141 Mga Bersikulo bahin sa Anak sa Tawo

Ug si Jesus miingon kaniya, “Ang mga milo adunay kalubloban ug ang mga langgam sa kalangitan adunay kabatogan apan ang Anak sa Tawo walay dapit nga kapahulayan sa iyang ulo.”

Apan aron kamo masayod nga ang Anak sa Tawo may kagahom dinhi sa yuta sa pagpasaylo ug mga sala,” niini miingon siya sa paralitiko, “Bangon, dad-a ang imong gihigdaan ug pauli.”

Sa diha nga lutoson kamo nila didto sa usa ka lungsod, pangagiw kamo ngadto sa sunod kay sa pagkatinuod sultihan ko kamo nga sa dili pa gani ninyo mahurot paglibot ang tanang kalungsoran sa Israel, ang Anak sa Tawo moabot na.

Ang Anak sa Tawo mianhi nga nagkaon ug nag-inom, apan sila nag-ingon, ‘Tan-awa, usa ka tawong dakog kaon, palainom ug higala sa mga tigpaningil ug buhis ug sa mga makasasala!’ Apan ang kaalam giila nga matarong pinaagi sa mga buhat niini.”

Kay ang Anak sa Tawo agalon bisan pa sa adlaw nga igpapahulay.”

Kay sama nga si Jonas didto sa tiyan sa dakong isda sulod sa tulo ka adlaw ug tulo ka gabii, ang Anak sa Tawo usab adto sa kahiladman sa yuta sulod sa tulo ka adlaw ug tulo ka gabii.

Ug kanila mitubag siya nga nag-ingon, “Ang nagsabod sa maayong binhi mao ang Anak sa Tawo,

Sa pag-abot ni Jesus sa kayutaan sa Cesarea Filipo, gipangutana niya ang iyang mga tinun-an nga nag-ingon, “Sumala sa sulti sa mga tawo, kinsa man ang Anak sa Tawo?”

Kay ang Anak sa Tawo moanhi uban sa iyang mga anghel, diha sa himaya sa iyang Amahan, ug unya gantihan niya ang matag usa sumala sa iyang mga binuhatan.

Apan sultihan ko kamo nga si Elias mianhi na ug wala sila makaila kaniya, hinuon ilang gibuhat ngadto kaniya ang bisan unsa nga ilang gikahimut-an. Ug sa ingon usab, ang Anak sa Tawo mag-antos unya diha sa ilang mga kamot.”

Ug samtang nagkatigom sila sa Galilea, si Jesus miingon kanila, “Ang Anak sa Tawo itugyan ngadto sa mga kamot sa mga tawo

Si Jesus miingon kanila, “Sa pagkatinuod, sultihan ko kamo nga sa bag-ong kalibotan, sa diha nga ang Anak sa Tawo molingkod na sa iyang mahimayaong trono, kamo nga nagsunod kanako molingkod usab sa napulo ug duha ka trono ug inyong hukman ang napulo ug duha ka banay sa Israel.

“Tan-awa, nagtungas kita padulong sa Jerusalem ug ang Anak sa Tawo itugyan ngadto sa mga pangulong pari ug sa mga eskriba, ug hukman nila siya sa kamatayon

Kay sama nga ang kilat mokilab gikan sa sidlakan ug makita hangtod sa kasadpan, mao usab unya niana ang pag-abot sa Anak sa Tawo.

Unya magpakita diha sa langit ang ilhanan sa Anak sa Tawo ug unya ang tanang kabanayan sa yuta magminatay ug ilang makita ang Anak sa Tawo nga moabot nga sinapwang sa mga panganod sa langit uban sa gahom ug dakong himaya.

Sama sa mga adlaw ni Noe kaniadto, mao usab unya ang pag-abot sa Anak sa Tawo.

Busa kamo usab kinahanglang mangandam kay ang Anak sa Tawo moabot sa takna nga wala ninyo dahoma.

“Inig-abot unya sa Anak sa Tawo uban sa iyang himaya ug sa tanang mga anghel kuyog kaniya, siya molingkod diha sa iyang mahimayaong trono.

“Kamo nahibalo nga human sa duha ka adlaw mao na ang Kasaulogan sa Pagsaylo ug ang Anak sa Tawo itugyan na aron ilansang sa krus.”

Mahitabo gayod sa Anak sa Tawo ang unsay nasulat mahitungod kaniya, apan alaot kadtong tawhana nga magbudhi sa Anak sa Tawo! Maayo pa lang unta alang niadtong tawo nga wala siya matawo.”

Apan aron mahibalo kamo nga ang Anak sa Tawo may kagahom ibabaw sa yuta sa pagpasaylo ug mga sala,” siya miingon sa paralitiko,

Busa ang Anak sa Tawo agalon bisan sa adlaw nga igpapahulay.”

Unya misugod siya sa pagtudlo nga ang Anak sa Tawo kinahanglang mag-antos sa daghang mga butang ug isalikway siya sa mga pangulo ug sa mga pangulong pari ug sa mga eskriba ug patyon siya ug tapos sa tulo ka adlaw mabanhaw siya.

Samtang nanglugsong sila sa bukid, gipahimangnoan niya sila sa dili pagsugilon kang bisan kinsa mahitungod sa ilang nakita, hangtod nga ang Anak sa Tawo mabanhaw na gikan sa mga patay.

Ug siya miingon kanila, “Tinuod nga si Elias mouna sa pag-anhi aron sa pagpahiuli sa tanang mga butang, ug dili ba nasulat man mahitungod sa Anak sa Tawo nga mag-antos siya sa daghang mga butang ug tamayon?

kay nagtudlo man siya sa iyang mga tinun-an ug nag-ingon siya kanila, “Ang Anak sa Tawo itugyan ngadto sa mga kamot sa mga tawo, ug patyon nila siya ug sa mapatay na siya, mabanhaw siya human sa tulo ka adlaw.”

Siya miingon, “Tan-awa, nagtungas kita karon padulong sa Jerusalem ug ang Anak sa Tawo itugyan ngadto sa mga pangulong pari ug sa mga eskriba, ug siya hukman nila sa kamatayon ug itugyan ngadto sa mga Gentil,

Kay ang Anak sa Tawo wala moanhi aron alagaran kondili aron sa pag-alagad ug sa paghatag sa iyang kinabuhi ingon nga lukat alang sa daghan.”

Makita unya ang Anak sa Tawo nga magsingabot nga sinapwang sa mga panganod uban sa dakong gahom ug himaya.

Kay ang Anak sa Tawo mobiya sumala sa nasulat mahitungod kaniya apan alaot gayod ang tawo nga maoy magbudhi sa Anak sa Tawo! Maayo pa lang unta hinuon alang sa maong tawo nga wala siya matawo.”

Apan aron kamo mahibalo nga ang Anak sa Tawo may kagahom dinhi sa yuta sa pagpasaylo sa mga sala,” siya miingon ngadto sa tawo nga paralitiko, “Ako moingon kanimo, bangon, dad-a ang imong gihigdaan ug pauli.”

Ug siya miingon kanila, “Ang Anak sa Tawo agalon sa adlaw nga igpapahulay.”

Ang Anak sa Tawo mianhi nga nagkaon ug nag-inom, ug kamo miingon, ‘Tan-awa, usa ka tawong palakaon ug palahubog, higala sa mga tigpaningil ug buhis ug sa mga makasasala!’

Ug siya miingon, “Ang Anak sa Tawo kinahanglang mag-antos sa daghang mga butang, ug isalikway siya sa mga kadagkoan ug sa mga pangulong pari ug sa mga eskriba, ug patyon, ug sa ikatulo nga adlaw mabanhaw siya.”

“Ipatidlom kining mga pulonga diha sa inyong mga dalunggan, kay ang Anak sa Tawo itugyan ngadto sa mga kamot sa mga tawo.”

Kay ingon nga si Jonas nahimong ilhanan ngadto sa mga tawo sa Ninibe, mao man usab ang Anak sa Tawo ngadto niining kaliwatana.

“Ug sultihan ko kamo, ang tanang moila kanako sa atubangan sa mga tawo ilhon usab sa Anak sa Tawo sa atubangan sa mga anghel sa Dios.

Ug ang matag usa nga magsulti ug pulong batok sa Anak sa Tawo pasayloon, apan ang magpasipala batok sa Espiritu Santo, dili gayod pasayloon.

Siya miingon sa iyang mga tinun-an, “Ang mga adlaw moabot nga kamo mangandoy sa pagtan-aw sa usa sa mga adlaw sa Anak sa Tawo, apan dili kamo makakita niini.

Sultihan ko kamo, nga sa madali iyang hatagan sila ug hustisya. Apan sa pag-abot sa Anak sa Tawo, makakita ba kaha siya ug pagtuo dinhi sa kalibotan?”

Kay ang Anak sa Tawo mianhi sa pagpangita ug pagluwas sa nawala.”

Ug unya ilang makita ang Anak sa Tawo nga moabot diha sa panganod uban sa gahom ug dakong himaya.

Apan si Jesus miingon kaniya, “Judas, inubanan ba diay ug halok ang imong pagbudhi sa Anak sa Tawo?”

Ug siya miingon kaniya, “Sa pagkatinuod gayod, sultihan ko kamo nga makita ra unya ninyo ang langit nga maabli ug ang mga anghel sa Dios nga magsaka ug magkanaog ibabaw sa Anak sa Tawo.”

Walay nakasaka ngadto sa langit gawas kaniya nga nanaog gikan sa langit, nga mao ang Anak sa Tawo

Ug sama nga ang bitin giisa ni Moises didto sa kamingawan, kinahanglan usab nga iisa ang Anak sa Tawo,

ug gihatag kaniya ang kagahom sa paghukom tungod kay siya Anak man sa Tawo.

Ayaw kamo paghago alang sa pagkaon nga mahanaw ra kondili alang sa pagkaon nga molungtad ngadto sa kinabuhing dayon nga ihatag kaninyo sa Anak sa Tawo kay diha kaniya ang Dios nga Amahan nagpatik sa iyang timaan.”

Busa si Jesus miingon kanila, “Sa pagkatinuod gayod, sultihan ko kamo, gawas kon mangaon kamo sa unod sa Anak sa Tawo ug manginom sa iyang dugo, wala kamoy kinabuhi diha kaninyo.

Maunsa man kaha diay kon inyo nang makita ang Anak sa Tawo nga mokayab ngadto sa dapit diin didto siya kaniadto?

Busa si Jesus miingon, “Sa diha nga maisa na ninyo ang Anak sa Tawo, inyong mahibaloan nga ako mao siya ug nga wala akoy gibuhat sa kaugalingon nakong pagbuot, apan unsay gitudlo kanako sa amahan, nagsulti ako niini.

Ug si Jesus mitubag kanila, “Ang takna miabot na nga himayaon na ang Anak sa Tawo.

Ug ang panon sa katawhan mitubag kaniya, “Nakadungog kami gikan sa Balaod nga ang Cristo magpabilin hangtod sa kahangtoran. Busa unsaon man nimo sa pag-ingon nga kinahanglang iisa ang Anak sa Tawo? Kinsa man kining Anak sa Tawo?”

Unya sa nakagula na si Judas, si Jesus miingon, “Karon gipasidunggan na ang Anak sa Tawo ug diha kaniya gipasidunggan ang Dios.

Ug siya miingon, “Tan-awa, nakita nako ang mga langit nga naabli ug ang Anak sa Tawo nga nagtindog sa tuo sa Dios.”

Apan si Saulo misamot pa gayod ka mainiton ug nakapahilom sa mga Judio nga nagpuyo sa Damasco pinaagi sa iyang pagpamatuod nga si Jesus mao ang Cristo.

Ug siya misugo kanamo sa pagwali ngadto sa mga tawo ug sa pagpamatuod nga siya mao ang gitudlo sa Dios aron mahimong maghuhukom sa mga buhi ug sa mga patay.

kay siya nagtakda ug adlaw kon kanus-a niya hukman ang kalibotan diha sa pagkamatarong pinaagi sa usa ka tawo nga iyang gitudlo, ug niini naghatag siya ug pasalig ngadto sa tanang mga tawo pinaagi sa pagbanhaw kaniya gikan sa mga patay.”

Apan ang gasa nga walay bayad dili sama sa kalapasan. Kay kon daghan ang nangamatay tungod sa sala sa usa ka tawo, labaw pa nga midagaya ngadto sa daghan ang grasya sa Dios ug ang gasa diha sa maong grasya niadtong usa ka tawo nga si Jesu-Cristo.

Kon tungod sa paglapas sa usa ka tawo naghari ang kamatayon tungod sa maong tawo, labaw pang maghari diha sa kinabuhi kadtong makadawat sa madagayaong grasya ug sa gasa sa katarong pinaagi kang Jesu-Cristo.

Kay ang wala mahimo sa Balaod nga nahuyang tungod sa unod gihimo sa Dios pinaagi sa pagpadala niya sa kaugalingon niyang Anak diha sa dagway sa makasasala nga tawo ug mahitungod sa sala, gisilotan niya ang sala diha sa unod,

Kay sila nga mga nailhan niyang daan gitakda usab niyang daan nga mahisama sila sa dagway sa iyang Anak, aron siya mahimong panganay sa daghang mga magsoon.

Ang unang tawo gikan sa yuta, hinimo gikan sa abog; ang ikaduhang tawo gikan sa langit.

Apan sa pag-abot na sa tukma nga panahon, ang Dios mipadala sa iyang Anak nga natawo pinaagi sa usa ka babaye, natawo ilalom sa Balaod,

apan gihaw-asan niya ang iyang kaugalingon diha sa kinaiya sa usa ka ulipon, diha sa iyang pagkasama sa mga tawo. Ug sa nakita diha sa tawhanon nga dagway,

karon iya nang napasig-uli ngadto kaniya diha sa iyang lawas nga unodnon pinaagi sa iyang kamatayon, aron iya kamong ikapaatubang nga balaan ug putli ug walay ikasaway diha sa iyang atubangan,

Sa dihang ipadayag na unya si Cristo nga mao ang inyong kinabuhi, kamo usab ipadayag uban kaniya sa himaya.

Sa usa ka dapit dihay nagpamatuod nga nag-ingon, “Unsa ba ang tawo nga ikaw nagtagad man kaniya, o ang anak sa tawo nga ikaw nag-atiman man kaniya?

Busa ingon nga ang mga anak nakaambit man sa unod ug dugo, siya gayod usab miambit niini, aron pinaagi sa kamatayon malaglag niya ang may gahom sa kamatayon, nga sa ato pa, ang yawa,

Kay ang atong labawng pangulong pari dili usa ka pari nga dili mobati ug kaluoy kanato sa atong mga kaluyahon, hinuon sa tanang paagi siya gitintal sama kanato, apan wala gayod makasala.

Bisan tuod ug siya Anak, siya nakakat-on sa pagkamasinugtanon pinaagi sa mga butang nga iyang giantos.

Kay angay alang kanato ang maong labawng pangulong pari, balaan, walay sala, walay lama, linain gikan sa mga makasasala, tinuboy ngadto sa kahitas-an labaw pa sa kalangitan.

Apan sa nakahimo na si Cristo sa usa ra ka paghalad tungod sa sala alang sa tanang kapanahonan, siya milingkod sa tuo sa Dios,

pinaagi sa bag-o ug buhi nga agianan nga iyang gibuksan alang kanato lahos sa tabil, nga sa ato pa, pinaagi sa iyang lawas,

Busa ngadto sa usa ug usa pagsinugiray kamo sa inyong mga sala ug pag-ampo kamo alang sa usa ug usa, aron kamo mangaayo. Ang pag-ampo sa tawong matarong dako ug kahimoan.

Kay sama sa mga karnero, kamo kaniadto nangasaag, apan karon kamo nahibalik na sa Tig-atiman ug Tigpanalipod sa inyong mga kalag.

Kay si Cristo usab namatay sa makausa tungod sa mga sala, ang matarong alang sa mga dili matarong, aron kamo iyang madala ngadto sa Dios, ingon nga gipatay siya diha sa lawas apan gibuhi diha sa espiritu.

Kamo nasayod nga siya gipadayag aron sa pagkuha sa mga kasal-anan, ug diha kaniya walay sala.

Ang nagbuhat ug pagpakasala, iya sa yawa kay ang yawa nagpakasala man sukad pa sa sinugdan. Ang hinungdan nganong gipadayag ang anak sa Dios mao ang paglaglag sa mga binuhatan sa yawa.

Ang gugma sa Dios gipadayag dinhi kanato pinaagi niini, nga gipadala sa Dios ang iyang bugtong Anak nganhi sa kalibotan aron kita mabuhi pinaagi kaniya.

Ug kita nasayod nga ang Anak sa Dios mianhi ug mihatag kanato ug salabotan aron kita makaila kaniya nga mao ang matuod ug kita anaa kaniya nga mao ang matuod, diha sa iyang Anak nga si Jesu-Cristo. Kini mao ang matuod nga Dios ug kinabuhi nga dayon.

ug sa taliwala sa mga lamparahan nakita nako ang daw anak sa tawo nga nagsul-ob ug taas nga bisti ug may bakos nga bulawan sa iyang dughan.

“Ug ngadto sa anghel sa iglesia sa Tiatira isulat kini: ‘Mao kini ang mga pulong sa Anak sa Dios nga ang mga mata sama sa nagdilaab nga kalayo, ug ang mga tiil sama sa bronsi nga gipasinawan.

“Ug ngadto sa anghel sa iglesia sa Laodicea, isulat kini: ‘Mao kini ang mga pulong sa Amen, ang kasaligan ug tinuod nga saksi, ang sinugdanan sa mga binuhat sa Dios:

Unya usa sa mga kadagkoan miingon kanako, “Ayaw paghilak, tan-awa, nagmadaogon ang Liyon sa banay ni Juda, ang Gamot ni David, nga tungod niana makahimo siya sa pag-abli sa basahong linukot ug sa pito ka silyo niini.”

Unya nakita nako nga dihay usa ka puti nga panganod, ug sa ibabaw sa panganod dihay naglingkod nga daw anak sa tawo, nga may korona nga bulawan sa iyang ulo, ug usa ka hait nga galab diha sa iyang kamot.

Ug sultihan ko kamo nga daghan unya ang mangabot gikan sa silangan ug sa kasadpan ug manambong sa kan-anan uban kang Abraham, Isaac ug Jacob didto sa gingharian sa langit,

Si Simon Pedro, mitubag nga nag-ingon, “Ikaw mao ang Cristo, ang Anak sa buhing Dios.”

‘Ang Ginoo miingon sa akong Ginoo: Lingkod dapit sa akong tuo, hangtod nga ibutang nako ang imong mga kaaway ubos sa imong mga tiil?’ ”

Si Jesus miingon kaniya, “Gipamulong nimo. Apan sultihan ko kamo sukad karon, makita ninyo ang Anak sa Tawo nga maglingkod diha sa tuo sa Gahom ug moabot nga sinapwang sa mga panganod sa langit.”

Si Jesus mitubag kaniya, “Ako mao, ug makita unya ninyo ang Anak sa Tawo nga maglingkod sa tuo sa Gahom ug moabot nga inubanan sa mga panganod sa langit.”

Apan sukad karon ang Anak sa Tawo maglingkod na sa tuo sa gahom sa Dios.”

Ug siya miingon, “Jesus, hinumdomi ako inig-abot nimo sa imong gingharian.”

ug miingon, “Mga tawong Galileanhon, nganong nagtindog man kamo nga nagtutok sa langit? Kining maong Jesus nga gikuha gikan kaninyo ngadto sa langit, mobalik ra unya sa samang paagi nga siya inyong nakita nga nagpaingon sa langit.”

Busa pahibaloa gayod ang tibuok banay sa Israel nga ang Dios naghimo kaniya nga Ginoo ug Mesias, kining maong Jesus nga inyong gilansang sa krus.”

ug inyong gipatay ang Tigmugna sa kinabuhi, ang gibanhaw sa Dios gikan sa mga patay, ug kami mga saksi niini.

kinahanglang mahibaloan ninyong tanan ug sa tanang katawhan sa Israel nga pinaagi sa ngalan ni Jesu-Cristo nga Nazaretnon nga inyong gilansang sa krus, nga gibanhaw sa Dios gikan sa mga patay, pinaagi kaniya kining tawhana nagtindog nga maayo na sa inyong atubangan.

Ang Dios sa atong mga katigulangan nagbanhaw kang Jesus nga inyong gipatay pinaagi sa pagbitay kaniya sa kahoy.

Apan si Esteban nga puno sa Espiritu Santo, mitutok sa langit ug nakita niya ang himaya sa Dios ug si Jesus nga nagtindog sa tuo sa Dios.

Kini mao ang pulong nga iyang gipadala ngadto sa katawhan sa Israel, sa iyang pagwali sa Maayong Balita sa kalinaw pinaagi kang Jesu-Cristo nga mao ang Ginoo sa tanan.

Gikan sa kaliwat niining tawhana, ang Dios nagdala ngadto sa Israel ug Manluluwas nga mao si Jesus, sumala sa iyang gisaad.

mahitungod sa iyang Anak nga gikan sa kaliwat ni David sumala sa unod

ug gipaila nga Anak sa Dios uban sa gahom sumala sa Espiritu sa pagkabalaan pinaagi sa iyang pagkabanhaw gikan sa mga patay, si Jesu-Cristo nga atong Ginoo.

ila ang mga patriarka ug gikan kanila ang Cristo sumala sa unod. Ang Dios nga labaw sa tanan dalaygon hangtod sa kahangtoran. Amen.

Kay alang niining maong tuyo si Cristo namatay ug nabuhi pag-usab aron mahimo siyang Ginoo sa mga patay ug sa mga buhi.

Busa ayaw pagpanghukom sa dili pa ang panahon, hangtod nga moabot ang Ginoo nga mao ang magdala ngadto sa kahayag sa mga butang nga karon natago diha sa kangitngit ug magpadayag sa mga katuyoan sa mga kasingkasing. Unya ang pagdayeg gikan sa Dios maangkon sa matag usa.

Kay ingon nga diha kang Adan ang tanan nangamatay, ingon usab diha kang Cristo ang tanan mangabuhi.

Karon ang mga saad gihatag kang Abraham ug sa iyang kaliwat. Wala ingna, “Ug sa mga kaliwatan,” nga daw ingon ug daghan, kondili, “Ug sa imong kaliwat,” ingon nga usa ra, nga mao si Cristo.

Kining gahoma mao ang iyang gipalihok diha kang Cristo sa dihang gibanhaw niya siya gikan sa mga patay ug sa pagpalingkod kaniya diha sa iyang tuo didto sa mga langitnong dapit,

aron nga pinaagi sa iglesia, ang nagkalainlaing kaalam sa Dios ikapahibalo karon ngadto sa mga nagmando ug mga kagamhanan diha sa mga langitnong dapit.

hangtod makakab-ot kitang tanan ngadto sa pagkahiniusa sa pagtuo ug sa kahibalo mahitungod sa Anak sa Dios, ug ngadto sa kahamtong sa pagkatawo, sa sukod sa gidak-on sa kahingpitan ni Cristo,

Apan kita mga lumulupyo sa langit, ug gikan niini atong gipaabot ang Manluluwas, ang Ginoong Jesu-Cristo.

Siya mao ang ulo sa lawas, ang iglesia. Siya mao ang sinugdan, ang panganay gikan sa mga patay, aron nga diha sa tanang mga butang siya mahimong labaw sa tanan.

ug kamo nahingpit diha kaniya nga mao ang ulo sa tanang pamunoan ug kagahom.

Ang maong tawo wala madugtong sa Ulo, nga gikan niini ang tibuok nga lawas gibuhi ug gisumpay diha sa mga lutahan ug mga kaugatan, nagtubo diha sa pagtubo nga gikan sa Dios.

Siya ang dan-ag sa himaya sa Dios ug tukma nga hulagway sa iyang kinaiya, nagsapnay sa tanang mga butang pinaagi sa gamhanan nga pagpamulong niya. Sa nahimo na niya ang paghinlo sa mga sala, siya milingkod sa tuo sa Halangdon sa kahitas-an,

Busa, mga igsoong balaan, nga mga mag-aambit sa langitnon nga pagtawag, hunahuna ninyo si Jesus, ang apostol ug labawng pangulong pari sa atong pagtuo.

diin didto si Jesus misulod nga maoy nag-una alang kanato ug nahimong labawng pari hangtod sa kahangtoran sumala sa laray ni Melquisedek.

Kay si Cristo misulod dili ngadto sa usa ka balaang dapit nga hinimo ug mga kamot, nga hulagway lamang sa matuod, kondili ngadto sa langit gayod, sa pagpangatubang karon alang kanato ngadto sa Dios.

ug kay kita aduna may bantogang pari nga nagdumala sa balay sa Dios,

nga magtutok kang Jesus, ang nagpasiugda ug ang mohingpit sa atong pagtuo. Tungod sa kalipay nga gibutang sa iyang atubangan, giantos niya ang krus sa walay pagsapayan sa kaulaw niini ug karon naglingkod siya diha sa tuo sa trono sa Dios.

Bulahan ang tawo nga milahutay sa mga pagsulay kay human siya makaantos sa pagsulay, iyang madawat ang purongpurong sa kinabuhi nga gisaad sa Dios ngadto sa mga nahigugma kaniya.

Ilang gisusi kon unsa o unsang panahona ang gipasabot sa Espiritu ni Cristo nga diha kanila sa ilang pagpropesiya sa mga pag-antos ni Cristo ug sa himaya nga mosangpot niini.

kondili pinaagi sa bililhong dugo ni Cristo, sama sa dugo sa nating karnero nga walay buling o mansa.

Duol kamo kaniya, ang buhi nga bato, nga sinalikway sa mga tawo apan pinili sa Dios ug bililhon.

Kay kini anaa sa kasulatan, “Tan-awa, gipahiluna nako diha sa Zion ang usa ka bato nga patukoranan, pinili ug bililhon; ug ang magsalig kaniya dili gayod maulawan.”

Apan kon kita naglakaw diha sa kahayag, ingon nga siya anaa sa kahayag, kita may pakig-ambitay sa usa ug usa, ug ang dugo ni Jesus nga iyang Anak naghinlo kanato gikan sa tanang sala.

Ug ang pagpamatuod mao kini, nga ang Dios naghatag kanato sa kinabuhing dayon, ug kining kinabuhia anaa sa iyang Anak.

Kay daghang mga malimbongon ang nanungha sa kalibotan, mga tawo nga wala mag-ila nga si Jesu-Cristo mianhi pinaagi sa unod. Mao kini ang malimbongon ug ang kaaway ni Cristo.

Tan-awa, siya moabot uban sa mga panganod; ug makita siya sa tanang mata, sa tanang miduslak kaniya; ug ang tanang kabanayan sa yuta magminatay tungod kaniya. Oo. Amen.

Ang magmadaogon sul-oban ug mga bisti nga puti, ug ang iyang ngalan dili nako papason gikan sa basahon sa kinabuhi, hinuon akong ipahayag ang iyang ngalan sa atubangan sa akong Amahan ug sa atubangan sa iyang mga anghel.

Ang magmadaogon tugotan nako sa paglingkod sa akong trono uban kanako, ingon nga ako usab nagmadaogon ug milingkod uban sa akong Amahan diha sa iyang trono.

Ug sa taliwala sa trono ug sa upat ka buhing binuhat ug taliwala sa mga kadagkoan nakita nako ang usa ka Nating Karnero nga nagtindog nga daw gipatay, may pito ka sungay ug pito ka mata nga mao ang pito ka espiritu sa Dios nga gipadala ngadto sa tibuok nga yuta.

Kay ang Nating Karnero nga anaa sa taliwala sa trono maoy magbantay kanila, ug magtultol kanila ngadto sa mga tuboran sa tubig sa kinabuhi, ug pahiran sa Dios ang tanang luha sa ilang mga mata.”

Ug usa ka kusog nga tingog didto sa langit akong nadungog nga nag-ingon, “Karon miabot na ang kaluwasan ug ang gahom ug ang gingharian sa atong Dios ug ang kagahom sa iyang Cristo, kay gikatambog na ang tigsumbong batok sa atong kaigsoonan, siya nga sa adlaw ug sa gabii mao ang nagsumbong batok kanila sa atubangan sa atong Dios.

Diha sa iyang bisti ug diha sa iyang paa siya may ngalan nga napatik: Hari sa mga hari ug Ginoo sa mga ginoo.

Ug bisan kinsa nga magsulti batok sa Anak sa Tawo, mapasaylo apan bisan kinsa nga magsulti batok sa Espiritu Santo dili gayod pasayloon, bisan niining panahona karon o sa umaabot nga panahon.

Tungod kay ang Amahan aduna may kinabuhi diha sa iyang kaugalingon, gitugot usab niya sa Anak ang pagbaton ug kinabuhi diha sa iyang kaugalingon

mao usab si Cristo, human makahalad sa makausa aron sa pagkuha sa mga sala sa daghan motungha sa ikaduhang higayon, dili mahitungod sa sala, kondili sa pagluwas kanila nga mainitong nagpaabot kaniya.

ug kang Jesus, ang tigpataliwala sa usa ka bag-ong kasabotan, ug sa binisibis nga dugo nga nagsulti sa labi pa ka maayong pulong kay sa dugo ni Abel.