Salmo 102:3

Ang Biblia 2011

Kay ang akong mga adlaw nangahanaw sama sa aso, ug ang akong kabukogan nagdilaab sama sa hudno.

Cross References

Job 30:30

Ang akong panit naitom ug nataktak gikan kanako, ug ang akong kabukogan nasunog sa kainit.

Salmo 119:83

Kay ako nahimong sama sa panit nga sudlanan sa bino nga anaa sa aso, apan wala nako kalimti ang imong mga lagda.

Salmo 27:9

Ayaw tagoa ang imong nawong gikan kanako. Ayaw isalikway ang imong sulugoon diha sa kasuko, ikaw mao ang akong panabang. Ayaw ako isalikway, ayaw ako biyai, O Dios sa akong kaluwasan!

Salmo 31:10

Kay ang akong kinabuhi gikapoy pag-ayo tungod sa kaguol, ug ang akong mga tuig sa pagpanghupaw; ang akong kusog naluya tungod sa akong kasal-anan, ug ang akong mga bukog nagkaut-ot.

Salmo 31:3

Kay ikaw mao ang akong bato ug ang akong kuta; tungod ug alang sa imong ngalan, tultoli ug giyahi ako,

Salmo 37:20

Apan ang mga daotan mangawala, ug ang mga kaaway sa Ginoo sama sa kaanindot sa sibsibanan; mangawala sila, mangahanaw sama sa aso.

Salmo 38:3

Walay kaayohan sa akong unod tungod sa imong kaligutgot; walay kabaskog sa akong mga bukog tungod sa akong sala.

Mga Pagbangotan 1:13

“Gikan sa kahitas-an siya nagpadala ug kalayo; nganhi sa akong kabukogan iya kining gipakanaog; nagbukhad siya ug pukot alang sa akong mga tiil; gipabalik niya ako; gibiyaan niya ako nga nakurat, luya sa tibuok nga adlaw.

Mga Pagbangotan 3:4

Gipatigulang niya ang akong unod ug ang akong panit, ug gidugmok ang akong mga bukog;

Santiago 4:14

nga wala man kamo mahibalo mahitungod sa kaugmaon. Kay unsa ba ang inyong kinabuhi? Kamo sama lamang sa aso nga sa makadiyot nagpakita ug unya nahanaw lamang.