Sofonias 1:5

Ang Biblia 2011

kadtong nagsimba sa mga panon sa langit nga anaa sa mga atop sa balay; kadtong nagsimba ug nanumpa ngadto sa Ginoo, apan nanumpa pinaagi sa ngalan ni Milcom,

Cross References

1 Mga Hari 11:33

tungod kay ila akong gitalikdan, ug nagsimba sila kang Astarot nga diosa sa mga Sidonhanon, kang Camos nga dios sa Moab ug kang Milcom nga dios sa mga Amonihanon, ug wala sila maglakaw sa akong mga dalan, sa pagbuhat sa matarong diha sa akong panan-aw ug sa pagtuman sa akong mga lagda ug sa akong mga tulumanon, sama sa gihimo ni David nga iyang amahan.

1 Mga Hari 11:5

Kay si Solomon misimba kang Astarot, ang diosa sa mga Sidonhanon, ug kang Milcom, ang dulumtanan diha sa mga Amonihanon.

1 Mga Hari 18:21

Ug si Elias miduol ngadto sa tibuok katawhan ug miingon, “Hangtod kanus-a ba nga kamo magpalingpaling taliwala sa duha ka panghunahuna? Kon ang Ginoo mao ang Dios, sunod kamo kaniya, apan kon si Baal, sunod kamo kaniya.” Ug ang katawhan wala motubag kaniya bisan usa ka pulong.

2 Mga Hari 17:32

Sila usab adunay kahadlok sa Ginoo, ug nagtudlo gikan sa ilang kaugalingon sa tanang matang sa tawo ingon nga mga pari sa mga habog nga dapit, nga naghalad usab alang kanila diha sa mga templo sa mga habog nga dapit.

2 Mga Hari 17:33

Busa nahadlok sila sa Ginoo apan nag-alagad usab sa ilang kaugalingong mga dios, sama sa gibuhat sa mga nasod diin sila bihaga.

2 Mga Hari 17:41

Busa kining mga nasora nahadlok sa Ginoo ug nag-alagad usab sa ilang kinulit nga mga larawan; ang ilang mga anak usab ug ang mga anak sa ilang mga anak, sama sa gihimo sa ilang katigulangan, busa ila kining gihimo hangtod niining adlawa.

2 Mga Hari 23:12

Ang mga halaran nga diha sa atop sa kinatas-an nga lawak ni Ahas, nga gibuhat sa mga hari sa Juda ug ang mga halaran nga gibuhat ni Manases didto sa duha ka hawanan sa balay sa Ginoo, iyang gilumpag ug gipulpog ug ilang gisaliyab ang abog didto sa sapa sa Kidron.

Isaias 22:1

Ang mensahe mahitungod sa walog sa panan-awon. Unsay buot nimong ipasabot nga misaka man ikaw sa ibabaw sa atop sa balay,

Isaias 44:5

Kining usa moingon, ‘Ako iya sa Ginoo,’ ang usa motawag sa iyang kaugalingon sa ngalan ni Jacob, ug ang usa magsulat sa iyang kamot, ‘Iya sa Ginoo,’ ug nag-ila sa iyang kaugalingon sa ngalan ni Israel.”

Isaias 45:23

Sa akong kaugalingon ako nanumpa, gikan sa akong baba migula diha sa pagkamatarong ang pulong nga dili na mabakwi. ‘Kanako ang tanang tuhod mapiko, ang tanang mga dila manumpa.’

Isaias 48:1

Pamatia kini, O balay ni Jacob nga gitawag sa ngalan ni Israel, ug gikan sa kaliwat ni Juda nga nanumpa tungod sa ngalan sa Ginoo, ug nag-ila sa Dios sa Israel, apan dili diha sa kamatuoran o sa pagkamatarong.

Jeremias 12:16

Kon sila magkugi sa pagtuon sa mga pamaagi sa akong katawhan, sa pagpanumpa pinaagi sa akong ngalan, ‘Ingon nga ang Ginoo buhi,’ bisan ug ilang gitudloan ang akong katawhan sa pagpanumpa kang Baal, sila akong tukoron sa taliwala sa akong katawhan.

Jeremias 19:13

Ang mga balay sa Jerusalem ug ang mga balay sa mga hari sa Juda mahugawan sama sa dapit sa Tofet tungod sa tanang mga balay nga ang mga atop gisunogan ug insenso alang sa tanang panon sa langit ug nagbubo ug halad nga ilimnon alang sa laing mga dios.’ ”

Jeremias 32:29

Ang mga Caldeanhon nga makig-away batok niinig siyudara, moabot ug mosunog niini, uban sa mga balay nga ang mga atop gihalaran ug insenso alang sa Baal ug mga halad nga ilimnon gibubo alang sa laing mga dios, aron sa paghagit kanako sa pagkasuko.

Jeremias 4:2

ug kon ikaw manumpa, ‘Ingon nga ang Ginoo buhi,’ diha sa kamatuoran, sa hustisya ug sa pagkamatarong, ang mga nasod magpanalangin sa ilang kaugalingon diha kaniya, ug diha kaniya sila magpasidungog.”

Jeremias 49:1

Mahitungod sa mga Amonihanon. Mao kini ang giingon sa Ginoo: “Wala bay mga anak nga lalaki ang Israel? Wala ba siyay manununod? Busa nganong giilogan man ni Milcom ang Gad, ug ang iyang katawhan mipuyo sa mga siyudad niini?

Jeremias 5:2

Bisan pa ug sila miingon, “Ingon nga ang Ginoo buhi,” sa gihapon sila nanumpa ug bakak.

Jeremias 5:7

“Unsaon nako sa pagpasaylo kanimo? Ang imong mga anak mitalikod kanako, ug nanumpa pinaagi niadtong dili mga dios. Sa diha nga gipakaon nako sila hangtod sa pagkabusog, sila nanapaw hinuon ug nagpanon ngadto sa mga balay sa mga babaye nga nagbaligya sa ilang dungog.

Jeremias 7:10

unya moanhi kamo ug motindog sa akong atubangan sulod niining balaya nga gitawag sa akong ngalan ug mag-ingon, ‘Kita giluwas na!’—aron lamang kamo magbuhat niining tanan nga mga dulumtanan?

Jeremias 7:9

Mangawat ba kamo, mopatay, manapaw, manumpa ug bakak, magsunog ug insenso ngadto kang Baal, ug magsunod sa laing mga dios nga wala ninyo mailhi,

Jeremias 8:2

Unya katagon kini ilalom sa adlaw ug sa bulan ug sa tanang panon sa langit nga ilang gihigugma ug gialagaran, nga ilang gisunod ug ilang gipangita ug gisimba. Ug dili kini tigumon o ilubong; mahimo kining sama sa kinalibang diha sa yuta.

Oseas 10:2

Ang ilang kasingkasing maluibon; karon kinahanglang magpas-an sila sa ilang sala. Ang Ginoo magtumpag sa ilang mga halaran, ug magguba sa ilang mga haliging larawan.

Oseas 4:15

Bisan ug ikaw nagbaligya sa imong dungog, O Israel, ayaw itugot nga ang Juda magpakasala. Ayaw kamo pangadto sa Gilgal o manungas kamo sa Bet-aven, ug ayaw kamo panumpa, “Ingon nga ang Ginoo buhi.”

Amos 5:26

Dad-a ninyo si Sakut nga inyong hari ug si Kaiwan nga inyong dios nga bituon, ang inyong mga larawan nga gibuhat ninyo alang sa inyong kaugalingon.

Mateo 6:24

“Walay tawo nga makaalagad ug duha ka agalon kay mahitabo man nga dumtan niya ang usa ug higugmaon niya ang usa o dapigan niya ang usa ug tamayon niya ang usa. Dili kamo makaalagad sa Dios ug sa mga bahandi.

Mga Buhat 10:9

Sa pagkasunod adlaw, sa naglakaw pa sila ug nagkaduol na sa lungsod, si Pedro usab misaka sa atop sa balay sa udtong tutok aron mag-ampo.

Roma 14:11

kay nasulat kini, “Ingon nga ako buhi, nag-ingon ang Ginoo, ang tanan moluhod sa akong atubangan, ug ang tanang dila magsugid ngadto sa Dios.”

Deuteronomio 10:20

Kahadloki ninyo ang Ginoo nga inyong Dios. Alagari siya ug pakighiusa kaniya ug panumpa pinaagi sa iyang ngalan.

Deuteronomio 4:19

Ug pagmatngon kamo kay tingali unya ug sa pagyahat ninyo sa inyong mga mata sa langit ug sa dihang makita ninyo ang adlaw ug ang bulan ug ang mga bituon, ang tanang panon sa langit, madani kamo ug mosimba kanila ug mag-alagad kanila, mga butang nga gihatag sa Ginoo nga inyong Dios alang sa tanang mga katawhan ilalom sa tibuok nga langit.

Josue 23:7

aron dili kamo matipon niining mga nasod nga nahibilin sa taliwala ninyo o maghisgot sa mga ngalan sa ilang mga dios o manumpa pinaagi kanila o mag-alagad kanila o magyukbo sa inyong kaugalingon ngadto kanila.