Ruth 2:8

Ang Biblia 2011

Unya miingon si Boas kang Ruth, “Karon paminaw, akong anak, ayaw panghagdaw sa laing uma o biyai kini apan pabilin sa akong mga sulugoon nga babaye.

Cross References

2 Mga Hari 5:13

Apan ang iyang mga sulugoon miduol ug miingon kaniya, “Amahan ko, kon ang propeta magsugo kanimo sa pagbuhat ug dakong butang, dili ba buhaton nimo kini? Unsa pa kaha nga misulti lamang siya kanimo, ‘Panghugas, ug mahinlo ka’?”

Levitico 19:9

“Sa dihang mag-ani kamo sa abot sa inyong yuta, ayaw ninyo hutda hangtod sa daplin sa inyong uma, ayaw usab hagdawi ang inyong gianihan.

Mateo 9:2

Ug didto ilang gidala kaniya ang usa ka paralitiko nga naghigda sa iyang higdaanan. Ug sa pagkakita ni Jesus sa ilang pagsalig, siya miingon sa paralitiko, “Anak, ayaw kaguol, ang imong mga sala gipasaylo na.”

Mateo 9:22

Si Jesus miliso ug sa iyang pagkakita kaniya, miingon, “Paglipay anak, ang imong pagsalig nakaayo kanimo.” Ug dihadiha ang babaye naayo.

Mga Taga-Filipos 4:8

Sa kataposan, mga igsoon, bisan unsang butang nga matuod, bisan unsang butang nga dungganan, bisan unsang butang nga matarong, bisan unsang butang nga putli, bisan unsang butang nga matahom, bisan unsang butang nga maayo ug dungog, kon aduna may labing maayo, kon aduna may pagdayeg, hunahunaa ninyo kining mga butanga.

Ruth 2:7

Ug siya miingon, ‘Ako naghangyo kaninyo, pahagdawa ako ug patigoma diha sa mga binangan sunod sa mga mangangani.’ Busa siya mianhi ug nagpadayon sukad sa buntag hangtod karon nga walay pahulay bisan makadiyot.”

Ruth 2:9

Ilantaw ang imong mga mata sa uma nga ilang gianihan ug sunod kanila. Wala ba ako magtugon sa mga batan-ong lalaki nga sila dili maghilabot kanimo? Ug kon ikaw uhawon, lakaw ngadto sa mga tadyaw ug inom sa mga kinalos sa mga batan-ong lalaki.”

1 Samuel 3:16

Apan si Eli mitawag kang Samuel ug miingon, “Samuel, anak ko.” Ug siya miingon, “Ania ako.”

1 Samuel 3:6

Ang Ginoo mitawag pag-usab, “Samuel!” Si Samuel mibangon ug miadto kang Eli ug miingon, “Ania ako kay ikaw nagtawag kanako.” Ug siya mitubag, “Wala ako magtawag kanimo, anak; higda pag-usab.”