Sofonias 1:12

Ang Biblia 2011

Nianang panahona susihon nako ang Jerusalem ginamit ang mga lampara, ug silotan nako ang mga tawo nga nahiuyon sa ilang kahimtang, nga nag-ingon diha sa ilang kasingkasing, “Ang Ginoo dili magbuhat ug maayo, o magbuhat ug daotan.”

Cross References

Job 21:15

Unsa ba ang Labing Gamhanan, nga nag-alagad man kami kaniya? Ug unsa may makuha namo kon kami mag-ampo kaniya?’

Salmo 10:4

Tungod sa garbo sa iyang pagbati ang daotan wala mangita kaniya; ang tanan niyang panghunahuna, “Walay Dios.”

Salmo 14:1

Ang buangbuang nag-ingon diha sa iyang kasingkasing, “Walay Dios.” Dunot sila, nagbuhat ug mga buhat nga dulumtanan, walay si bisan kinsa nga nagbuhat ug maayo.

Salmo 94:7

ug nag-ingon sila, “Ang Ginoo dili makakita; ang Dios ni Jacob dili makamatikod.”

Isaias 5:19

nga nag-ingon, “Padalia siya, papaspasa siya sa iyang buhat, aron amo kining makita; ug ipatuman ang tuyo sa Balaan sa Israel, ug paanhia kini aron amo kining masayran!”

Jeremias 10:5

Kini sama sa tawotawo sa uma sa pakwan ug dili kini makasulti; kinahanglan nga kini pas-anon kay dili man kini makalakaw. Ayaw kahadlok kanila, kay kini dili makabuhat ug daotan, o anaa niini ang pagbuhat ug maayo.”

Jeremias 48:11

“Ang Moab nagpuyo sa kasayon sukad sa iyang pagkabatan-on ug siya nahimutang sa iyang linugdang; siya wala gayod ikahuwad gikan sa usa ka sudlanan ngadto sa usa ka sudlanan o mahiadto sa pagkabihag; busa ang iyang lami nagpabilin kaniya, ug ang iyang kahumot wala mausab.

Ezequiel 8:12

Unya siya miingon kanako, “Anak sa tawo, nakita ba nimo ang gibuhat sa mga kadagkoan sa Israel diha sa ngitngit, ang matag tawo diha sa sulod sa lawak sa mga hulagway? Sila nag-ingon, ‘Ang Ginoo dili makakita kanamo, ang Ginoo mibiya sa yuta.’ ”

Ezequiel 9:4

Ug ang Ginoo miingon kaniya, “Lakaw, latas sa siyudad, latas sa Jerusalem, ug ibutang ang usa ka timaan diha sa mga agtang sa mga tawo nga nagpanghupaw ug nag-agulo tungod sa tanang mga dulumtanan nga gibuhat diha niini.”

Ezequiel 9:9

Unya siya miingon kanako, “Ang kasal-anan sa balay sa Israel ug sa Juda hilabihan ka dako, ug ang yuta napuno sa dugo, ug ang siyudad napuno sa pagtuis sa hustisya kay sila nag-ingon man, ‘Ang Ginoo mibiya sa yuta, ug ang Ginoo dili makakita.’

Amos 6:1

“Alaot kadtong anaa sa kasayon diha sa Zion, ug kadtong mibati ug kasigurohan diha sa bukid sa Samaria, ang mga inilang tawo nga una taliwala sa mga nasod, nga kanila miadto ang banay sa Israel!

Abdias 1:6

Ang kabtangan ni Esau gilungkab gihurot ang iyang mga bahandi!

Malaquias 2:17

Gipakapoy ninyo ang Ginoo sa inyong mga pulong. Apan kamo miingon, “Giunsa namo pagpakapoy siya?” Pinaagi sa pag-ingon, “Ang matag usa nga nagbuhat ug daotan maayo sa atubangan sa Ginoo ug siya nahimuot kanila.” O pinaagi sa pag-ingon, “Hain man ang Dios sa hustisya?”

2 Pedro 3:4

ug mag-ingon, “Hain na man ang saad sa iyang pag-anhi? Kay sukad sa pagkamatay sa atong mga katigulangan, ang tanang mga butang nagpabilin man nga mao ra gihapon gikan sa sinugdanan sa pagbuhat sa kalibotan.”

Gipadayag 2:23

ug ang iyang mga anak akong laglagon pinaagi ug kamatay. Unya ang tanang mga iglesia makaila nga ako mao ang magsusi sa hunahuna ug kasingkasing ug ako magbalos sa matag usa kaninyo sumala sa inyong mga binuhatan.