Sofonias 1:7

Ang Biblia 2011

Paghilom sa atubangan sa Ginoong Dios! Kay ang adlaw sa Ginoo ania na; ang Ginoo nag-andam ug usa ka halad ug naggahin sa iyang mga dinapit.

Cross References

Job 24:1

“Ngano nga wala man tumana sa Labing Gamhanan ang mga panahon sa paghukom, ug ngano nga kadtong nakaila kaniya wala man gayod makakita sa mga adlaw?

Salmo 46:10

“Hilom kamo ug ilha ninyo nga ako mao ang Dios. Gibayaw ako taliwala sa mga nasod, gibayaw ako dinhi sa yuta!”

Isaias 13:3

Ako gayod nagsugo sa akong mga binalaan, gitawag nako ang akong mga tawong gamhanan sa pagpahamtang sa akong kasuko, ang akong mga mapasigarbohon nga pinasiduggan.

Isaias 13:6

Pagminatay kamo, kay ang adlaw sa Ginoo duol na; ingon nga kalaglagan gikan sa Labing Gamhanan kini moabot!

Isaias 2:12

Kay ang Ginoo sa mga panon adunay adlaw batok sa tanang mapagarbohon ug mapahitas-on, batok sa tanang tinuboy ug halangdon;

Isaias 29:2

Bisan pa niana sakiton nako ang Ariel, ug aduna unyay pag-agulo ug pagbangutan, ug siya alang kanako mahisama sa Ariel.

Isaias 34:5

Kay ang akong espada nakainom na pag-ayo didto sa kalangitan; tan-awa, kini manaog aron sa paghukom sa Edom, ibabaw sa katawhan nga akong gihukman.

Isaias 34:6

Ang Ginoo adunay espada; kini natumog sa dugo, kini nagsinaw tungod sa tambok, sa dugo sa mga nating karnero ug mga kanding, sa tambok sa mga amimislon sa mga laking karnero. Kay ang Ginoo adunay usa ka halad nga inihaw didto sa Bosra, usa ka dakong pag-ihaw didto sa yuta sa Edom.

Isaias 6:5

Unya miingon ako, “Alaot ako! Kay ako nawala; tungod kay ako usa ka tawo nga hugaw ug mga ngabil; ug ako nagpuyo taliwala sa mga tawo nga hugaw ug mga ngabil; kay ang akong mga mata nakakita sa Hari, ang Ginoo sa mga panon!”

Jeremias 46:10

Kanang adlawa mao ang adlaw sa Ginoong Dios sa mga panon, ang adlaw sa pagpanimalos, sa pagpanimalos niya sa iyang mga kaaway. Ang espada molamoy ug mabusog, ug moinom hangtod sa iyang pagkahubog sa ilang dugo kay ang Ginoong Dios sa mga panon adunay paghalad sa yuta sa amihanan daplin sa suba sa Eufrates.

Ezequiel 7:10

“Tan-awa, ang adlaw! Tan-awa, kini miabot na! Ang inyong kaalaotan miabot na. Ang sungkod namulak, ang garbo namutot.

Ezequiel 7:7

Ang inyong kaalaotan miabot na kaninyo, O lumulupyo sa yuta. Ang panahon miabot na, ang adlaw nagkaduol, ang adlaw sa kagubot ug dili sa malipayong pagsinggit diha sa mga bukid.

Joel 1:15

Alaot kining adlawa! Kay ang adlaw sa Ginoo duol na, ug ingon nga paglaglag gikan sa Labing Gamhanan moabot kini.

Joel 2:11

Ang Ginoo mipatugbaw sa iyang tingog sa atubangan sa iyang kasundalohan, kay ang iyang panon hilabihan ka dako, siya nga magtuman sa iyang pulong gamhanan. Kay ang adlaw sa Ginoo dako ug hilabihan ka makalilisang, kinsa ang makalahutay niini?

Joel 2:31

Ang adlaw mahimong kangitngit, ug ang bulan mahimong dugo, sa dili pa moabot ang dako ug makalilisang nga adlaw sa Ginoo.

Amos 6:10

Ug sa diha nga ang kadugo sa usa ka tawo, siya nga nagsunog kaniya, magkuha kaniya aron sa pagdala sa mga bukog gawas sa balay ug moingon kaniya nga anaa sa kinasuloran nga mga bahin sa balay, “Aduna pa bay usa uban kanimo?” ug siya moingon, “Wala,” unya siya moingon, “Hilom! Dili kita maghisgot sa ngalan sa Ginoo.”

Amos 8:3

Ang mga awit sa Templo mahimong mga pagminatay niadtong adlawa,” nag-ingon ang Ginoong Dios; “daghan unya ang mga patayng lawas, sa tanang dapit sila isalibay sa hilom.”

Habacuc 2:20

Apan ang Ginoo ania sa iyang balaan nga Templo; pahiloma sa atubangan niya ang tibuok nga kalibotan.

Sofonias 1:14

Ang dakong adlaw sa Ginoo duol na, kini nagkaduol na ug hapit na gayod moabot; ang tingog sa adlaw sa Ginoo pait gayod, ang kusgan nga tawo kusog nga nagsinggit didto.

Zacarias 14:1

Tan-awa, ang adlaw sa Ginoo moabot sa diha nga ang mga inilog gikan kanimo bahinon diha sa taliwala nimo.

Zacarias 2:13

Paghilom, tanang katawhan, sa atubangan sa Ginoo, kay siya nahigmata gikan sa iyang balaan nga puluy-anan.

Malaquias 4:1

“Tan-awa, ang adlaw nagsingabot, nagdilaab sama sa hudno, nga ang tanang mga mapahitas-on ug ang tanang tigbuhat ug daotan mangahimong tuod. Ang adlaw nga moabot magsunog kanila, nag-ingon ang Ginoo sa mga panon, aron kini dili magbilin kanila bisan gamot o sanga.

Mateo 22:4

Ug gipaadto na usab niya ang lain pang mga ulipon nga iyang giingnan, ‘Ingna ang mga dinapit, Tan-awa, nahikay na nako ang akong kombira, naihaw na ang akong mga baka ug ang akong mga nati nga pinatambok ug andam na ang tanan, busa pangadto na kamo sa kombira.’

Roma 3:19

Karon nahibalo kita nga bisan unsay gisulti sa Balaod, kini gisulti ngadto kanila nga nailalom sa Balaod aron ang matag baba matak-om ug aron ang tibuok kalibotan mailalom sa paghukom sa Dios.

Roma 9:20

Apan kinsa ka man, O tawo, nga motubag sa Dios? Ang gihulma moingon ba diay sa naghulma, “Nganong giingon man nimo ako pagbuhat niini?”

Mga Taga-Filipos 4:5

Ang inyong pagkamapailobon ipaila ninyo sa tanang mga tawo. Ang Ginoo duol na.

Mga Taga-Colosas 1:12

maghatag sa mga pasalamat ngadto sa Amahan nga mao ang naghimo kanato nga takos sa pag-ambit sa panulundon sa mga balaan diha sa kahayag.

1 Samuel 16:5

Ug siya miingon, “Malinawon, ako mianhi aron sa paghalad alang sa Ginoo; pagbalaan kamo sa inyong kaugalingon, ug uban kanako sa paghalad.” Ug iyang gibalaan si Jesse ug ang iyang mga anak nga lalaki ug mitawag kanila ngadto sa paghalad.

1 Samuel 20:26

Bisan pa niana si Saul walay gisulti bisan unsa niadtong adlawa, kay naghunahuna siya, “Adunay nahitabo kaniya, dili siya hinlo, sa pagkatinuod siya dili hinlo.”