Salmo 70:2

Ang Biblia 2011

Itugyan sa kaulawan ug kalibog kadtong nagtinguha sa akong kinabuhi! Pasiboga ug ipadala ngadto sa kaulawan kadtong nagtinguha sa akong kadaot!

Cross References

Salmo 35:26

Himoa nga mabutang sila sa kaulawan ug sa kagubot, sila nga nangalipay sa akong katalagman! Himoa nga magsul-ob sila sa kaulawan ug pagkawalay dungog, kadtong nagpadako sa ilang kaugalingon batok kanako!

Salmo 35:4

Pakaulawi ug kuhai sa dungog ang mga nagtinguha sa akong kinabuhi! Pasiboga ug liboga ang mga naglaraw ug daotan batok kanako!

Juan 18:6

Sa pag-ingon ni Jesus kanila, “Ako mao siya,” sila nanibog ug nangatumba sa yuta.

Isaias 41:11

Silang tanan nga nangasilag kanimo pakaulawan ug libogon; sila nga makigbisog batok kanimo mahimong daw wala, ug mangahanaw.

Salmo 109:29

Magbisti unta ug kaulawan ang mga nakigbatok kanako; maputos unta sila sa ilang kaugalingong kaulaw sama sa usa ka kupo!

Salmo 71:13

Ang akong mga kaaway mabutang unta sa kaulawan ug malaglag; matabonan unta sa kaulawan ug sa pagkatalamayon kadtong nagtinguha sa akong kadaot.

Isaias 28:13

Busa ang pulong sa Ginoo alang kanila mao ang sugo ibabaw sa sugo, sugo ibabaw sa sugo; lagda ibabaw sa lagda, lagda ibabaw sa lagda, diyotay dinhi, diyutay didto; aron sila mangadto, ug mangahayang, ug mangabali, ug malaang ug madakpan.

Salmo 6:10

Maulawan ug mangalisang pag-ayo ang tanan nakong mga kaaway; sila motalikod, ug pakaulawan sa kalit gayod.

Salmo 22:12

Gilibotan ako sa daghang torong baka, kusgan nga mga torong baka sa Basan ang naglibot kanako;

Salmo 22:20

Luwasa ang akong kalag gikan sa espada, ang akong kinabuhi gikan sa gahom sa iro!

Salmo 40:14

Himoa nga maulawan ug magubot sila nga mga nagtinguha sa akong kinabuhi aron sa paglaglag niini; pasiboga sila ug pakaulawi sila nga nagtinguha sa akong kadaot!

Salmo 71:12

O Dios, ayaw pagpalayo gikan kanako; O akong Dios, pagdali sa pagtabang kanako!

Salmo 141:1

Nagsangpit ako kanimo, O Ginoo; pagdali nganhi kanako! Patalinghogi ang akong tingog sa diha nga ako mosangpit kanimo!