Sofonias 3:3

Ang Biblia 2011

Ang iyang mga tinugyanan sa taliwala niya mga liyon nga nagngulob; ang iyang mga maghuhukom mao ang mga lobo sa kagabhion nga dili magsalin hangtod sa pagkabuntag.

Cross References

Mga Panultihon 28:15

Sama sa usa ka liyon nga nagngulob o sa usa ka oso nga kadasmagon ang usa ka daotan nga pangulo ngadto sa kabos nga katawhan.

Isaias 1:23

Ang imong mga pangulo masupilon ug kauban sa mga kawatan. Ang matag usa nahigugma sa suborno ug nagtinguha sa mga gasa. Wala nila panalipdi ang mga wala nay amahan, ug ang mga sumbong sa biyuda wala modangat kanila.

Isaias 5:29

Ang ilang pagngulob sama sa usa ka liyon, sama sa mga batan-on nga liyon sila nagngulob; sila magngulob ug manakop sa ilang tukbonon, dad-on kini nila sa gawas ug walay bisan usa nga makaluwas.

Jeremias 22:17

Apan ikaw adunay mga mata ug kasingkasing alang lamang sa pagpanikas, sa pagpaagas ug dugo sa walay sala, ug sa pagdaogdaog ug sa kapintas.”

Jeremias 23:11

“Ang propeta ug ang pari dili diosnon; bisan sa akong balay nakita nako ang ilang pagkadaotan, nag-ingon ang Ginoo.

Jeremias 34:19

ang mga pangulo sa Juda, ang mga pangulo sa Jerusalem, ang mga yunoko, ang mga pari ug ang tibuok katawhan sa yuta nga miagi sa taliwala sa mga bahin sa nating baka.

Jeremias 5:6

Tungod niini usa ka liyon nga gikan sa lasang mopatay kanila, usa ka lobo gikan sa kamingawan molaglag kanila. Usa ka leopardo magbantay batok sa ilang mga siyudad, ang matag usa nga mogula gikan didto kuniskunison; kay ang ilang mga kalapasan daghan, ang ilang mga pagbiya sa pagtuo nagkadaghan.

Ezequiel 22:6

“Tan-awa, ang mga pangulo sa Israel nga anaa kanimo, ang matag usa sumala sa ilang gahom, mahiligon sa pagpaagas ug dugo.

Ezequiel 33:26

Kamo nagsalig sa inyong espada, kamo nagbuhat sa dulumtanan ug naghugaw kamong tanan sa asawa sa inyong isigkatawo; manag-iya ba diay kamo sa yuta?

Habacuc 1:8

Ang ilang mga kabayo tulin pa kay sa mga leopardo, bangis pa kay sa mga lobo sa kagabhion; ang ilang mga tigpangabayo nagpadayon nga mapagarbohon. Oo, ang ilang mga tigpangabayo naggikan sa layo; sila naglupad sama sa agila nga nagdali aron sa pagtukob.