Sofonias 2:5

Ang Biblia 2011

Alaot kamo nga mga nagpuyo sa kabaybayonan, kamo nga nasod sa mga Keretihanon! Ang pulong sa Ginoo batok kaninyo, O Canaan, ang yuta sa mga Filistihanon; ikaw laglagon nako, hangtod nga wala nay nagpuyo nga mahibilin.

Cross References

Isaias 14:29

“Ayaw paglipay, O Filistia, kamong tanan, nga ang bunal nga mihampak kanimo nabali na; kay gikan sa gamot sa bitin mogula ang halas, ug ang iyang bunga mao ang usa ka bitin nga pak-an.

Isaias 14:30

Ang panganay sa mga kabos makakaon, ug ang mga nanginahanglan mohigda nga malinawon; apan patyon nako sa gutom ang imong gamot, ug ang imong salin akong patyon.

Jeremias 47:7

Unsaon ba niini paghilom, nga ang Ginoo man ang nagsugo? Batok sa Askelon ug batok sa kabaybayonan gitudlo niya kini.”

Ezequiel 25:16

busa mao kini ang giingon sa Ginoong Dios: Ania karon, akong tuy-oron ang akong kamot batok sa mga Filistihanon ug puohon nako ang mga Keretihanon ug laglagon ang salin diha sa kabaybayonan.

Amos 3:1

Pamatia kining pulong nga gisulti sa Ginoo batok kaninyo, O katawhan sa Israel, batok sa tibuok nga panimalay nga akong gikuha gikan sa yuta sa Ehipto:

Amos 5:1

Pamatia ninyo kining pulong nga akong gihimo alang kaninyo diha sa pagbangutan, O balay sa Israel:

Sofonias 1:11

Pagminatay kamo, O mga lumulupyo sa Mortar! Kay ang tanang tigpatigayon gilaglag na; gipamatay ang tanan nga nagbaligya ug plata.

Sofonias 3:6

Gipanglaglag nako ang mga nasod; ang ilang mga salipdanan nangaguba; ang ilang kadalanan gihimo nako nga awaaw aron nga walay makaagi niini; ang ilang mga siyudad nangatumpag, walay tawo, walay nagpuyo.

Zacarias 1:6

Apan ang akong mga pulong ug ang akong mga lagda nga akong gisugo sa akong mga alagad nga mga propeta, wala ba kini makaabot sa inyong katigulangan? Busa sila naghinulsol ug miingon, ‘Ingon nga ang Ginoo sa mga panon naghunahuna sa pagbuhat nganhi kanato sumala sa atong mga batasan ug sumala sa atong mga binuhatan, mao kini ang gibuhat niya kanato.’ ”

Marcos 12:12

Unya misulay sila sa pagdakop kaniya, apan nahadlok sila sa daghang katawhan, kay nakasabot man sila nga batok kanila ang sambingay nga gisugilon niya. Busa mibiya sila kaniya ug nanglakaw.

Josue 13:2

Mao kini ang yuta nga nahibilin: ang tanang dapit sa mga Filistihanon ug ang tanan nga ila sa mga Gesurhanon,

Josue 13:3

sukad sa Sihor nga silangang bahin sa Ehipto, ngadto sa amihanang bahin sa utlanan sa Ekron nga giila nga Canaanhon. Adunay lima ka pangulo sa mga Filistihanon sa Gaza, sa Asdod, sa Askelon, sa Gat ug sa Ekron, lakip usab ang ila sa mga Avihanon,

Mga Maghuhukom 3:3

Kini mao ang mga nasod: ang lima ka pangulo sa mga Filistihanon, ang tanang mga Canaanhon, ang mga Sidonhanon, ang mga Hibihanon nga nagpuyo sa bukid sa Lebanon, sukad sa bukid sa Baal-hermon ngadto sa agianan padulong sa Hamat.

1 Samuel 30:14

Kami misulong sa Negeb sa mga Keretihanon, sa Negeb nga sakop sa Juda, ug sa Negeb sa Caleb, ug gisunog namo ang Ziklag sa kalayo.”