Salmo 127:1

Ang Biblia 2011

Gawas kon ang Ginoo ang magtukod sa balay, kawang lamang ang kahago niadtong mga nagtukod niini. Gawas kon ang Ginoo ang magbantay sa siyudad, kawang lamang ang pagtukaw sa tawo nga nagbantay.

Cross References

1 Mga Hari 5:12

Ug ang Ginoo naghatag kang Solomon ug kaalam, sumala sa iyang gisaad kaniya, ug adunay pakigdait taliwala ni Hiram ug ni Solomon. Ug silang duha naghimo ug usa ka kasabotan.

1 Cronicas 28:10

Pamati karon kay ang Ginoo nagpili kanimo sa pagtukod ug usa ka balay alang sa balaang puluy-anan, pagmakusganon ug buhata kini.”

1 Cronicas 28:20

Unya si David miingon kang Solomon nga iyang anak “Pagmakusganon ug pagmaisugon ug buhata kini. Ayaw kahadlok o pagkaluya, kay ang Ginoong Dios nga akong Dios mag-uban kanimo. Siya dili mopakyas kanimo o motalikod kanimo, hangtod nga ang tanang buhat alang sa pag-alagad sa balay sa Ginoo matapos.

1 Cronicas 29:19

Itugot kang Solomon nga akong anak nga sa tibuok nga kasingkasing siya magtuman sa imong mga sugo, sa imong mga pagpamatuod, ug sa imong mga lagda, ug magbuhat niining tanan ug nga iyang matukod ang puluy-anan nga niini ako nagsangkap.”

Salmo 120:1

Sa akong kalisdanan mituaw ako sa Ginoo, aron siya motubag kanako:

Salmo 121:1

Iyahat nako ang akong mga mata ngadto sa kabungtoran; Diin ba maggikan ang akong tabang?

Salmo 122:1

Nalipay ako sa pag-ingon nila kanako, “Mangadto kita sa balay ni Ginoo!”

Salmo 123:1

Kanimo giyahat nako ang akong mga mata, O ikaw nga naglingkod nga hari sa kalangitan!

Salmo 124:1

Kon dili pa ang Ginoo dapig kanato, —pasultiha ang Israel—

Salmo 125:1

Kadtong nagsalig sa Ginoo nahisama sa bukid nga Zion, nga dili matarog, apan magpabilin hangtod sa kahangtoran.

Salmo 126:1

Sa dihang gibalik sa Ginoo ang maayong kahimtang sa Zion, kita sama niadtong mga nagdamgo.

Salmo 72:1

Ihatag sa hari ang imong mga hustisya, O Dios, ug ang imong pagkamatarong ngadto sa anak sa hari!

Salmo 78:69

Gitukod niya ang iyang balaang puluy-anan sama sa mga kahitas-an, sama sa yuta nga iyang gipahimutang hangtod sa kahangtoran.

Mga Panultihon 16:9

Ang kasingkasing sa tawo maglaraw sa iyang pamaagi, apan ang Ginoo magmando sa iyang mga lakang.

Ecclesiastes 9:11

Nakita usab nako ilalom sa adlaw nga ang lumba dili alang sa tulin, o ang gubat alang sa baskog, o ang pan alang sa maalamon, o ang mga bahandi alang ngadto sa may pagpanabot, o ang kahimuot alang sa mga tawo nga batid; apan ang panahon ug higayon nahitabo kanilang tanan.

Awit sa mga Awit 3:3

Ang mga tigbantay nakakita kanako, samtang naglibot sila sa siyudad. “Nakita ba ninyo siya nga gihigugma sa akong kalag?”

Awit sa mga Awit 5:7

Ang mga tigbantay nakakita kanako, samtang naglibot sila sa siyudad; ila akong gibunalan, ila akong gisamaran; ang mga tigbantay sa mga paril, ilang gikuha ang akong kupo.

Isaias 27:3

Ako, ang Ginoo, mao ang tigbantay niini; matag gutlo ako magbisibis niini, Aron dili kini hilabtan ni bisan kinsa, bantayan nako kini sa adlaw ug sa gabii;

Isaias 56:10

Ang iyang mga tigbantay mga buta, silang tanan mga walay kahibalo; silang tanan pulos mga amang nga iro, sila dili makausig; nagdamgo, naghigda, mahigugmaon sa pagkatulog.

Isaias 62:6

Ibabaw sa imong mga kuta, ako nagbutang ug mga bantay, O Jerusalem; sa tibuok adlaw ug tibuok gabii sila dili gayod mahilom. Kamo nga mga tigpahinumdom sa Ginoo, ayaw kamo pagpahulay,

Jeremias 51:12

Pagbutang ug bandila batok sa mga paril sa Babilonia; lig-ona ang bantayan; pagbutang ug mga tigbantay; andama ang mga pagpangatang; kay ang Ginoo naglaraw ug naghimo sa iyang gisulti mahitungod sa mga nagpuyo sa Babilonia.

Jeremias 51:31

Ang usa ka tigdagan modagan aron sa pagtagbo sa usa, ug ang usa ka sinugo aron motagbo sa usa, aron pagsulti sa hari sa Babilonia nga ang iyang siyudad nailog diha sa tanang dapit;

1 Mga Taga-Corinto 15:14

ug kon si Cristo wala mabanhaw, kawang lamang ang among pagsangyaw ug kawang lamang usab ang inyong pagtuo.

1 Mga Taga-Corinto 3:7

Sa ingon niana, ang mahinungdanon dili ang nagtanom o ang nagbisibis, kondili ang Dios nga nagpatubo.

Mga Taga-Galacia 4:11

Nahadlok ako alang kaninyo, nga tingali ug napakyas ang akong paghago diha kaninyo.

Deuteronomio 8:18

Apan hinumdomi ang Ginoo nga inyong Dios kay siya mao ang naghatag ug gahom sa pagbaton sa mga bahandi, aron mapamatud-an niya ang iyang kasabotan nga gipanumpa niya sa inyong katigulangan sama niining adlawa.

Josue 2:2

Ug gisuginlan ang hari sa Jerico, “Tan-awa, may mga tawo sa Israel nga miabot dinhi karong gabii aron sa pagsusi sa yuta.”