Ruth 4:15

Ang Biblia 2011

Ug alang kanimo siya mahimong tigpahiuli sa kinabuhi ug tiglig-on kanimo sa imong pagkatigulang kay ang imong umagad nga babaye nga nahigugma kanimo nga labaw pang maayo kanimo kay sa pito ka anak nga lalaki, nanganak kaniya.”

Cross References

Genesis 45:11

Ug didto ako magsangkap kanimo kay may nahibilin pa nga lima ka tuig sa gutom, tingali unya ug mahutdan ikaw ug ang imong panimalay ug ang tanan nga imo.” ’

Genesis 47:12

Ug si Jose nagsangkap ug pagkaon sa iyang amahan ug sa iyang mga igsoon ug sa tanan sa panimalay sa iyang amahan sumala sa ilang mga banay.

Salmo 55:22

Itugyan ngadto sa Ginoo ang imong palas-anon, ug siya mag-agak kanimo; dili gayod niya itugot nga matarog ang matarong.

Mga Panultihon 18:24

Adunay mga higala nga magpakaaron-ingnon nga mga higala, apan adunay usa ka higala nga magpabilin nga suod pa kay sa usa ka igsoon.

Isaias 46:4

bisan hangtod sa imong katigulangon ako mao siya, ug bisan hangtod sa pagkaubanon sa buhok ako mag-agak kaninyo; ako nagbuhat ug ako magpas-an; ako magpas-an ug magluwas.

Ruth 4:16

Unya gikuha ni Naomi ang bata ug gibutang sa iyang sabakan, ug siya nahimong iyang tig-atiman.

1 Samuel 1:8

Ug si Elkana nga iyang bana miingon kaniya, “Hana, nganong naghilak ikaw? Ug nganong wala ikaw mokaon? Nganong ang imong kasingkasing masulub-on? Dili ba ako labaw pa man alang kanimo kay sa napulo ka anak nga lalaki?”

1 Samuel 2:5

Kadtong mga busog nagpasuhol sa ilang kaugalingon aron makakaon, apan kadtong gigutom, wala na gutoma. Siya nga dili manganak nanganak ug pito apan siya nga daghan ug mga anak nawad-an ug paglaom.