Sofonias 2:10

Ang Biblia 2011

Kini maoy maangkon nila ingon nga bayad sa ilang garbo, tungod kay sila nagtamay ug nagpagarbo batok sa katawhan sa Ginoo sa mga panon.

Cross References

1 Cronicas 16:21

walay si bisan kinsa nga iyang gitugotan sa pagdaogdaog kanila; iyang gibadlong ang mga hari tungod kanila,

Exodo 10:3

Busa si Moises ug si Aaron miadto sa Paraon ug miingon kaniya, “Mao kini ang giingon sa Ginoo, ang Dios sa mga Hebreo, ‘Unsa ba kadugay nga magdumili ikaw sa pagpaubos sa imong kaugalingon sa akong atubangan? Tugoti sa paglakaw ang akong katawhan aron sila makaalagad kanako.

Exodo 9:17

Nagpataas pa gihapon ikaw sa imong kaugalingon batok sa akong katawhan ug dili nimo sila tugotan sa paglakaw.

Isaias 16:6

Kami nakabati sa pagpagarbo sa Moab, unsa siya ka mapagarbohon; sa iyang pagkamapahitas-on ug sa iyang pagpagarbo ug sa iyang pagkamayubiton; ang iyang mga pagpangandak kawang lamang.

Jeremias 12:14

Mao kini ang giingon sa Ginoo mahitungod sa tanan nakong mga daotang silingan, nga nanghilabot sa panulundon nga akong gipapanunod sa akong katawhan nga Israel: “Tan-awa, ibton nako sila gikan sa yuta ug akong ibton ang balay sa Juda gikan sa taliwala nila.

Jeremias 48:14

“Unsaon ninyo pag-ingon, ‘Kami mga bayani ug mga tawong isog sa panggubatan’?

Jeremias 48:29

Kami nakadungog sa pagpagarbo sa Moab— mapagarbohon kaayo siya— sa iyang pagkamapahitas-on, sa iyang garbo, ug sa iyang pagkamapangandakon, ug sa pagkamapalabilabihon sa iyang kasingkasing.

Mga Pagbangotan 1:9

Ang iyang kahugaw anaa sa iyang mga bisti, siya wala maghunahuna sa iyang kaalaotan; busa ang iyang pagkahulog makalilisang, siya walay maglilipay. “O Ginoo, sud-onga ang akong kagul-anan, kay ang kaaway nagmadaogon!”

Ezequiel 25:6

Kay mao kini ang giingon sa Ginoong Dios: Tungod kay gipakpak nimo ang imong mga kamot ug gibundak ang mga tiil ug ikaw nagmaya uban ang hilabihan nga pagtamay sa sulod nimo batok sa yuta sa Israel,

Daniel 4:37

Karon ako, si Nabucodonosor, nagdayeg ug nagbayaw ug nagpasidungog sa Hari sa langit, kay ang tanan niyang mga buhat husto ug ang iyang mga pamaagi matarong ug kadtong naglakaw diha sa pagpagarbo iyang ipaubos.

Abdias 1:11

Sa adlaw nga ikaw mitindog nga nag-inusara, sa adlaw nga ang iyang katigayonan gidala sa mga dumuduong, ug ang mga langyaw misulod sa iyang mga ganghaan ug nagripa alang sa Jerusalem, ikaw sama usab sa usa kanila.

Abdias 1:3

Ang garbo sa imong kasingkasing naglimbong kanimo, ikaw nga nagpuyo sa mga liki sa pangpang, nga ang puluy-anan atua sa itaas, nga nag-ingon sa sulod sa iyang kasing-kasing, “Kinsa ba ang makapahulog kanako ngadto sa yuta?”

Sofonias 2:8

Nadungog nako ang pagtamay sa Moab ug ang mga pagbiaybiay sa mga Amonihanon, giunsa nila sa pagtamay ang akong katawhan, ug sa pagpasigarbo batok sa ilang utlanan.

1 Pedro 5:5

Kamo usab nga mga batan-on, pagmasinugtanon kamo sa mga kadagkoan. Ug kamong tanan, pagsul-ob sa pagkamapaubsanon ngadto sa usa ug usa, kay “Ang Dios mobatok sa mga mapahitas-on, apan sa mga mapaubsanon siya maghatag ug grasya.”