Sofonias 1:16

Ang Biblia 2011

adlaw sa pagpatingog sa trumpeta, singgit alang sa gubat, batok sa mga kinutaang siyudad ug batok sa mga habog nga mga bantayanang tore.

Cross References

Isaias 27:13

Ug nianang adlawa ang usa ka dakong trumpeta patingogon, ug kadtong mga nangawala sa yuta sa Asiria ug kadtong giabog ngadto sa yuta sa Ehipto manganhi ug magsimba sa Ginoo diha sa balaang bukid sa Jerusalem.

Isaias 32:14

Kay ang palasyo biyaan, ang siyudad nga adunay daghang nagpuyo talikdan; ang bungtod ug ang tore mahimong mga lungib hangtod sa kahangtoran, usa ka kalipay sa mga asno nga ihalas, usa ka sibsibanan sa panon sa karnero;

Isaias 59:10

Kami nagpanghikap sa bungbong sama sa buta, kami nagpanghikap sama niadtong walay mga mata; kami nadagma diha sa kaudtohon ingon sa kilomkilom, taliwala kanila nga himsog, kami sama sa mga tawong patay.

Jeremias 6:1

Pangagiw kamo aron maluwas, O katawhan ni Benjamin, gikan sa kinataliwad-an sa Jerusalem! Patingoga ang trumpeta didto sa Tekoa, ug pag-isa ug ilhanan diha sa Bet-hakerem, kay ang daotan mitunga gikan sa amihanan, ug ang usa ka dakong pagkalaglag.

Jeremias 8:16

“Ang pangusmo sa ilang mga kabayo nadungog gikan sa Dan, sa pagbahihi sa ilang mga kabayo ang tibuok yuta mikurog. Sila miabot ug milamoy sa yuta ug sa tanan nga anaa niini, ang siyudad ug kadtong nagpuyo sa sulod niini.

Ezequiel 7:7

Ang inyong kaalaotan miabot na kaninyo, O lumulupyo sa yuta. Ang panahon miabot na, ang adlaw nagkaduol, ang adlaw sa kagubot ug dili sa malipayong pagsinggit diha sa mga bukid.

Oseas 5:8

Patingoga ninyo ang budyong sa Gibea, ang trumpeta sa Rama. Patingoga ang pasidaan diha sa Bet-aven, pagkurog, O Benjamin!

Oseas 8:1

Itaon sa imong baba ang trumpeta! Kay ang agila anaa sa balay sa Ginoo, tungod kay ilang giguba ang akong kasabotan ug gilapas ang akong Balaod.

Joel 2:1

Patingoga ninyo ang trumpeta didto sa Zion; ipalanog ang pasidaan diha sa akong bukid nga balaan! Pakuroga ang tanang nagpuyo sa yuta kay ang adlaw sa Ginoo nagsingabot, nagkaduol na,

Amos 3:6

Gipatingog ba ang trumpeta diha sa siyudad, ug ang katawhan wala mahadlok? Mahiagom ba sa kadaotan ang usa ka siyudad gawas kon ang Ginoo ang naghimo niini?

Habacuc 3:6

Mitindog siya ug gisukod ang yuta; mitan-aw siya ug gitay-og ang mga nasod; unya gikatag ang walay kataposan nga kabukiran, naunlod ang mga bungtod nga walay kataposan. Ang iyang mga pamaagi sama sa karaang panahon.

Deuteronomio 28:52

Ug sila mosulong kaninyo sa tanan ninyong mga lungsod, hangtod nga mapukan ang inyong mga tag-as ug lig-on nga mga kuta nga inyong gisaligan sa tibuok ninyong yuta. Ug sila mosulong kaninyo sa tanan ninyong mga lungsod, sa tibuok ninyong yuta nga gihatag kaninyo sa Ginoo nga inyong Dios.

Josue 6:20

Busa ang katawhan naninggit ug ang mga trumpeta gipatingog. Sa pagkadungog sa katawhan sa tingog sa trumpeta, ang katawhan misinggit sa kusog nga tingog ug ang paril natumpag nga nahapla. Unya ang mga tawo misulod sa siyudad, ang matag tawo lahos sa iyang giatubang ug ilang gikuha ang siyudad.