O Dios, luwasa ako! O Ginoo, pagdali sa pagtabang kanako!
Pagdali sa pagtubag kanako, O Ginoo! Naluya na ang akong espiritu! Ayaw tagoa ang imong nawong gikan kanako, aron dili ako mahisama niadtong mga nanganaog ngadto sa Gahong.
O Dios, ayaw pagpalayo gikan kanako; O akong Dios, pagdali sa pagtabang kanako!
O Ginoo, ayaw ako badlonga diha sa imong kasuko, o kastigoha diha sa imong kapungot!
Paduol kanako, lukata ako; palingkawasa ako tungod sa akong mga kaaway.
