Ruth 4:6

Ang Biblia 2011

Ug ang suod nga kadugo miingon, “Dili ako molukat niini alang sa akong kaugalingon, kay tingali unya ug madaot ang akong kaugalingong panulundon. Kuhaa ang akong katungod sa paglukat kay dili ako makalukat niana.”

Cross References

Genesis 38:8

Unya si Juda miingon kang Onan, “Sudla ang asawa sa imong igsoon ug himoa kaniya ang katungdanan ingon nga igsoon sa namatay niyang bana ug hatagi ug kaliwat ang imong igsoon.”

Levitico 25:25

Kon ang imong igsoon mahimong kabos ug magbaligya ug diyotay sa iyang kaugalingong yuta, moanha ang iyang labing suod nga kadugo, ug lukaton ang gibaligya sa iyang igsoon.

Deuteronomio 25:7

Ug kon ang tawo dili buot mangasawa sa asawa sa iyang igsoon, ang asawa sa iyang igsoon moadto sa pultahan sa mga kadagkoan ug moingon, ‘Ang igsoon sa akong bana nagdumili sa pagpatunhay sa ngalan sa iyang igsoon diha sa Israel; dili siya mobuhat sa katungdanan ingon nga igsoon sa akong bana.’

Deuteronomio 25:8

Unya ang mga kadagkoan sa iyang lungsod mopatawag sa lalaki ug makigsulti kaniya ug kon mopadayon gayod siya pag-ingon, ‘Dili ako buot nga mangasawa kaniya,’

Deuteronomio 25:9

ang asawa sa iyang igsoon moadto kaniya sa atubangan sa mga kadagkoan ug huboon ang sandalyas sa iyang tiil ug lud-an ang iyang nawong ug motubag siya ug moingon, ‘Mao kini ang buhaton sa tawo nga dili mobangon sa balay sa iyang igsoon.’

Ruth 2:20

Unya si Naomi miingon sa iyang umagad, “Panalanginan siya sa Ginoo, siya nga wala maghikaw sa iyang kaluoy ngadto sa mga buhi ug sa mga patay!” Ug si Naomi miingon usab kaniya, “Ang tawo atong kadugo, usa sa atong mga suod nga kadugo.”

Ruth 3:13

Pagpabilin niining gabhiona ug sa pagkabuntag, kon iyang himoon ang bahin sa usa ka kadugo alang kanimo, maayo; ipabuhat kana niya. Apan kon siya dili buot mobuhat sa bahin sa usa ka suod nga kadugo alang kanimo, ingon nga ang Dios buhi, akong buhaton ang bahin sa usa ka suod nga kadugo alang kanimo. Higda hangtod sa pagkabuntag.”

Ruth 3:9

Siya miingon, “Kinsa ba ikaw?” Ug siya mitubag, “Ako si Ruth, ang imong sulugoong babaye. Bukhara ang imong kupo ibabaw sa imong sulugoon—kay ikaw ang suod nako nga kadugo.”