Ruth 4:1

Ang Biblia 2011

Unya si Boas miadto sa ganghaan ug milingkod didto. Ug unya, ang suod nga kadugo nga gihisgotan ni Boas milabay. Ug si Boas miingon, “Dali ngari, higala, ug lingkod.” Ug mihapit siya ug milingkod.

Cross References

Genesis 19:1

Unya ang duha ka anghel miabot didto sa Sodoma sa pagkagabii ug si Lot naglingkod didto sa ganghaan sa Sodoma. Sa dihang nakita sila ni Lot, mitindog siya sa pagdawat kanila ug mihapa siya sa yuta.

Genesis 23:10

Si Efron naglingkod uban sa mga Hitihanon. Ug si Efron nga Hitihanon mitubag kang Abraham diha sa pangdungog sa mga Hitihanon, bisan sa tanan nga nanulod sa ganghaan sa iyang lungsod,

Genesis 34:20

Busa si Hamor ug si Sekem nga iyang anak miadto sa ganghaan sa lungsod ug nakigsulti sila sa mga tawo sa ilang lungsod nga nag-ingon,

2 Samuel 15:2

Si Absalom sayo nga mobangon ug motindog sa daplin sa agianan sa ganghaan, ug sa diha nga may si bisan kinsa nga tawo nga adunay sumbong nga iadto sa hari aron hukman, tawgon siya ni Absalom ug moingon, “Diin ka nga siyudad gikan?” Ug sa diha nga siya moingon, “Ang imong sulugoon gikan sa usa sa mga banay sa Israel,”

2 Cronicas 18:9

Unya ang hari sa Israel ug si Jehosafat nga hari sa Juda naglingkod sa ilang mga trono, nagsul-ob sa ilang mga kupo ug sila naglingkod sa giokanan dapit sa ganghaan sa Samaria, ug ang tanang mga propeta nagpropesiya sa ilang atubangan.

Job 29:7

Sa diha nga moadto ako sa ganghaan sa siyudad, sa dihang mag-andam ako sa akong lingkoranan diha sa dalan,

Job 31:21

kon gibakyaw nako ang akong kamot batok sa mga walay amahan, tungod kay nakakita ako ug panabang diha sa ganghaan,

Salmo 69:12

Nahimo akong hisgotanan sa mga naglingkod sa ganghaan, ug nahimong awit sa mga palahubog.

Mga Panultihon 31:23

Ang iyang bana inila diha sa mga ganghaan, sa diha nga siya molingkod uban sa mga kadagkoan sa yuta.

Isaias 55:1

“Kamong tanan nga giuhaw, dali ngari sa katubigan; ug siya nga walay salapi, dali, palit, ug kaon! Dali, palit ug bino ug gatas nga walay salapi ug walay bayad.

Jeremias 32:10

Gipirmahan nako ang kalig-onan sa pagpalit, gisilyohan kini, nagkuha ako ug mga saksi ug gitimbang ang salapi diha sa mga timbangan.

Amos 5:15

Dumti ang daotan ug higugmaa ang maayo, ug ipahamtang ang hustisya diha sa ganghaan; basin na lamang ug ang Ginoo, ang Dios sa mga panon, mapuno sa kaluoy sa mga salin ni Jose.

Zacarias 2:6

Dali! Dali! Biya kamo gikan sa yuta sa amihanan, nag-ingon ang Ginoo, kay gikatag na kamo nako ingon sa upat ka hangin sa kalangitan, nag-ingon ang Ginoo.

Deuteronomio 16:18

“Pagtudlo ug mga maghuhukom ug mga pangulo sa tanan ninyong lungsod nga gihatag sa Ginoo nga inyong Dios sumala sa inyong mga banay ug sila maghukom sa katawhan pinaagi sa matarong nga paghukom.

Deuteronomio 17:5

ang lalaki o ang babaye nga nagbuhat niining daotan nga butang dad-a ngadto sa inyong mga ganghaan ug batoa ang lalaki o ang babaye, hangtod nga mamatay.

Deuteronomio 21:19

kuptan siya sa iyang amahan ug sa iyang inahan ug dad-on siya ngadto sa mga kadagkoan sa iyang siyudad, sa ganghaan sa dapit diin didto siya magpuyo.

Deuteronomio 25:7

Ug kon ang tawo dili buot mangasawa sa asawa sa iyang igsoon, ang asawa sa iyang igsoon moadto sa pultahan sa mga kadagkoan ug moingon, ‘Ang igsoon sa akong bana nagdumili sa pagpatunhay sa ngalan sa iyang igsoon diha sa Israel; dili siya mobuhat sa katungdanan ingon nga igsoon sa akong bana.’

Josue 20:4

Makakagiw siya ngadto sa usa niining mga siyudara ug motindog sa ganghaan sa siyudad ug magpahayag sa iyang kahimtang ngadto sa mga kadagkoan niining siyudara. Unya ilang dad-on siya ngadto sa siyudad ug hatagan siya ug dapit ug magpabilin siya uban kanila.

Ruth 3:12

Ug karon matuod nga ako suod nga kadugo apan adunay usa ka kadugo nga labawng suod pa kay kanako.

Ruth 3:18

Unya si Naomi miingon, “Paabota, anak ko, hangtod nga ikaw mahibalo sa sangpotanan niining butanga kay ang tawo dili mopahulay hangtod nga mahusay niya kining butanga karong adlawa.”