Sofonias 3:9

Ang Biblia 2011

Kay nianang panahona usbon nako ang sinultihan sa mga katawhan ngadto sa lunsay nga pinulongan, aron silang tanan magtawag sa ngalan sa Ginoo, ug mag-alagad kaniya uban ang hiniusa nga pag-uyon.

Cross References

Genesis 11:1

Niadtong panahona ang tibuok nga yuta may usa lamang ka pinulongan, ug naggamit ug samang mga pulong.

Genesis 4:26

Ug kang Seth usab natawo ang usa ka anak nga lalaki ug gitawag niya ang iyang ngalan nga Enos. Unya ang mga tawo nagsugod sa pagtawag sa ngalan sa Ginoo.

Salmo 113:3

Gikan sa pagsilang sa adlaw ngadto sa pagsalop niini, dayegon ang ngalan sa Ginoo!

Salmo 22:27

Ang tanang mga kinatumyan sa yuta mahinumdom ug modangop ngadto sa Ginoo; ug ang tanang mga kabanayan sa mga kanasoran magsimba sa atubangan niya.

Isaias 19:18

Nianang adlawa may lima ka siyudad sa yuta sa Ehipto nga mosulti sa pinulongan sa Canaan, ug manumpa ngadto sa Ginoo sa mga panon, ang usa niini tawgon ug Siyudad sa Adlaw.

Isaias 57:19

Kalinaw, kalinaw, ngadto sa layo ug sa duol, nag-ingon ang Ginoo; ug ako mag-ayo kaniya.

Isaias 6:7

Iyang gihikap ang akong baba niini ug miingon, “Tan-awa, nakatandog kini sa imong mga ngabil; ang imong pagkadaotan gikuha na ug ang imong sala gipasaylo na.”

Jeremias 16:19

O Ginoo, akong kalig-on, ug akong panalipod, akong dalangpanan panahon sa kalisdanan, nganha kanimo ang mga nasod moanha gikan sa mga kinatumyan sa yuta, ug moingon, “Ang among katigulangan walay napanunod kondili kabakakan, mga butang nga walay bili nga walay kapuslanan.

Ezequiel 37:17

Usaha sila aron mahimong usa ka sungkod, ug kini mahimong usa ka sungkod diha sa imong kamot.

Habacuc 2:14

Kay ang kalibotan mapuno sa kahibalo sa himaya sa Ginoo ingon nga ang katubigan nagtabon sa dagat.

Sofonias 2:11

Ang Ginoo mahimong makalilisang alang kanila; iyang pagutman ang tanang mga dios sa yuta, ug ngadto kaniya managyukbo, ang matag usa diha sa iyang dapit, ang tanang kayutaan sa mga nasod.

Zacarias 14:9

Ug ang Ginoo mahimong hari sa tibuok nga yuta. Nianang adlawa usa lamang ang Ginoo, ug usa ra ang iyang ngalan.

Zacarias 2:11

Ug daghang mga nasod ang magtipon ngadto sa Ginoo nianang adlawa, ug mahimo nga akong katawhan, ug ako mopuyo sa taliwala nimo, ug ikaw makaila nga ang Ginoo sa mga panon maoy nagsugo kanako nganhi kanimo.

Mateo 12:35

Ang maayong tawo magpagula ug maayo gikan sa iyang maayong bahandi apan ang daotang tawo magpagula ug daotan gikan sa iyang daotang bahandi.

Mga Taga-Efeso 4:29

Kinahanglang walay sulting daotan nga manggula gikan sa inyong baba, kondili kanang maayo lamang nga makapalig-on ug angay sa higayon, aron makahatag kini ug kaayohan ngadto sa mga naminaw.

Gipadayag 11:15

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”