Tito 1:9

Ang Biblia 2011

nga naghupot pag-ayo sa kasaligang pulong sumala sa gitudlo kaniya, aron makahimo siya sa pagdasig pinaagi sa hustong pagtulun-an ug sa pagbadlong sa mga nagsupak niini.

Cross References

Job 2:3

Ang Ginoo miingon kang Satanas, “Nahunahunaan ba nimo ang akong sulugoon nga si Job nga walay sama kaniya diha sa yuta, walay ikasaway ug matarong nga tawo, mahadlokon sa Dios ug naglikay sa daotan? Siya naghupot gihapon sa iyang pagkamatarong, bisan ug giagda nimo ako batok kaniya nga laglagon siya sa walay hinungdan.”

Job 27:6

Akong huptan ang akong pagkamatarong ug dili gayod nako buhian; ang akong kasingkasing dili magsudya kanako samtang buhi pa ako.

Mga Panultihon 23:23

Palita ang kamatuoran ug ayaw kini ibaligya; palita ang kaalam, pahimangno ug ang salabotan.

Mga Buhat 18:28

kay gilupig niya pag-ayo ang mga Judio sa atubangan sa kadaghanan, nagpamatuod pinaagi sa kasulatan nga ang Cristo mao si Jesus.

1 Mga Taga-Corinto 14:24

Apan kon ang tanan magpropesiya, ug unya mosulod ang usa ka tawo nga dili magtutuo o walay nahibaloan, siya sudyaan sa tanan, siya hukman sa tanan,

1 Mga Taga-Tesalonica 5:21

sutaa ninyo ang tanang butang, hupti ninyo ang maayo,

2 Mga Taga-Tesalonica 2:15

Busa, mga igsoon, barog kamo nga lig-on ug hupti ang mga lagda nga gitudlo kaninyo pinaagi sa pulong nga gisulti o pinaagi sa among sulat.

1 Timoteo 1:10

sa mga makihilawason, sa mga makig-unay ug isigkalalaki, sa mga mamimihag ug tawo, sa mga bakakon, sa mga tigpanumpa ug bakak, ug bisan unsa pa nga kabatok sa maayong pagtulun-an

1 Timoteo 1:15

Kasaligan ang pulong ug takos nga dawaton sa hingpit, nga si Cristo Jesus mianhi sa kalibotan aron sa pagluwas sa mga makasasala. Ug ako mao ang labaw sa mga makasasala,

1 Timoteo 1:19

magbaton ug pagtuo ug maayong tanlag. Ang uban nga nagsalikway niini nangalunod sa ilang pagtuo.

1 Timoteo 4:9

Ang maong pulong kasaligan ug takos nga dawaton sa hingpit.

1 Timoteo 6:3

Kon adunay tawo nga nagtudlo ug sukwahi niini ug wala mouyon sa maayong mga pulong sa atong Ginoong Jesu-Cristo ug sa pagtulun-an nga sibo sa pagkadiosnon,

2 Timoteo 1:13

Sunda ang sumbanan sa mga maayong pulong nga imong nadungog gikan kanako, diha sa pagtuo ug sa gugma nga anaa kang Cristo Jesus.

2 Timoteo 2:2

ug ang mga butang nga imong nadungog gikan kanako sa atubangan sa daghang mga saksi, itugyan ngadto sa kasaligan nga mga tawo nga may katakos sa pagpanudlo usab sa uban.

2 Timoteo 2:25

Uban sa kalumo kinahanglang magbadlong siya sa nagsupak kaniya, kay basin ug itugot sa Dios nga sila maghinulsol ug modangat sa pag-ila sa kamatuoran,

2 Timoteo 3:14

Apan ikaw, padayon diha sa imong nakat-onan ug gituohan pag-ayo, nga nahibalo kon kinsa ang imong nakat-onan niini,

2 Timoteo 4:3

Kay moabot ang panahon nga ang mga tawo dili na molahutay sa maayong pagtulun-an, kondili sumala sa ilang kaugalingong mga pangibog, magpatigom sila ug mga magtutudlo nga maghapohap sa ilang nagkatol nga mga dalunggan,

Tito 1:11

nga kinahanglang pahilomon kay sila nangguba ug tibuok nga mga panimalay pinaagi sa pagpanudlo ug mga butang nga dili angay, aron sa pagpanapi.

Tito 2:1

Apan ikaw, isulti ang mga butang nga nahiangay sa hustong pagtulun-an.

Judas 1:3

Mga hinigugma, maikagon gayod ako sa pagsulat kaninyo mahitungod sa atong gikausahang kaluwasan, kay gikinahanglan ang pagsulat nako aron pagdasig kaninyo sa pagpakigbisog alang sa pagtuo nga makausa lamang itugyan ngadto sa mga balaan.

Gipadayag 2:25

kupti lamang ninyo pag-ayo ang anaa kaninyo, hangtod sa akong pag-anha.

Gipadayag 3:11

Moanha na ako sa dili madugay. Kupti pag-ayo ang anaa kanimo aron walay makailog sa imong purongpurong.

Gipadayag 3:3

Busa hinumdomi ang imong nadawat ug nadungog; tumana kini ug paghinulsol. Kay kon dili ka man magmata, moanha ako sama sa kawatan, ug dili nimo mahibaloan ang takna sa akong pag-anha kanimo.