Ruth 4:11

Ang Biblia 2011

Unya ang tanang katawhan nga didto sa ganghaan ug ang mga kadagkoan miingon, “Kami mga saksi. Ang Ginoo maghimo unta sa babaye nga mahiadto sa imong balay sama kang Rachel ug kang Lea nga naghiusa sa pagtukod sa balay sa Israel. Hinaot nga mouswag ikaw didto sa Efrata ug mabantogan sa Betlehem.

Cross References

Genesis 23:10

Si Efron naglingkod uban sa mga Hitihanon. Ug si Efron nga Hitihanon mitubag kang Abraham diha sa pangdungog sa mga Hitihanon, bisan sa tanan nga nanulod sa ganghaan sa iyang lungsod,

Genesis 24:60

Ug gipanalanginan nila si Rebecca, ug miingon sila kaniya, “Among igsoon, mahimo unta ikaw nga inahan sa liboan ka libo ug maangkon unta sa imong kaliwatan ang ganghaan niadtong nagdumot kanila.”

Genesis 29:16

Ug si Laban adunay duha ka anak nga babaye, ang ngalan sa magulang mao si Lea ug ang ngalan sa manghod mao si Raquel.

Genesis 29:25

Ug sa pagkabuntag na, nakita niya nga si Lea diay. Ug miingon siya kang Laban, “Unsa kining imong gibuhat kanako? Wala ba ako mag-alagad kanimo alang kang Raquel? Ngano nga gilimbongan man nimo ako?”

Genesis 29:32

Ug nagsamkon si Lea ug nanganak siya ug usa ka batang lalaki, ug ginganlan niya siya ug Ruben kay miingon siya, “Nakita sa Ginoo ang akong kasakit, karon mahigugma na gayod kanako ang akong bana.”

Genesis 35:23

Ang mga anak ni Lea: si Ruben nga kamagulangan ni Jacob, si Simeon, si Levi, si Juda, si Isacar ug si Zabulon.

Genesis 35:24

Ang mga anak ni Raquel: si Jose ug si Benjamin.

1 Mga Hari 21:8

Busa nagsulat siya ug mga sulat sa ngalan ni Ahab ug gisilyohan kini sa silyo ni Ahab, ug iyang gipadala ang mga sulat ngadto sa mga kadagkoan ug sa mga halangdon nga nagpuyo uban ni Nabot diha sa iyang siyudad.

1 Cronicas 2:51

si Salma nga amahan ni Betlehem ug si Haref nga amahan ni Betgader.

Salmo 132:6

Tan-awa, nakadungog kita niini didto sa Efrata nakaplagan nato kini sa kapatagan sa Jaar.

Mga Panultihon 14:1

Ang kaalam sa mga babaye maglig-on sa iyang balay, apan ang binuang sa iyang kamot magbungkag niini.

Mga Panultihon 31:23

Ang iyang bana inila diha sa mga ganghaan, sa diha nga siya molingkod uban sa mga kadagkoan sa yuta.

Jeremias 32:10

Gipirmahan nako ang kalig-onan sa pagpalit, gisilyohan kini, nagkuha ako ug mga saksi ug gitimbang ang salapi diha sa mga timbangan.

Miqueas 5:2

Apan ikaw, O Betlehem Efrata, ikaw nga gamayng lungsod diha sa kabanayan sa Juda, gikan kanimo mogula alang kanako ang mahimong tigmando sa Israel, nga ang kagikan gikan pa sa kanhing panahon, gikan sa kakaraanan.

Mateo 2:6

‘Ug ikaw, O Betlehem, sa yuta sa Juda, sa pagkatinuod dili maoy labing ubos sa mga prinsipe sa Juda; kay anha kanimo maggikan ang usa ka pangulo nga mao ang magbantay sa akong katawhan, ang Israel.’ ”

Deuteronomio 25:7

Ug kon ang tawo dili buot mangasawa sa asawa sa iyang igsoon, ang asawa sa iyang igsoon moadto sa pultahan sa mga kadagkoan ug moingon, ‘Ang igsoon sa akong bana nagdumili sa pagpatunhay sa ngalan sa iyang igsoon diha sa Israel; dili siya mobuhat sa katungdanan ingon nga igsoon sa akong bana.’

Deuteronomio 25:9

ang asawa sa iyang igsoon moadto kaniya sa atubangan sa mga kadagkoan ug huboon ang sandalyas sa iyang tiil ug lud-an ang iyang nawong ug motubag siya ug moingon, ‘Mao kini ang buhaton sa tawo nga dili mobangon sa balay sa iyang igsoon.’

Ruth 1:2

Ang ngalan sa tawo mao si Elimelek ug ang ngalan sa iyang asawa mao si Naomi ug ang ngalan sa iyang duha ka anak nga lalaki mao si Malon ug si Chilion. Sila mga Efratihanon gikan sa Betlehem sa Juda. Ug nangadto sila sa yuta sa Moab ug mipuyo didto.