Tito 1:12

Ang Biblia 2011

Usa kanila, nga ilang kaugalingong propeta, miingon, “Ang mga Cretanhon kanunay gayong bakakon, mga mananap nga daotan, mga palakaon nga tapolan.”

Cross References

Mga Buhat 17:28

kay ‘Diha kaniya kita nabuhi ug naglihok ug nahimo kitang mao’, ingon usab sa giingon sa uban ninyong mga magbabalak, ‘Sa pagkatinuod kita iyang kaliwat.’

Mga Buhat 2:11

mga taga-Creta ug mga taga-Arabia, kita nakadungog kanila nga nagsulti sa atong kaugalingong pinulongan mahitungod sa mga gamhanang buhat sa Dios.”

Mga Buhat 27:12

Ug tungod kay ang dunggoanan dili man maayong pundohan panahon sa tingtugnaw, ang kadaghanan mitambag sa pagpalawig gikan didto sa pagpamasin nga makaabot ra sila sa Fenicia, usa ka dunggoanan sa Creta, nga nag-atubang sa habagatang kasadpan ug sa amihanang kasadpan, ug sa pagpalabay sa tingtugnaw didto.

Mga Buhat 27:13

Ug sa diha nga mihuros paghinay ang habagat, sa pagdahom nga nakab-ot na nila ang ilang tuyo, giisa nila ang angkla ug milawig subay sa Creta, duol sa baybayon.

Mga Buhat 27:7

Sulod sa daghang mga adlaw sa naglawig kami sa hinayhinay, naglisod kami pag-abot sa atbang sa Nido ug kay ang hangin wala man motugot kanamo sa pagpadayon, milawig kami salipod sa Creta atbang sa Salmone.

Roma 16:18

Kay kini sila wala mag-alagad sa atong Ginoong Cristo, kondili sa ilang kaugalingong tiyan, ug pinaagi sa nindot ug madanihong mga pulong naglimbong sila sa kasingkasing sa mga yano ug panabot.

Mga Taga-Filipos 3:19

Ang ilang dangatan mao ang kalaglagan, ang ilang dios mao ang tiyan, ug ang ilang himaya diha sa ilang kaulawan, ang ilang mga hunahuna anaa sa mga yutan-ong butang.

1 Timoteo 4:2

pinaagi sa pagpakaaron-ingnon sa mga bakakon nga ang kaugalingong tanlag gipasoan sa nagbagang puthaw,

Tito 1:5

Mao kini ang hinungdan nga gibilin ko ikaw sa Creta, aron ipahimutang nimo ang mga butang nga nakulang ug magtudlo ikaw ug mga kadagkoan sa matag lungsod sumala sa akong gisugo kanimo,

2 Pedro 2:12

Apan kini silang mga tawhana, sama sa walay kabuot nga mga mananap nga sa kinaiyahan nahimugso aron dakpon ug patyon, nagpasipala sa mga butang nga sila walay alamag; kini sila laglagon gayod unya diha sa samang pagkalaglag uban kanila,

2 Pedro 2:15

Sila mitalikod sa matuod nga dalan ug nangasaag. Sila nagsunod sa pamaagi ni Balaam, ang anak ni Beor nga nahigugma sa suhol nga dili matarong,