Ruth 4:14

Ang Biblia 2011

Ug ang mga babaye miingon kang Naomi, “Dalaygon ang Ginoo nga wala mobiya kanimo niining adlawa sa pagkawalay suod nga kadugo, ug hinaot pa nga ang iyang ngalan mabantogan sa Israel!

Cross References

Genesis 12:2

Ug akong buhaton gikan kanimo ang usa ka dako nga nasod, ug ikaw panalanginan nako ug himoong bantogan ang imong ngalan, aron ikaw mahimo nga usa ka panalangin.

Genesis 24:27

Ug siya miingon, “Dalaygon ang Ginoo, ang Dios sa akong agalon nga si Abraham, nga wala maghikaw sa iyang kaluoy ug sa iyang pagkamatinumanon ngadto sa akong agalon. Ug ako gitultolan sa Ginoo sa dalan ngadto sa balay sa mga kadugo sa akong agalon.”

Genesis 29:35

Ug nagsamkon siya pag-usab, ug nanganak siya ug usa ka batang lalaki, ug miingon, “Karon magdayeg ako sa Ginoo.” Tungod niini, gitawag niya ang iyang ngalan ug Juda. Unya mihunong siya sa pagpanganak.

Lucas 1:58

Ang iyang mga silingan ug kabanayan nakadungog nga ang Ginoo nagpakita ug dakong kaluoy kaniya, ug sila nalipay duyog kaniya.

Roma 12:15

Paglipay kamo duyog sa mga nalipay, hilak duyog sa mga nanghilak.

1 Mga Taga-Corinto 12:26

Kon ang usa ka bahin mag-antos, ang tanan magdungan sa pag-antos; kon ang usa ka bahin pasidunggan, ang tanan magdungan sa paglipay.

1 Mga Taga-Tesalonica 5:18

pagpasalamat kamo sa tanang higayon kay kini mao ang kabubut-on sa Dios diha kang Cristo Jesus alang kaninyo.

2 Mga Taga-Tesalonica 1:3

Kinahanglan nga kanunay kaming magpasalamat ngadto sa Dios mahitungod kaninyo, mga igsoon, ingon nga maoy angay, kay ang inyong pagtuo nagtubo man sa hilabihan gayod, ug ang gugma sa matag usa kaninyo nagkadako man alang sa usa ug usa.