Ruth 2:7

Ang Biblia 2011

Ug siya miingon, ‘Ako naghangyo kaninyo, pahagdawa ako ug patigoma diha sa mga binangan sunod sa mga mangangani.’ Busa siya mianhi ug nagpadayon sukad sa buntag hangtod karon nga walay pahulay bisan makadiyot.”

Cross References

Mga Panultihon 13:4

Ang kalag sa tapolan mangandoy, ug walay bisan unsa nga makuha, samtang ang kalag sa makugihon gisangkapan nga madagayaon.

Mga Panultihon 15:33

Ang pagkahadlok sa Ginoo maoy pahimangno diha sa kaalam, ug ang pagkamapaubsanon mag-una sa kadungganan.

Mga Panultihon 18:23

Ang kabos maggamit sa mga pagpangaliyupo, apan ang adunahan magtubag nga magsingka.

Mga Panultihon 22:29

Nakakita ba ikaw ug usa ka tawo nga batid sa iyang buhat? Siya mag-alagad atubangan sa mga hari; dili siya mag-alagad atubangan sa mga tawong dili inila.

Ecclesiastes 9:10

Bisan unsa nga makaplagan nga buhat sa imong kamot, buhata kana uban ang imong kusog; kay didto sa Sheol diin ikaw moadto walay buluhaton, o paghunahuna, o kahibalo o kaalam.

Mateo 5:3

“Bulahan ang mga kabos sa espiritu kay ila ang gingharian sa langit.

Roma 12:11

Ayaw kamo pagtinapolan, hinuon pagmainiton kamo diha sa Espiritu. Alagari ninyo ang Ginoo.

Mga Taga-Galacia 6:9

Ug kinahanglang dili kita maluya sa pagbuhat ug maayo, kay sa tukma nga panahon kita mag-ani kon kita dili maluya.

Mga Taga-Efeso 5:21

Magpasakop kamo nga masinugtanon sa usa ug usa ingon nga nagtahod kang Cristo.

Ruth 2:2

Ug si Ruth nga Moabihanon miingon kang Naomi, “Paadtoa ako karon sa uma aron manghagdaw sa mga uhay sa trigo sunod kaniya nga sa iyang mga mata makakaplag ako ug kaluoy.” Ug siya miingon kaniya, “Lakaw, akong anak.”

Ruth 2:21

Unya si Ruth nga Moabihanon miingon, “Miingon usab siya kanako, ‘Paduol sa akong mga sulugoon, hangtod nga ilang matapos ang tanan nakong anihonon.’ ”

Ruth 2:6

Ug ang sulugoon nga maoy pangulo sa mga mangangani mitubag, “Kana siya mao ang Moabihanon nga babaye nga mibalik uban kang Naomi gikan sa yuta sa Moab.

Ruth 2:8

Unya miingon si Boas kang Ruth, “Karon paminaw, akong anak, ayaw panghagdaw sa laing uma o biyai kini apan pabilin sa akong mga sulugoon nga babaye.