga ngabil dulumtanan alang sa Ginoo, apan kadtong nagbuhat nga matinumanon maoy iyang kalipay.

Kapitulo    |  Mga bersiyon Kopyaha
Mga Taga-Filipos 2:14-15

Buhata ninyo ang tanang butang sa walay pagbagulbol o pagpakiglalais, aron mahimo kamong putli ug dili masaway, mga anak sa Dios nga walay buling taliwala sa usa ka hiwi ug sukihan nga kaliwatan, nga sa taliwala nila kamo magsidlak ingon nga mga kahayag dinhi sa kalibotan,

Kapitulo    |  Mga bersiyon Kopyaha
Roma 15:2

Ang matag usa kanato kinahanglang magpahimuot sa atong isigkatawo alang sa iyang kaayohan aron siya malig-on.

Kapitulo    |  Mga bersiyon Kopyaha
2 Timoteo 2:16

Paglikay sa mga sultisulting dili diosnon kay kini maghatod sa mga tawo ngadto sa labaw pa ka dili diosnon,

Kapitulo    |  Mga bersiyon Kopyaha
Mga Panultihon 4:24

Isalikway gikan kanimo ang daotan nga pagpanulti, ug ipahilayo gikan kanimo ang sukwahi nga pagsulti.

Kapitulo    |  Mga bersiyon Kopyaha
1 Pedro 4:15

Hinuon ayaw tugoti nga aduna kaninyoy mag-antos ingon nga mamumuno o kawatan o tigbuhat ug daotan o mahilabtanon sa ubang mga tawo,

Kapitulo    |  Mga bersiyon Kopyaha
Salmo 19:14

Itugot nga ang mga pulong sa akong baba ug ang pagpamalandong sa akong kasingkasing, mahimong kahimut-an diha sa imong panan-aw, O Ginoo, akong bato ug akong manunubos.

Kapitulo    |  Mga bersiyon Kopyaha
1 Juan 3:18

Mga anak, kinahanglan nga maghigugma kita dili lamang pinaagi sa pulong o sa sulti, kondili pinaagi sa buhat ug sa kamatuoran.

Kapitulo    |  Mga bersiyon Kopyaha
Roma 15:7

Busa pagdinawatay kamo sa usa ug usa ingon nga si Cristo midawat kaninyo, alang sa himaya sa Dios.

Kapitulo    |  Mga bersiyon Kopyaha
Mateo 5:22

Apan sultihan ko kamo nga si bisan kinsa nga masuko batok sa iyang igsoon, mahiagom sa hukom, ug si bisan kinsa nga moingon, ‘Kuwanggol ka!’ manubag ngadto sa Sanhedrin, ug si bisan kinsa nga moingon, ‘Buang ka!’ mahiagom sa kalayo sa imperno.

Kapitulo    |  Mga bersiyon Kopyaha
Salmo 64:2-3

Tagoa ako gikan sa tinago nga laraw sa mga daotan, gikan sa kagubot sa mga tigbuhat ug daotan, nga nagbaid sa ilang dila sama sa mga espada, nga nagtion sa ilang mga pait nga pulong sama sa mga udyong,

Kapitulo    |  Mga bersiyon Kopyaha
Lucas 6:45

Ang maayong tawo gikan sa maayong bahandi sa iyang kasingkasing magpagula ug maayo, apan ang daotang tawo gikan sa iyang daotang bahandi magpagula ug daotan. Kay gikan sa kapuno sa kasingkasing mosulti ang iyang baba.

Kapitulo    |  Mga bersiyon Kopyaha
Mga Panultihon 24:28

Ayaw pagsaksi batok sa imong silingan sa walay hinungdan, ug ayaw paglimbong pinaagi sa imong mga ngabil.

Kapitulo    |  Mga bersiyon Kopyaha
Mga Taga-Colosas 3:9

Ayaw na kamo pamakak sa usa ug usa, ingon nga nahukasan na kamo sa inyong daan nga kinaiya uban sa mga batasan niini

Kapitulo    |  Mga bersiyon Kopyaha
Mga Taga-Efeso 5:1-2

Busa sundog kamo sa Dios, ingon nga mga pinalanggang anak. magpakita kon unsay kahimut-an sa Ginoo. Ug ayaw kamo pag-ambit sa mga dili mabungahong buhat sa kangitngit, hinuon kinahanglang ibutyag ninyo kini. Kay makauulaw man gani bisan ang paghisgot sa mga butang nga gibuhat nila sa tago; apan ang tanang butang nga nabutyag pinaagi sa kahayag nadayag kay ang tanang nadayag kahayag. Busa kini giingon: “Pagmata, ikaw nga natulog, ug bangon gikan sa mga patay, ug dan-agan ikaw ni Cristo.” Busa, pagbantay kamo pag-ayo sa inyong pagkinabuhi, dili ingon nga mga walay kaalam kondili ingon nga mga maalamon, magpahimulos sa panahon kay ang mga adlaw karon daotan man. Busa ayaw kamo pagpakabuang, kondili sabta hinuon ninyo kon unsa ang kabubut-on sa Ginoo. Ug ayaw kamo paghubog sa bino, kay kana maoy pagpatuyang; hinuon magpapuno kamo sa Espiritu. Pagsinultihay kamo ginamit ang mga salmo ug mga alawiton ug mga awit nga espirituhanon, mag-awit ug magtugtog nga magdayeg sa Ginoo uban sa bug-os ninyong kasingkasing. Ug pagkinabuhi kamo diha sa gugma ingon nga si Cristo nahigugma kanato ug alang kanato, mitugyan sa iyang kaugalingon ingon nga humot nga halad ug halad nga inihaw ngadto sa Dios.

Kapitulo    |  Mga bersiyon Kopyaha
Mga Panultihon 14:5

Ang kasaligan nga saksi dili mamakak, apan ang bakakon nga saksi magsulti ug mga bakak.

Kapitulo    |  Mga bersiyon Kopyaha
Mga Panultihon 26:18-20

Sama sa usa ka buang nga tawo nga naglabay ug mga agipo, mga udyong ug kamatayon, ang tawo nga naglimbong sa iyang silingan ug miingon, “Nagtiaw lamang ako!” Sama sa goryon sa iyang paghaguros, sama sa langgam nga sayaw sa iyang paglupad, ang pagtunglo nga walay hinungdan dili modangat. Tungod sa kakulang sa kahoy ang kalayo mapalong; diin gani nga walay tabian, ang panag-away mahunong.

Kapitulo    |  Mga bersiyon Kopyaha
Juan 13:34-35

Usa ka bag-ong sugo ang akong ihatag kaninyo, nga kamo maghigugmaay sa usa ug usa sama nga gihigugma ko kamo aron maghigugmaay usab kamo sa usa ug usa. Tungod niini ang tanang tawo mahibalo nga kamo akong mga tinun-an kon kamo maghigugmaay sa usa ug usa.”

Kapitulo    |  Mga bersiyon Kopyaha
Roma 12:3

Kay ako nagsulti pinaagi sa grasya nga gihatag kanako ngadto sa matag usa kaninyo sa dili paghunahuna ug labaw sa angay ninyo nga hunahunaon mahitungod sa inyong kaugalingon, kondili sa paghunahuna uban sa kaligdong sibo sa gidak-on sa pagtuo nga gihatag sa Dios sa matag usa.

Kapitulo    |  Mga bersiyon Kopyaha
Santiago 2:12-13

Kinahanglan nga magsulti ug magbuhat kamo ingon nga mga tawo nga hukman ubos sa balaod sa kagawasan. Kay ang hukom walay kaluoy alang sa tawo nga wala magpakita ug kaluoy, apan ang kaluoy modaog batok sa hukom.

Kapitulo    |  Mga bersiyon Kopyaha
Mga Panultihon 19:5

Ang usa ka bakakon nga saksi dili mahimo nga dili silotan, ug siya nga magsulti ug mga bakak dili makaikyas.

Kapitulo    |  Mga bersiyon Kopyaha
Roma 12:16

Pagsinabtanay kamo sa usa ug usa; ayaw pagmapahitas-on, hinuon pakig-uban sa mga ubos ug kahimtang; ayaw pagpakamaalamon diha sa inyong kaugalingon.

Kapitulo    |  Mga bersiyon Kopyaha
1 Timoteo 6:4

kini siya nagpagarbo sa iyang kaugalingon, wala siyay nahibaloan kondili nagkabuang sa mga pagpakiglantugi ug pagpakiglalis nga mosangpot sa kasina, pagbahinbahin, pagsulti ug pagdaot sa uban, daotan nga mga katahap,

Kapitulo    |  Mga bersiyon Kopyaha
Mga Panultihon 25:18

Ang usa ka tawo nga nagsaksi ug bakak batok sa iyang isigkatawo sama sa usa ka puspos o espada o sa talinis nga udyong.

Kapitulo    |  Mga bersiyon Kopyaha
Mga Taga-Galacia 6:1

Mga igsoon, kon ang usa ka tawo maligas ngadto sa kalapasan, kamong mga espirituhanon kinahanglan nga mopahiuli kaniya uban sa espiritu sa kalumo. Pagmatngon sa imong kaugalingon, basin ug matintal ka usab.

Kapitulo    |  Mga bersiyon Kopyaha

Pag-ampo sa Diyos

Gamhanan ug angayan sa tanang pagdayeg ikaw akong Dios, karon gidayeg ko ikaw tungod sa imong walay kinutuban nga kaluoy ug dako nga kaayo. Wala’y adlaw nga wala nimo gipakita ang imong pagkamatinud-anon sa akong kinabuhi. Kanunay ka uban kanako ug nakaila ka kanako pag-ayo. Nahibal-an mo ang akong pagmata ug ang akong paghigda. Busa karong orasa, nangamuyo ko nga susihon mo ang akong kasingkasing, ug kon makakita ka ug bisan gamay nga pagkadautan diha kanako, pasayloa ako. Hugasi ako gikan sa akong kadautan ug limpyohi ako gikan sa akong kasal-anan. Dili ko gusto nga adunay bisan unsang malaw-ay nga pulong nga mogawas gikan sa akong baba; gusto ko nga mosulti sa imong kamatuoran. Busa, gipangayo ko nga luwason mo ako gikan sa tanang limbong. Dili ko gusto nga mahimong walay pagbati sa akong isigkatawo. Tabangi ako nga ampingan ang dungog sa akong igsoon ug dili moapil sa tabi-tabi kay nasayod ko nga dili ka malipay niini. Ibutang ang nagdilaab nga uling sa akong baba ug kuhaa ang tanang kahugaw, kay gusto ko nga mahimong sudlanan nga dungganan sa imong mga kamot, ug sa matag higayon nga mobuka ang akong baba, unta kini aron sa pagpanalangin sa mga kinabuhi. Salamat sa tanan akong gihigugmang Hesus. Sa ngalan ni Hesus, Amen.
Sunda kami:

Mga paanunsiyo


Mga paanunsiyo