Salmo 127:2

Ang Biblia 2011

Kawang lamang ang inyong sayo nga pagbangon ug dugay nga mopahulay magkaon sa pan sa kabudlay, kay siya naghatag ug pagkatulog sa iyang mga gihigugma.

Cross References

Job 11:18

Ug ikaw makabaton ug pagsalig tungod kay adunay paglaom; panalipdan ikaw ug makapahulay nga layo sa kakuyaw.

Salmo 3:5

Mihigda ako ug natulog; mimata ako kay ang Ginoo nagsapnay kanako.

Salmo 4:8

Diha sa kalinaw ako mohigda ug matulog; kay ikaw lamang, O Ginoo, ang nagpapuyo kanako nga layo sa kakuyaw.

Salmo 60:5

Aron maluwas ang imong mga gihigugma, hatagi ug kadaogan pinaagi sa imong tuong kamot ug tubaga kami!

Mga Panultihon 10:22

Ang panalangin sa Ginoo makapadato, ug siya wala magdugang ug kasubo niini.

Ecclesiastes 1:14

Nakita nako ang tanang mga nabuhat ilalom sa adlaw; ug tan-awa, ang tanan kakawangan ug usa lamang ka paggukod sa hangin.

Ecclesiastes 4:8

usa ka tawo nga nag-inusara, walay anak o igsoon, apan walay kataposan ang tanan niyang paghago, ug ang iyang mga mata wala gayod matagbaw sa mga bahandi, mao nga siya mangutana, “Alang kang kinsa ako naghago ug naghikaw sa akong kaugalingon sa kalipay?” Kini usab kakawangan ug usa ka makasusubo nga buluhaton.

Ecclesiastes 5:12

Tam-is ang pagkatulog sa usa ka mamumuo, mokaon man siya ug diyotay o daghan, apan ang pagkabuhong sa adunahan dili motugot kaniya sa pagkatulog.

Ecclesiastes 6:7

Ang tanan nga paghago sa tawo alang lamang sa iyang baba, apan bisan pa niana ang iyang kahinam dili matagbaw.

Jeremias 31:26

Dinhi niini ako nakamata, ug mitan-aw ug ang akong pagkatulog tam-is alang kanako.

Ezequiel 34:25

“Ako magbuhat uban kanila ug usa ka kasabotan sa pakigdait ug puohon nako ang mga bangis nga mananap gikan sa yuta ug sila magpuyo nga layo sa kakuyaw diha sa kamingawan ug mangatulog diha sa kalasangan.