Tito 1:3

Ang Biblia 2011

ug sa gitakda nga panahon gikapadayag diha sa iyang pulong pinaagi sa pagwali nga gipiyal kanako sumala sa sugo sa Dios nga atong Manluluwas.

Cross References

Isaias 12:2

“Sa pagkatinuod ang Dios mao ang akong kaluwasan; ako mosalig, ug dili mahadlok kay ang Ginoong Dios mao ang akong kusog ug ang akong awit, ug siya nahimo nga akong kaluwasan.”

Isaias 45:15

Ikaw mao gayod ang Dios nga nagtago sa imong kaugalingon, O Dios sa Israel, ang Manluluwas.

Isaias 45:21

Ipahayag ug ipasaka ang inyong sumbong; pasabotsabota sila! Kinsay nagsugilon niini kaniadto? Kinsay nagpahayag niini kaniadto? Dili ba ako, ang Ginoo? Wala nay laing Dios gawas kanako, usa ka matarong nga Dios ug usa ka Manluluwas; wala nay lain gawas kanako.

Daniel 11:27

Mahitungod sa duha ka hari, ang ilang mga hunahuna maninguha sa pagbuhat ug kadaot, sila magsulti ug bakak diha sa mao rang lamisa apan walay kahimoan kay ang kataposan adto pa man sa panahon nga gitakda.

Daniel 8:23

Sa ulahing panahon sa ilang paghari, sa diha nga ang mga malapason moabot na sa hingpit nga sukod, ang usa ka hari nga isog ug panagway, siya nga makasabot ug mga tigmo mobarog.

Daniel 9:24

Ang gisugo mahitungod sa imong katawhan ug sa imong balaang siyudad, sa paghuman sa kalapasan ug sa pagtapos sa mga sala, ug sa paghimo sa pagtabon alang sa kasal-anan, ug sa pagdala sa walay kataposang pagkamatarong, ug sa pagmatuod sa panan-awon ug sa propeta, ug pagdihog sa labing balaan nga dapit, 70 ka pito ka tuig.

Habacuc 2:3

Kay sa gihapon ang panan-awon nagpaabot sa panahon niini; kini nagdali paingon sa kataposan, dili kini mamakak. Kon daw dugay kini, paabota kini; moabot gayod kini, dili kini maglangay.

Marcos 1:15

ug nag-ingon, “Ang panahon miabot na, ug ang gingharian sa Dios ania na. Paghinulsol ug tuo kamo sa Maayong Balita.”

Marcos 13:10

Ug ang Maayong Balita kinahanglang iwali una ngadto sa tanang kanasoran.

Marcos 16:15

Ug siya miingon kanila, “Panglakaw kamo ngadto sa tibuok kalibotan ug iwali ninyo ang Maayong Balita ngadto sa tanang binuhat.

Lucas 1:47

ug ang akong espiritu nagkalipay diha sa Dios nga akong Manluluwas,

Mga Buhat 10:36

Kini mao ang pulong nga iyang gipadala ngadto sa katawhan sa Israel, sa iyang pagwali sa Maayong Balita sa kalinaw pinaagi kang Jesu-Cristo nga mao ang Ginoo sa tanan.

Mga Buhat 17:26

Siya nagbuhat sa tanang nasod sa katawhan gikan sa usa ka tawo aron mopuyo sa tanang dapit sa yuta, human niya maandam ang mga gitakda nga kapanahonan ug ang mga utlanan sa mga dapit nga ilang puy-an,

Roma 15:19

Pinaagi sa gahom sa mga milagro ug sa mga katingalahan, pinaagi sa gahom sa Espiritu sa Dios, nga tungod niana, natapos nako pagwali ang Maayong Balita mahitungod kang Cristo sukad sa Jerusalem hangtod sa kayutaan libot sa Ilirico.

Roma 16:25

Ngadto kaniya nga makahimo paglig-on kaninyo sumala sa akong Maayong Balita ug sa pagsangyaw kang Jesu-Cristo, sumala sa pagpadayag sa misteryo nga gitipigan sa hilom sulod sa taas nga panahon

Roma 16:26

apan karon gipadayag na, ug pinaagi sa mga sinulat sa mga propeta gibutyag na ngadto sa tanang kanasoran, sumala sa mando sa Dios nga dayon, aron sila magmatinumanon diha sa pagtuo,

Roma 5:6

Samtang luya pa kita, sa tukma nga panahon, si Cristo nagpakamatay alang sa mga dili diosnon.

1 Mga Taga-Corinto 9:17

Kay kon gibuhat man kini nako sa akong kabubut-on makadawat ako ug ganti, apan kon dili man sa akong kabubut-on, ako gipiyalan ingon nga tinugyanan.

Mga Taga-Galacia 4:4

Apan sa pag-abot na sa tukma nga panahon, ang Dios mipadala sa iyang Anak nga natawo pinaagi sa usa ka babaye, natawo ilalom sa Balaod,

Mga Taga-Efeso 1:10

ingon nga usa ka laraw nga tumanon inig-abot sa tukma nga panahon, sa paghiusa sa tanang mga butang diha kaniya, mga butang sa langit ug mga butang dinhi sa yuta.

Mga Taga-Efeso 2:17

Ug sa iyang pag-anhi, siya nagsangyaw sa maayong balita sa pakigdait nganha kaninyo nga kaniadto layo ug sa pakigdait ngadto kanila nga duol,

Mga Taga-Filipos 1:13

nga tungod niana nahibaloan na sa tibuok palasyo ug sa uban pa nga ang akong pagkabilanggo alang kang Cristo.

Mga Taga-Colosas 1:23

kon kamo magpadayon gayod sa pagtuo, dili matarog ug lig-on ug dili mobulag sa paglaom sa Maayong Balita nga inyong nadungog nga giwali ngadto sa tanang mga binuhat ilalom sa langit ug nga niini ako, si Pablo, nahimong alagad.

Mga Taga-Colosas 1:6

nga miabot kaninyo. Ingon nga kini namunga gayod ug nagmalamboon sa tibuok kalibotan mao usab diha kaninyo, sukad pa niadtong adlaw nga nakadungog ug nakasabot kamo sa grasya sa Dios diha sa kamatuoran,

1 Mga Taga-Tesalonica 2:4

hinuon, ingon nga kami gitugotan sa Dios aron piyalan sa Maayong Balita, busa kami nagsulti, dili ingon nga pagpahimuot sa tawo kondili sa Dios nga nagsulay sa among mga kasingkasing.

1 Timoteo 1:1

Si Pablo, apostol ni Cristo Jesus sumala sa sugo sa Dios nga atong Manluluwas ug ni Cristo Jesus nga atong paglaom,

1 Timoteo 1:11

sumala sa mahimayaong Maayong Balita sa dalaygong Dios nga niini ako gitugyanan.

1 Timoteo 2:3

Kini maayo ug makapahimuot sa panan-aw sa Dios nga atong Manluluwas,

1 Timoteo 4:10

Kay tungod niini kita naghago ug nanglimbasog, kay ato mang gipahimutang ang atong paglaom diha sa buhing Dios, nga mao ang Manluluwas sa tanang tawo, ilabina gayod sa mga nagtuo.

2 Timoteo 4:17

Apan ang Ginoo mibarog tupad kanako ug gilig-on ako aron pinaagi kanako ang pagsangyaw hingpit nga matuman ug ang tanang mga Gentil makadungog niini. Ug ako giluwas gikan sa baba sa liyon.

Tito 2:10

dili mangawat, hinuon magpakita sila sa bug-os nga pagsalig, aron nga diha sa tanang butang mahimo nila nga angayan ang pagtulun-an sa Dios nga atong Manluluwas.

Tito 2:13

samtang magpaabot kita sa atong bulahan nga paglaom ug pagpadayag sa himaya ni Jesu-Cristo nga atong dakong Dios ug Manluluwas.

Gipadayag 14:16

Ug ang naglingkod sa ibabaw sa panganod migamit sa iyang galab sa ibabaw sa kalibotan, ug ang yuta gianihan.