Sofonias 3:2

Ang Biblia 2011

Siya dili mamati ug sulti, dili modawat ug pagbadlong, wala siya mosalig sa Ginoo, wala siya moduol sa iyang Dios.

Cross References

Nehemias 9:26

“Bisan pa niana sila nagmasupilon ug misukol batok kanimo ug gisalikway sa ilang likod ang imong balaod ug gipamatay ang imong mga propeta nga nagpasidaan kanila aron sa pagpabalik kanila nganha kanimo ug sila nagbuhat ug dagkong pagpasipala.

Salmo 10:4

Tungod sa garbo sa iyang pagbati ang daotan wala mangita kaniya; ang tanan niyang panghunahuna, “Walay Dios.”

Salmo 50:17

Kay ikaw nagdumot sa pagpanton ug nagsalikway sa akong mga pulong sa imong likod.

Salmo 73:28

Apan alang kanako, maayo ang pagpaduol ngadto sa Dios; Ang Ginoo nga Dios gihimo nako nga akong dalangpanan, aron isugilon nako ang tanan nimong mga buhat.

Salmo 78:22

tungod kay sila wala motuo sa Dios, ug wala mosalig sa iyang pagluwas.

Mga Panultihon 1:7

Ang pagkahadlok sa Ginoo maoy sinugdan sa kahibalo; ang mga buangbuang nagtamay sa kaalam ug pahimangno.

Mga Panultihon 5:12

ug ikaw moingon, “Gidumtan nako pag-ayo ang pagpanton, ug ang akong kasingkasing nagtamay sa pagbadlong!

Isaias 1:5

Ngano ba nga hampakon pa kamo? Nganong nagpadayon kamo sa pagsupil? Ang tibuok nga ulo masakiton, ug ang tibuok nga kasingkasing nagluya.

Isaias 29:13

Ug ang Ginoo miingon, “Tungod kay kini nga katawhan nagpaduol kanako pinaagi sa ilang baba ug nagpasidungog kanako pinaagi sa ilang mga ngabil, apan gipalayo nila ang ilang kasingkasing gikan kanako, ug ang ilang kahadlok kanako usa ka sugo sa mga tawo nga naandang gitudlo;

Isaias 31:1

Alaot kadtong manglugsong sa Ehipto aron sa pagpakitabang, ug magsalig sa mga kabayo, ug magsalig sa mga karwahi tungod kay sila daghan ug sa mga tigpangabayo tungod kay sila kusgan, apan wala magtutok sa Balaan sa Israel, o magpakisayod sa Ginoo!

Isaias 43:22

“Bisan pa niini ikaw wala magsangpit kanako, O Jacob; hinuon ikaw gipul-an na kanako, O Israel!

Isaias 9:12

Ang mga Sirianhon sa silangan ug ang mga Filistihanon sa kasadpan naglamoy sa Israel uban sa baba nga nagbuka. Bisan pa niining tanan ang iyang kasuko wala mahanaw, ug gibakyaw gihapon niya ang iyang kamot.

Jeremias 13:25

Mao kini ang gitakda kanimo, ang bahin nga akong gitakos kanimo, nag-ingon ang Ginoo, tungod kay nalimot ikaw kanako ug misalig sa kabakakan.

Jeremias 2:30

Kawang lamang ang akong paghampak sa inyong mga anak, wala nila dawata ang pagsaway; ang inyong kaugalingong espada maoy milamoy sa inyong mga propeta, sama sa usa ka manunukob nga liyon.

Jeremias 22:21

Misulti ako kanimo diha sa imong pagkamauswagon, apan ikaw nag-ingon, ‘Dili ako mamati.’ Kini mao ang imong pamaagi sukad sa imong pagkabatan-on nga wala ikaw magtuman sa akong tingog.

Jeremias 32:33

Ilang gipaatubang kanako ang ilang likod ug dili ang ilang nawong, ug bisan kon nagpadayon ako sa pagtudlo kanila, wala sila mamati aron sa pagdawat sa pahimangno.

Jeremias 35:13

“Mao kini ang giingon sa Ginoo sa mga panon, ang Dios sa Israel: Lakaw ug sultihi ang katawhan sa Juda ug ang mga nagpuyo sa Jerusalem: Dili ba kamo modawat ug pahimangno ug mamati sa akong mga pulong? nag-ingon ang Ginoo.

Jeremias 35:17

Busa mao kini ang giingon sa Ginoo, ang Dios sa mga panon, ang Dios sa Israel: Ania, ako nagdala sa tanang kadaotan nga gisulti nako batok sa Juda ug sa tanang mga nagpuyo sa Jerusalem kay ako misulti kanila, apan sila wala mamati; ug ako nagtawag kanila, apan wala sila motubag.”

Jeremias 5:3

O Ginoo, wala ba magtan-aw sa kamatuoran ang imong mga mata? Ikaw naghampak kanila apan wala sila mobati ug kasubo; ikaw nag-ut-ot kanila apan sila nagdumili sa pagdawat sa pagsaway. Ilang gihimo nga ang ilang mga nawong gahi pa kay sa bato; nagdumili sila sa paghinulsol.

Ezequiel 22:24

“Anak sa tawo, ingna siya, Ikaw usa ka yuta nga wala mahinloi o maulani sa adlaw sa kapungot.

Ezequiel 24:13

Ang taya niini mao ang hugaw nga pagkalaw-ay. Tungod kay gihinloan ko na unta ikaw ug ikaw wala mahinlo, gikan sa imong pagkahugaw dili na gayod mahinlo pa hangtod nga matagbaw ako sa akong kasuko nganha kanimo.

Sofonias 1:6

sila nga mitalikod sa pagsunod sa Ginoo, kadtong wala mangita sa Ginoo o magpakisayod mahitungod kaniya.”

2 Timoteo 3:16

Ang tibuok nga Kasulatan gisulat uban sa lamdag sa Dios ug mapuslanon alang sa pagpanudlo, alang sa pagpamadlong, alang sa pagpanul-id ug alang sa pagmatuto diha sa pagkamatarong,

Mga Hebreo 10:22

busa manuol kita sa Dios uban ang matinud-anon nga kasingkasing uban sa hingpit nga kasigurohan sa pagtuo, human mahinlo ang atong mga kasingkasing pinaagi sa pagbisibis gikan sa daotan nga tanlag ug human mahugasi ang atong mga lawas sa lunsay nga tubig.