Sofonias 1:8

Ang Biblia 2011

Ug sa adlaw sa paghalad alang sa Ginoo, “Akong silotan ang mga tinugyanan ug ang mga anak sa hari, ug ang tanan nga nagsul-ob sa bisti sa mga langyaw.

Cross References

2 Mga Hari 10:22

Ug siya miingon kaniya nga may katungdanan sa pagbantay sa mga bisti, “Dad-a ang tanang bisti sa tanan nga nagsimba kang Baal.” Busa iyang gidala ang tanang bisti alang kanila.

Isaias 10:12

Sa diha nga ang Ginoo mahuman na sa tanan niyang gibuhat sa bukid sa Zion ug sa Jerusalem, silotan niya ang pagkamapahitas-on sa hari sa Asiria, ug ang iyang pagpasigarbo.

Isaias 2:6

Kay ikaw nagsalikway sa imong katawhan, ang balay ni Jacob, kay napuno sila sa mga patuotuo gikan sa silangan ug pagtagnatagna sama sa mga Filistihanon ug nakig-abin sila uban sa mga langyaw.

Isaias 24:21

Nianang adlawa ang Ginoo mosilot sa panon sa langit nga anaa sa langit, ug sa mga hari sa yuta nga anaa sa yuta.

Isaias 39:7

Pipila sa imong kaugalingong mga anak nga gipanganak kanimo kuhaon, ug sila mangahimong yunoko sa palasyo sa hari sa Babilonia.”

Habacuc 1:10

Sa mga hari sila nagbugalbugal, ug sa mga pangulo sila nagkalingaw. Sila nagkatawa sa tanang mga kuta kay sila nagtapok ug yuta ug gikuha kini.

Deuteronomio 22:5

“Ang babaye kinahanglang dili magsul-ob ug bisti nga iya sa lalaki o ang lalaki magsul-ob sa bisti nga iya sa babaye kay si bisan kinsa nga magbuhat niining mga butanga, dulumtanan sa Ginoo nga imong Dios.