Ruth 3:10

Ang Biblia 2011

Ug siya miingon, “Hinaot nga panalanginan ikaw sa Ginoo, anak ko. Ikaw nagpakitag kaayo nga labaw pa kay sa sinugdan, nga ikaw wala mag-apas sa mga batan-on nga lalaki, kabos man o adunahan.

Cross References

Genesis 24:31

Ug siya miingon kaniya, “Dayon! Ikaw nga gipanalanginan sa Ginoo. Ngano nga nagtindog ikaw sa gawas? Giandam nako ang balay ug ang dapit alang sa mga kamilyo.”

Ruth 1:8

Apan si Naomi miingon sa iyang duha ka umagad nga babaye, “Lakaw, pamauli ang matag usa kaninyo ngadto sa balay sa iyang inahan. Hinaot unta nga maluoy ang Ginoo kaninyo, sama sa inyong gihimo niadtong nangamatay ug kanako.

Ruth 2:11

Apan si Boas mitubag kaniya, “Gisuginlan na ako sa tanan nga imong nabuhat sa imong ugangan nga babaye sukad sa pagkamatay sa imong bana ug gibiyaan nimo ang imong amahan ug ang imong inahan ug ang imong yutang natawhan, ug mianhi ikaw sa usa ka katawhan nga wala nimo mailhi kaniadto.

Ruth 2:20

Unya si Naomi miingon sa iyang umagad, “Panalanginan siya sa Ginoo, siya nga wala maghikaw sa iyang kaluoy ngadto sa mga buhi ug sa mga patay!” Ug si Naomi miingon usab kaniya, “Ang tawo atong kadugo, usa sa atong mga suod nga kadugo.”

Ruth 2:4

Ug unya, si Boas miabot gikan sa Betlehem ug miingon sa mga mangangani, “Ang Ginoo mag-uban kaninyo!” Ug sila mitubag, “Ang Ginoo magpanalangin kanimo.”

Ruth 3:9

Siya miingon, “Kinsa ba ikaw?” Ug siya mitubag, “Ako si Ruth, ang imong sulugoong babaye. Bukhara ang imong kupo ibabaw sa imong sulugoon—kay ikaw ang suod nako nga kadugo.”

1 Samuel 15:13

Si Samuel miadto kang Saul, ug si Saul miingon kaniya, “Panalanginan unta ikaw sa Ginoo! Ako nagbuhat sa sugo sa Ginoo.”