Salmo 127:3

Ang Biblia 2011

Tan-awa, ang mga anak mao ang panulundon gikan sa Ginoo, ang bunga sa taguangkan mao ang ganti.

Cross References

Genesis 1:28

Ug gipanalanginan sila sa Dios, ug ang Dios miingon kanila, “Sanay kamo ug panaghan, ug lukpa ang yuta ug dumalaha kini ug kamo ang maggahom ibabaw sa mga isda sa dagat, ug sa mga langgam sa kalangitan, ug sa tanan nga buhing binuhat nga naglihok sa ibabaw sa yuta.”

Genesis 24:60

Ug gipanalanginan nila si Rebecca, ug miingon sila kaniya, “Among igsoon, mahimo unta ikaw nga inahan sa liboan ka libo ug maangkon unta sa imong kaliwatan ang ganghaan niadtong nagdumot kanila.”

Genesis 33:5

Sa dihang giyahat ni Esau ang iyang mga mata ug nakita niya ang mga babaye ug ang mga bata, siya miingon, “Kinsa ba kini sila nga kuyog kanimo?” Ug si Jacob miingon, “Ang mga bata nga tungod sa kaluoy sa Dios gihatag niya sa imong ulipon.”

Genesis 4:1

Ug si Adan nakighilawas kang Eva nga iyang asawa ug kini nanamkon, unya nanganak kang Cain ug miingon, “Nanganak ako ug usa ka lalaki tungod sa tabang sa Ginoo.”

Genesis 48:4

Ug siya miingon kanako, ‘Tan-awa, ikaw himoon nako nga mabungahon, ug ikaw akong padaghanon ug himoon nga usa ka panon sa mga katawhan. Ug ihatag ko kining yutaa sa imong mga kaliwat nga mosunod kanimo ingon nga panulundon nga dayon.’

2 Samuel 3:5

Ang ikaunom mao si Itream, kang Egla nga asawa ni David. Kini sila ang nangatawo kang David didto sa Hebron.

1 Cronicas 28:5

Ug gikan sa tanan nakong mga anak nga lalaki, kay ang Ginoo naghatag kanako ug daghang mga anak nga lalaki, siya nagpili kang Solomon nga akong anak sa paglingkod sa trono sa gingharian sa Ginoo ibabaw sa Israel.

1 Cronicas 8:40

Ang mga anak nga lalaki ni Ulam mga tawo nga isog nga manggugubat, mga tigpana, adunay daghang mga anak nga lalaki, ug mga apo, 150. Kini silang tanan mga kaliwat ni Benjamin.

Job 1:2

Ug nangatawo ngadto kaniya ang pito ka anak nga lalaki ug tulo ka anak nga babaye.

Isaias 13:18

Ang ilang mga pana mopatay sa mga batan-ong lalaki; sila walay kaluoy sa bunga sa tagoangkan, ang ilang mga mata dili maluoy sa kabataan.

Isaias 8:18

Tan-awa, ako ug ang mga anak nga gihatag sa Ginoo kanako mao ang mga timaan ug ang mga ilhanan diha sa Israel gikan sa Ginoo sa mga panon nga nagpuyo sa bukid sa Zion.

Deuteronomio 28:11

Ug ang Ginoo magpadagaya kaninyo diha sa kauswagan, sa bunga sa inyong lawas, sa bunga sa inyong kahayopan, sa mga bunga sa inyong yuta, sa yuta nga gipanumpa sa Ginoo ngadto sa inyong katigulangan nga ihatag niya kaninyo.

Deuteronomio 28:4

Mabulahan ang bunga sa inyong lawas ug ang bunga sa inyong yuta ug ang bunga sa inyong mga mananap, ang tubo sa inyong mga baka ug ang mga nati sa inyong panon sa karnero.

Mga Maghuhukom 12:9

Siya adunay 30 ka anak nga lalaki, ug ang 30 ka anak niya nga babaye iyang giminyo gawas sa iyang banay, ug 30 ka babaye nga gikan sa gawas alang sa iyang mga anak nga lalaki. Ug siya nahimong maghuhukom sa Israel sulod sa pito ka tuig.

1 Samuel 1:27

Alang niining bataa ako nag-ampo ug ang Ginoo mihatag kanako sa akong gihangyo kaniya.