Ruth 3:2

Ang Biblia 2011

Karon dili ba kadugo man nato si Boas, nga sa iyang mga sulugoong babaye ikaw miuban? Tan-awa, karong gabii magtahop siya ug sebada didto sa giokanan.

Cross References

Genesis 50:10

Ug miabot sila sa yuta sa Atad nga giokanan sa trigo nga didto sa tabok sa Jordan ug nagbangutan sila didto sa hilabihan ug sa masulub-on nga pagbangutan. Ug si Jose naghimo ug pito ka adlaw nga pagbangutan.

Ruth 2:1

Si Naomi adunay kadugo sa iyang bana, usa ka tawong adunahan, sa panimalay ni Elimelek ug Boas ang iyang ngalan.

Ruth 2:8

Unya miingon si Boas kang Ruth, “Karon paminaw, akong anak, ayaw panghagdaw sa laing uma o biyai kini apan pabilin sa akong mga sulugoon nga babaye.

Ruth 3:1

Unya si Naomi nga iyang ugangan miingon kaniya, “Anak ko, dili ba ako mangita ug panimalay alang kanimo aron mamaayo ang imong kahimtang?

Ruth 3:3

Busa kaligo ug pagpahumot ug isul-ob ang imong labing maayong bisti ug lakaw ngadto sa giokanan. Apan ayaw pagpaila sa imong kaugalingon ngadto sa tawo hangtod nga siya makakaon na ug makainom.