Sofonias 2:8

Ang Biblia 2011

Nadungog nako ang pagtamay sa Moab ug ang mga pagbiaybiay sa mga Amonihanon, giunsa nila sa pagtamay ang akong katawhan, ug sa pagpasigarbo batok sa ilang utlanan.

Cross References

Genesis 19:37

Ug nanganak ang magulang ug usa ka bata nga lalaki, ug ginganlan niya siya ug Moab. Siya mao ang amahan sa mga Moabihanon hangtod niining adlawa.

Genesis 19:38

Ang manghod nanganak usab ug usa ka bata nga lalaki, ug ginganlan niya siya ug Ben-ammi, nga mao ang amahan sa mga Amonihanon hangtod niining adlawa.

Isaias 15:1

Ang mensahe mahitungod sa Moab. Tungod kay ang Ar gilaglag sulod sa usa ka gabii, ang Moab nalumpag; tungod kay ang Kir gilaglag sulod sa usa ka gabii, ang Moab nalumpag.

Isaias 16:6

Kami nakabati sa pagpagarbo sa Moab, unsa siya ka mapagarbohon; sa iyang pagkamapahitas-on ug sa iyang pagpagarbo ug sa iyang pagkamayubiton; ang iyang mga pagpangandak kawang lamang.

Jeremias 12:14

Mao kini ang giingon sa Ginoo mahitungod sa tanan nakong mga daotang silingan, nga nanghilabot sa panulundon nga akong gipapanunod sa akong katawhan nga Israel: “Tan-awa, ibton nako sila gikan sa yuta ug akong ibton ang balay sa Juda gikan sa taliwala nila.

Jeremias 48:1

Mahitungod sa Moab. Mao kini ang giingon sa Ginoo sa mga panon, ang Dios sa Israel: “Alaot ang Nebo, kay nalaglag kini! Ang Kiriataim gipakaulawan, kini nailog; ang panalipod gipakaulawan ug nagun-ob;

Jeremias 49:1

Mahitungod sa mga Amonihanon. Mao kini ang giingon sa Ginoo: “Wala bay mga anak nga lalaki ang Israel? Wala ba siyay manununod? Busa nganong giilogan man ni Milcom ang Gad, ug ang iyang katawhan mipuyo sa mga siyudad niini?

Mga Pagbangotan 3:61

“Nadungog nimo ang ilang mga pagbiaybiay, O Ginoo, ang tanan nilang mga laraw batok kanako.

Ezequiel 21:28

“Ug ikaw, anak sa tawo, pagpropesiya ug sulti, Mao kini ang giingon sa Ginoong Dios mahitungod sa mga Amonihanon, ug mahitungod sa ilang kaulawan, ingna, Usa ka espada, usa ka espada gilanit alang sa pagpatay; kini gipasinaw aron mogilaw ug mokidlap sama sa kilat,

Ezequiel 25:1

Ang pulong sa Ginoo midangat kanako,

Ezequiel 35:12

Ug ikaw mahibalo nga ako, ang Ginoo, nakadungog sa tanan nimong mga pagpasipala nga imong gipamulong batok sa kabukiran sa Israel, nga nag-ingon, ‘Sila nangahimong biniyaan, sila gihatag kanato aron tukbon.’

Ezequiel 36:2

Mao kini ang giingon sa Ginoong Dios: Tungod kay ang mga kaaway nag-ingon batok kaninyo, ‘Aha!’ ug ‘Ang karaang mga dapit nga habog napanag-iya na nato,’

Amos 1:13

Mao kini ang giingon sa Ginoo, “Tungod sa tulo ka kalapasan sa mga Amonihanon, ug tungod sa upat, dili nako bakwion ang silot; tungod kay giyasyasan nila ang mga mabdos nga babaye sa Gilead, aron padakoon nila ang ilang utlanan.

Amos 2:1

Mao kini ang giingon sa Ginoo, “Tungod sa tulo ka kalapasan sa Moab, ug tungod sa upat, dili nako bakwion ang silot; tungod kay gisunog niya hangtod sa pagkaapog ang mga bukog sa hari sa Edom.

Sofonias 2:10

Kini maoy maangkon nila ingon nga bayad sa ilang garbo, tungod kay sila nagtamay ug nagpagarbo batok sa katawhan sa Ginoo sa mga panon.

Josue 5:9

Ug ang Ginoo miingon kang Josue, “Niining adlawa giwagtang nako gikan kaninyo ang mga pagtamay sa Ehipto.” Tungod niini ang ngalan sa maong dapit gitawag ug Gilgal hangtod niining adlawa.