Kategorya
45 Mga Bersikulo sa Biblia Bahin sa Dili Parehas nga Relasyon
Naa may gugma nga dili gikan sa Ginoo, dili kini ang putli ug tinuod nga gugma nga gitudlo sa Dios kanato. Kining sayop nga gugma, dili maayo kay makahatag kini og kabug-at, pagka-stagnant, ug kalisod sa kinabuhi.
Dili kini gipangulohan sa espiritu sa Ginoo, ug imbis nga magkahiusa, kini hinuon makahatag og dakong panagbangi. Si Pablo nagtudlo sa Iglesia sa Corinto kabahin sa Kristohanong kinabuhi ug nagpasidaan bahin sa pagpakig-uban sa mga dili magtutuo, kay ang magtutuo ug dili magtutuo managlahi, sama sa kahayag ug kangitngit, ug walay managsama.
Mao sab kini kon ikaw nga anak sa Ginoo, ganahan ka sa tawo nga wala pa modawat kang Kristo sa iyang kasingkasing ug wala pa gyud ma-convert. Busa importante nga pasudlon ang Ginoo sa paggiya ug dili magdali-dali.
Wala'y rason nga makig-uban sa kangitngit kay sa kaulahian, basin mahisama ka na lang pud sa mga dili mahadlok sa Ginoo. Busa, pangitaa ang tawo nga parehas nimo og gugma ug debosyon sa Ginoo, diin inyong masinati ang iyang kaayo ug makabuhat kamo og mga dagkong butang alang kaniya.
Maayo nga naa kay kauban nga dili kontra nimo, kondili usa ka inspirasyon aron mag-uban kamong mouswag ug motubo sa pagtuman sa kabubut-on ni Jesus. Sama sa giingon sa 1 Juan 2:15, "Ayaw ninyo higugmaa ang kalibutan, ni ang mga butang nga anaa sa kalibutan. Kon adunay mahigugma sa kalibutan, ang gugma sa Amahan wala diha kaniya."
Ayaw kamo pagpakigminyo kanila, nga maghatag sa inyong mga anak nga babaye ngadto sa ilang mga anak nga lalaki, o magkuha sa ilang mga anak nga babaye alang sa inyong mga anak nga lalaki. Kay sila magpasimang sa inyong anak nga lalaki gikan sa pagsunod kanako, aron sa pag-alagad sa laing mga dios, unya ang kapungot sa Ginoo mosilaob batok kaninyo ug siya maglaglag dayon kaninyo.
“Kay gidumtan nako ang pagpakigbulag, nag-ingon ang Ginoo, ang Dios sa Israel, ug ang pagtabon ug kabangis sa iyang bisti, nag-ingon ang Ginoo sa mga panon. Busa pagbantay kamo sa inyong kaugalingon ug ayaw kamo pagmaluibon.”
Ayaw kamo pagpakighiusa uban sa dili magtutuo. Kay unsa may anaa sa panag-abin sa pagkamatarong ug sa pagkadaotan? O unsa may panag-ambitan sa kahayag ug sa kangitngit?
Hinigugma, ayaw pagsunod sa daotan kondili sa maayo. Siya nga nagbuhat ug maayo iya sa Dios apan siya nga nagbuhat ug daotan, wala gayod makakita sa Dios.
Mga mananapaw! Wala ba kamo masayod nga ang pagpakighigala sa kalibotan pagpakigbatok sa Dios? Busa si bisan kinsa nga buot makighigala sa kalibotan naghimo sa iyang kaugalingon nga kaaway sa Dios.
Kay ang Dios wala magtawag kanato alang sa kahugawan, kondili sa pagkabalaan.
Ayaw kamo pagpakighiusa uban sa dili magtutuo. Kay unsa may anaa sa panag-abin sa pagkamatarong ug sa pagkadaotan? O unsa may panag-ambitan sa kahayag ug sa kangitngit? Unsa may pakig-uyon ni Cristo kang Bilial? O unsa may gisalohan sa magtutuo uban sa dili magtutuo?
Ayaw ninyo higugmaa ang kalibotan o ang mga butang diha sa kalibotan. Kon may nahigugma sa kalibotan, ang gugma sa Amahan wala diha kaniya.
Apan kanila nga mga minyo ako nagpahimangno, dili ako, kondili ang Ginoo, nga ang asawa dili gayod mobulag sa iyang bana (apan kon siya mobulag man gayod, kinahanglang magpabilin siya nga mag-inusara o makig-uli siya sa iyang bana) ug nga ang bana dili gayod mobulag sa iyang asawa. Ngadto sa uban moingon ako, dili ang Ginoo, nga kon adunay igsoon nga may asawa nga dili magtutuo, ug siya miuyon ra nga makigpuyo kaniya, kini siya dili gayod niya bulagan. Ug kon ang usa ka babaye may bana nga dili magtutuo, ug kini siya miuyon nga makigpuyo kaniya, kini siya dili gayod niya bulagan. Kay ang bana nga dili magtutuo gibalaan pinaagi sa iyang asawa nga magtutuo, ug ang asawa nga dili magtutuo gibalaan pinaagi sa bana. Kay kon wala pa, ang inyong mga anak dili unta hinlo, apan sila karon binalaan. Apan kon ang dili magtutuo buot man mobulag, pabulaga siya kay ang bana o asawa nga magtutuo wala maulipon sa maong kaminyoon. Kay kita gitawag sa Dios ngadto sa kalinaw. Kay ikaw asawa, unsaon man nimo pagkahibalo kon maluwas ba nimo ang imong bana? Ug ikaw bana, unsaon man usab nimo pagkahibalo kon maluwas ba nimo ang imong asawa?
Kon mamiya kamo ug makigtipon sa mga salin niining mga nasod nga nahibilin uban kaninyo ug makigminyo kanila aron kamo maminyo sa ilang mga kababayen-an ug sila sa inyo, hibaloi gayod nga ang Ginoo nga inyong Dios dili mopadayon sa pag-abog niining mga nasod gikan sa inyong atubangan apan sila mahimong bitik ug lit-ag alang kaninyo, usa ka hampak sa inyong mga kilid ug mga tunok sa inyong mga mata hangtod nga kamo mahanaw niining maayong yuta nga gihatag kaninyo sa Ginoo nga inyong Dios.
Sa mga nasod nga giingon sa Ginoo ngadto sa katawhan sa Israel, “Dili kamo makigminyo kanila, mao man usab sila nganha kaninyo kay, sa pagkatinuod sila magpasimang sa inyong kasingkasing sa pagsunod sa ilang mga dios.” Apan si Solomon nahigugma kanila pag-ayo.
Gisultihan ko na kamo sa akong sulat kaninyo nga dili kamo makig-uban sa mga makihilawason.
Pas-ana ninyo ang akong yugo ug pagtuon kamo gikan kanako kay ako maaghop ug mapaubsanon sa kasingkasing ug makakaplag kamo ug pahulay alang sa inyong mga kalag. aron sa pag-ingon kaniya, “Ikaw ba kadtong moanhi, o magpaabot pa ba kami ug lain?” Kay sayon ang akong yugo ug gaan ang akong palas-anon.”
Alang sa kagawasan kita gipahigawas ni Cristo. Barog kamo nga lig-on ug ayaw na kamo pagpasangon pag-usab sa yugo sa pagkaulipon.
Busa ayaw ipaasawa ang inyong mga anak nga babaye sa ilang mga anak nga lalaki o ipaasawa ang ilang mga anak nga babaye sa inyong mga anak nga lalaki, ug ayaw tinguhaa ang ilang pakigdait o kauswagan aron kamo malig-on ug magkaon sa abot sa yuta ug ibilin kini ingon nga usa ka kabilin sa inyong mga anak hangtod sa kahangtoran.’
Ang asawa nabugkos ngadto sa iyang bana samtang kini magpabilin nga buhi. Apan kon ang bana mamatay, siya may kagawasan sa pagpamana kang bisan kinsa nga buot niya, diha lamang sa Ginoo.
Sa mga nasod nga giingon sa Ginoo ngadto sa katawhan sa Israel, “Dili kamo makigminyo kanila, mao man usab sila nganha kaninyo kay, sa pagkatinuod sila magpasimang sa inyong kasingkasing sa pagsunod sa ilang mga dios.” Apan si Solomon nahigugma kanila pag-ayo. Ug ang igsoon nga babaye ni Tapenes nanganak ug batang lalaki nga si Genubat, nga gilutas ni Tapenes sa balay sa Paraon. Si Genubat diha sa balay sa Paraon ipon sa mga anak sa Paraon. Apan sa pagkadungog ni Hadad didto sa Ehipto nga si David mipahulay na uban sa iyang katingulangan ug nga si Joab nga tigmando sa kasundalohan patay na, si Hadad miingon sa Paraon, “Pagikana ako karon aron makaadto ako sa akong kaugalingong nasod.” Apan ang Paraon miingon kaniya, “Unsay nakulang nimo uban kanako nga nagtinguha man ikaw sa pag-adto sa imong kaugalingong yuta?” Ug siya miingon, “Wala, apan pagikana lamang ako.” Ug ang Dios naghatag usab kang Solomon ug laing kaaway, si Rezon nga anak ni Eliada, nga mikagiw gikan sa iyang agalon nga si Hadadeser nga hari sa Zoba. Ug nagtigom siya ug mga tawo ngadto kaniya ug nahimo siyang pangulo sa maong panon, human sa pagpamatay ni David, ug nangadto sila sa Damasco ug mipuyo didto ug gihimo siyang hari sa Damasco. Kaaway siya sa Israel sa tanang mga adlaw ni Solomon, naghimo ug kasamok sama sa gihimo ni Hadad, ug nasilag siya sa Israel ug naghari sa Siria. Si Jeroboam nga anak nga lalaki ni Nebat, usa ka Efraimhanon sa Zereda, usa ka sulugoon ni Solomon, nga ang inahan ginganlan ug si Zeruia, usa ka biyuda, mipataas usab sa iyang kamot batok sa hari. Ug mao kini ang hinungdan ngano nga gipataas niya ang iyang kamot batok sa hari: gitukod ni Solomon ang Millo, ug giayo ang naguba nga bahin nga kuta sa siyudad ni David nga iyang amahan. Si Jeroboam usa ka tawo nga may katakos ug sa diha nga nakita ni Solomon ang batan-ong lalaki nga siya kugihan, gipiyalan siya sa pagdumala sa tanang pinugos nga trabaho sa banay ni Jose. Ug niadtong panahona, sa diha nga si Jeroboam migula sa Jerusalem, ang propeta nga si Ahias nga taga-Silo nakatagbo kaniya diha sa dalan. Si Ahias nagsul-ob ug usa ka bag-ong bisti ug sila lamang duha ang diha sa kapatagan. Ug aduna siyay pito ka gatos ka asawa nga mga princesa, ug tulo ka gatos ka mga puyopuyo, ug ang iyang mga asawa nakapasimang sa iyang kasingkasing.
Siya nga naglakaw uban sa mga maalamon mahimong maalamon, apan ang kauban sa mga buangbuang mag-antos sa kadaot.
Ayaw pagdulog sa pagpakighilawas sa asawa sa imong isigkatawo ug sa paghugaw sa imong kaugalingon uban kaniya.
Unya si Hari Solomon nahigugma sa daghang mga babaye nga langyaw uban sa anak nga babaye sa Paraon: mga Moabihanon, mga Amonihanon, mga Edomhanon, mga Sidonhanon ug mga Hitihanon,
Niadtong mga adlawa nakita usab nako ang mga Judio nga nangasawa sa mga babaye sa Asdod, sa Amon ug sa Moab. Ug ang katunga sa ilang mga anak nagsulti sa sinultihan sa Asdod apan dili makasulti sa sinultihan sa Juda, kondili sumala sa sinultihan sa matag usa ka katawhan. Ug ako nakiglalis kanila ug nagtunglo kanila, ug gibunalan nako ang pipila kanila ug gilarot ang ilang mga buhok ug akong gipapanumpa sila sa ngalan sa Dios, nga nag-ingon, “Ayaw ninyo ihatag ang inyong mga anak nga babaye ngadto sa ilang mga anak nga lalaki o ipaasawa ang ilang mga anak nga babaye sa inyong mga anak nga lalaki o alang sa inyong kaugalingon. Wala ba si Solomon nga hari sa Israel makasala tungod sa maong mga babaye? Taliwala sa daghang mga nasod walay hari nga sama kaniya ug siya gihigugma sa iyang Dios ug ang Dios naghimo kaniya nga hari sa tibuok Israel. Bisan pa niana, ang mga babayeng langyaw naghimo kaniya nga magpakasala. Mamati ba diay kami kaninyo aron sa pagbuhat niining dakong kadaot sa paglapas batok sa atong Dios pinaagi sa pagpangasawa sa mga babayeng langyaw?”
Ayaw pagpakighigala sa usa ka tawo nga daling masuko, o mokuyog sa tawo nga masuk-anon, kay tingali unya ug ikaw makakat-on sa iyang mga pamaagi, ug magbitik sa imong kaugaligon diha sa usa ka lit-ag.
Naghangyo ako kaninyo mga igsoon, sa pagbantay sa mga naghimo ug mga pagbahinbahin ug mga kapandolan nga supak sa pagtulun-an nga inyong nakat-onan, ug likayi sila.
Busa ngadto kaniya nga nasayod unsay maayong buhaton ug wala magbuhat niini, sala kini alang kaniya.
“Walay tawo nga makaalagad ug duha ka agalon kay mahitabo man nga dumtan niya ang usa ug higugmaon niya ang usa o dapigan niya ang usa ug tamayon niya ang usa. Dili kamo makaalagad sa Dios ug sa mga bahandi.
Bulahan ang tawo nga wala maglakaw subay sa tambag sa mga daotan, o magtindog diha sa dalan sa mga makasasala, o maglingkod sa mga lingkoranan sa mga mayubiton; hinuon ang iyang kalipay anaa sa Balaod sa Ginoo, ug sa Balaod niya namalandong siya adlaw ug gabii.
Kon kamo iya pa sa kalibotan, ang kalibotan nahigugma unta sa mga iya, apan kay kamo dili man iya sa kalibotan, hinuon gipili kamo nako gikan sa kalibotan, tungod niini nagdumot kaninyo ang kalibotan.
Duol kanako, kamong tanan nga nagbudlay ug nabug-atan ug papahulayon ko kamo. Pas-ana ninyo ang akong yugo ug pagtuon kamo gikan kanako kay ako maaghop ug mapaubsanon sa kasingkasing ug makakaplag kamo ug pahulay alang sa inyong mga kalag. aron sa pag-ingon kaniya, “Ikaw ba kadtong moanhi, o magpaabot pa ba kami ug lain?” Kay sayon ang akong yugo ug gaan ang akong palas-anon.”
Ayaw kamo pagpahiuyon niining kalibotana, hinuon tugoti nga mausab ang inyong kaugalingon pinaagi sa pagbag-o sa inyong hunahuna, aron inyong masuta unsa ang kabubut-on sa Dios, unsa ang maayo, ang kahimut-an ug ang hingpit.
Ug ang Dios nga nagbanhaw sa Ginoo magbanhaw usab kanato pinaagi sa iyang gahom. Wala ba kamo masayod nga ang inyong lawas mga bahin man ni Cristo? Kuhaon ko ba ang mga bahin ni Cristo aron himoon nga mga bahin sa usa ka babayeng makihilawason? Dili gayod! Wala ba kamo masayod nga ang nahiusa ngadto sa usa ka babayeng makihilawason nahimong usa ka lawas uban kaniya? Kay sumala sa giingon, “Ang duha mahimong usa ka unod.”
Ayaw kamo pagpahisalaag, “Ang daotang pakig-uban makadaot sa maayong pamatasan.”
Pagmaigmat, pagbantay kanunay. Ang inyong kaaway nga mao ang yawa naglibotlibot sama sa liyon nga nagngulob ug nangita ug iyang matukob.
Unya nadungog nako gikan sa langit ang laing tingog nga nag-ingon, “Gula kamo kaniya, akong katawhan aron dili kamo makaambit sa iyang kasal-anan, aron dili kamo mahiagom sa iyang mga katalagman;
Busa panggula kamo gikan kanila, ug bulag kamo gikan kanila, nag-ingon ang Ginoo, ug ayaw na kamo paghikap ug hugaw; unya dawaton ko kamo.
Busa ayaw kamo pagpakig-ambit kanila, kay bisan tuod kangitngit kamo kaniadto, karon kahayag na kamo tungod sa Ginoo. Pagkinabuhi kamo ingon nga mga anak sa kahayag,
Ug ayaw kamo pag-ambit sa mga dili mabungahong buhat sa kangitngit, hinuon kinahanglang ibutyag ninyo kini.
Ayaw pagdali sa pagpandong sa mga kamot o moambit sa mga sala sa uban. Pagputli sa imong kaugalingon.
Likayi ang mga pangibog nga iya sa kabatan-on ug tinguhaa ang pagkamatarong, pagtuo, gugma ug pakigdait, uban sa mga nagtawag sa Ginoo gikan sa putli nga kasingkasing.
Ingon nga mga anak nga masinugtanon, ayaw kamo pagpahiuyon sa mga pangibog kaniadto sa wala pa kamoy kahibalo. Apan ingon nga siya nga nagtawag kaninyo balaan, kinahanglang kamo usab magbalaan sa tanan ninyong paggawi, kay nasulat man, “Kinahanglan nga kamo magbalaan, kay ako balaan man.”
Ayaw ninyo higugmaa ang kalibotan o ang mga butang diha sa kalibotan. Kon may nahigugma sa kalibotan, ang gugma sa Amahan wala diha kaniya. Kay ang tanan nga anaa sa kalibotan, ang pangibog sa unod ug ang pangibog sa mga mata ug ang garbo sa kinabuhi, dili gikan sa Amahan kondili sa kalibotan. Ug ang kalibotan mahanaw ug ang pangibog niini apan siya nga nagtuman sa kabubut-on sa Dios magpabilin hangtod sa kahangtoran.